صاحبُ اللثامِ الأسودِ
الكاتبة: x8lll.a
لمعة عَيُونه خذت گلبي وَ تيهتني.❤️✨
_____________________________
استمرينه بعلاقتنه وحيل احبه وهوه هم حيل يحبني ماليني بحنانه بحجاياته الحلوه بدلاله الي بأهتمامه غانيني على الدنيا والبيها
بس بعدني انغث من الاسمها جنات ومن نضراتها النه كل ما اشوفها تباوعله اخلي يجي لفرغ العشاق والزم ايده عناد بيها وابوسه بخده ونبقه شوي نسولف ونرجع هوه يروح الشغله واني اروح البيت براء خليت عقلي وياها يا اني يا هيه مصعب جان يضحك علينه بسبب المشاكل اليوميه اسويها ويا وهوه يصالحني وبعدين يضحك على سوالفي جنات شالو ماعرفنه شي عنها بعد ثاني يوم رحت البراء
ريام: ايييي واخيرااا خلصت منها بعد ماتباوعله
بقينه فتره مرتاحين وكلشي ماشي حلو الحد ما اجت ! دخلت بحياتنه بنيه وكعدت بنفس بيت جنات للمعلومه جنات جانو مأجرين ببيت طابق ثاني ومن شالو اجتي هاي زينب
زينب ماجنت اباوع عليها ولا منتبهه عليها بيومم جنت زعلانه على مصعب وكلي تعاي للفرع ورحت اخذني اشترالي وحضني فاتت من عدنه وبقت تباوع علينه ما اهتميت وبقيت بحضنه ورا ايام اجتي زينب تريد تتعرف على براء ماتقبلتها علمود براء ماتزعل عليه سلمت عليها وضحكت بوجهه صارت علاقتي بزينب على كد السلام ومرات اكنسل واعبر
نداوم طبيعي زينب ماجانت مسجله بنفس المدرسه الاحنه ندرس بيها انتقلت ويانه صارت علاقتهه حيل قويه ويا زينب واحس براء انوخذت مني هاهيه بعد ! كم مره بمره اعاتبها وهيه ماتهتم وترجع تماشيها عفتها على راحتها
تعرفت على صديقه وياي بنفس الصف اسمها تماره حيل حبابه ولطيفه وعرفتني على صديقتها ايه الله يذكرهن بالخير ضلينه تلاثتنه نتمشه يوميه
براء: تعاي اريد احاجيج
دك الجرس مالحكنه
ريام بلفرصه اشوفج جوه الشجره واحجيلي التردي
عفتها ورحت للصف ويا البنات
براء: باعي ترا زينب تحب مصعب
ريام: ها؟
براء: اني ماشيتها علمود اعرف شنو نيتها
ريام: ماصدكتها خليتها تكمل حجيها ورحت
ثاني يوم
ريام: دخلت للمدرسه رحت للصف اريد اذب الجنطه واروح يم البنات اسلم عليهن اجتني براء حضنتني وسلمت عليه والضحكه تارسه وجهه فرحت وياها بس عليمن مادري
ضلينه نتمشه بس هلمره ويانه براء وزينب ماشفتها ولا اجتي على براء حته فرحت بلزايد خلصنه الفرص سوه ويوميه نطلع رغم براء مو وياي بنفس الصف جنت اروح اخذها ونرجع للبنات
بقينه هيج ايام طويله بيوم اجتني زينب
زينب: انتي صحيح عندج علاقه ويا مصعب
ريام: ايي حبيبي هوه ليش
زينب: زين سؤال
ريام: كولي عمري
زينب: انتي صحيح حامل منه وذبيتي الطفل؟
ريام: ضحكت اييي صحيح شمدريج
زينب: براء كالتلي
عصبت من براء ونكلبن ملامح وجهي ما توقعتها منها
رحت البراء واني شايطه
ريام: براء تعاي اريد احاجيج بموضوع
براء استرخصت من الناس واجتني
ريام: تدرين بيه حامل وطرحت الطفل
براء: ضحكت بوجهي ايي مبروك
ريام: براء لاتغبين روحج شنو رايحه تحجين عليه كدام زينب شبيج ليش تغيرتي
براء: لا ماتغيرت بس فلت لساني
ريام: يمته اني حبلت منه
براء: هاي شبيج زله لسان وصارت هاهيه خما صدك حبلتي
براء اخذت الموضوع ضحك وما اهتميت كلت مايصير شي
زينب اخذتها فرصه تهديد وتريد تلوي ذراعي بهاي السالفه
جنه نتمشى ويا البنات مثل كل مره
اجت زينب حطت ايدها على بطني وحاوطتني من وراي عبالي ايه هيج تتشاقه وياي
بس همست بأذاني زينب: شلونه ابن اوختي كدام البنات ريام: زين زين باستني بخدي لزمت ايدي وتتمشه وياي
البنات استغربن منها واني هم استغربت هاي شبيها اول تالي من يمته هيج باوعت عليها بنضره استغرب ووخرت ايدي منها البنات اخذن الموضوع شقه
ابتعدت عليها بيه مابيه ابتعد منها وهيه ترجعلي
رحت يم براء العصريه وزينب من شافتني ورا شوي اجتنه لبيت براء سلمت عليها عادي سوالف وضحك وياها من رجعت سولفت المصعب كلشي كتله من الالف للياء وهوه هم ضحك كلي ايباهه صرت اب ومادري بروحي
ضحكنه ثنينه يوم الثاني رحت البراء شفت زينب واكفه بلشباج وتباوع على المحل اليتشغل بي مصعب
ريام: اهوووو هاي شلون بلوه رحت البراء حضنتها وبقينه نسولف للمغرب طلعنه نشتري ومثل كل مره الشرايه حجه حته اشوف مصعب نحاول نخلي زينب تروح من عدنه وهيه صامله ويانه حته براء ما رادتها
براء بدت ترجعلها وماتمشي وياي تفضل تضل وحدها وماتمشي وياي
ريام: هاي شنو موضوعها كل فتره تبتعد وترجع عفتها على راحتها ادري مردادها الي بس شدعوه متأكده هلكد مادري
جان عدنه تصوير مدرسيه صورت ويا تماره وايه ورحت على شهد استأذنت من المدرسه واخذت شهد صورنه سوه ورجعنه كلمن الصفهه
براء ابتعدت عليه نهائيا كطعت من شفتها هيج ماكمت اروحلها هواي بأخر فتره من شفت تصرفاتها وياي واشوفها تمشي ويا زينب وتضحك وياها وعايفتني حته ماتدري شلوني !
تماره انخطبت الحبيبها وبطلها من الدوام ايه مشاكل ويا اهلهه راحت ويا امها وانقلت من المدرسه الاجنه بيها
بقيت امشي وحدي الحد ما بنت عمتي عرفتني على صديقاتها ما حجيت الهن على مصعب لأن بنت عمتي اي شي يصير توصله الاختها وتكب ومصعب حذرني ما اثق بأي احد واحجي على علاقتنه ومشيت بنصيحته
براء صارت عدويه وياي ليش ما اعرف صارت بس تدور مشاكل وياي هيه وزينب
صارت مشاكل قويه بينه الدرجه كتبنه مرتين تعهد ! بيوم اجتي زينب الاهلي
زينب: بتكم هددتني تكتلني بسجينه وهيه تجيب جكاير توزع على البنات وعدها علاقه ويا شباب
ابوي بهذاك اليوم فقدد بده يموتني بس رزلني وكلي اذا صار اي شي احسبي دراسه ماكو
ريام: عصبت حيللل هاي على يا اساس تجي تلفق حجي بكيفها ما اصدك يهده البيت وحته مابدلت بملابس الدوام رحت البيت زينب وحجيت ويا امها ريام: خلي بنتج تبتعد مني واني ابتعد منها احسن ماريد اسوي مشاكل وياكم
امها: هاهيه مايصير شي وزينب اني ابعدها عنج
طلعت من بيتهم وباوعت مصعب واكف بلباب مال المحل درت وجهي ورحت للبيت من العصبيه ادك رجلي حيل بلكاع من امشي اريدد ارجع اموتها
رجعت للبيت وعساني مارجعت منين ما اصلحها تتصخم بلزايد
أنت تقرأ
صاحبُ أللثامِ ألاسودِ
Romanceنافذة مفتوحه، وفتاة تقف أمامها، الهواء يحرك خصلات شعرها السوداء، الملتفه مع بعضها، تغلق عيناها بقوة، لعلها تتخلص من هذه الذكريات السيئه، تحاول أن تتذكر اي شيء يسعدها، لتفتح عيناها وترى شخصٌ ذو نصف إبتسامه لتكون هذه اللحظه من أجمل ذكرياتها لتغلق النا...
