صباح عادي كأي صباح...
بغداد
-علي بسك نوم، كوم حتتأخر-تجر منه الغطه-رجعي الغطه- تزمجر بعصبيه و تكول-حتتأخر و يفوتك الدوام و تتزرل هيج عاجبك؟، هوه احنه شمستفادين منك بس تنام-
كام علي من فراشه بكل عصبيه-طلعي بره-خاطبته بأستهزاء-ارتبلك فراشك- رفع سبابته عليها و صرخ-طلعي بره اني ارتبه و غرفتي ماريد تلوحينهه بعد- اتسعت عيون جوانا من الصدمه
-ربي شبلانه بهيج مخلوقات، الموت افضل من شوفه وجهه كليوميه- نزل علي من غرفته متجه للصاله، ناداه ابوه بنبره حديه-علي تعال-التفت علي نحو المطبخ و كال-ها يبه-و للحظه لمح جوانا وراه، عرف انو كالت اله نقاشهم الحاد و صرخ عليه ابوه-شبيك وي جوان-تنهد علي بعمق و كال-مابيه شي بس ماريد بعد تطب غرفتي، هيه لا ام.. -قاطعه ابوه و صرخ عليه-هيه بمثابه امك! - و رد عليه علي-بمثابه قندرتي! -
صعد لغرفته و اعصابه هايجه، بدل ملابسه و طلع بدون ريوك كعادته
-
وصل المدرسه متأخر و فاته الدرس الاول، استخدم الحجه الازدحامات
دك الباب و استأذن بالدخول، سأله المُدرس-ابني ليش متأخر- خاطبه علي بكل هدوء -اعتذر استاذ بس ازدحام و بيتي بعيد، و هذا اول يوم و اني جديد و ملكيت صفي- سأله الاستاذ-ابني تعاني من ضعف نظر او شي ثاني؟ - -نعم استاذ اعاني من ضعف نظر- باوع المدرس على غيث -ابني كوم تحول على الرحله الرابعه- رده غيث باستغراب-ليش استاذ؟ - -ابني مدا تشوف زميلك اقصر منك و يعاني من ضعف نظر هماتين- رده غيث-و شعليه اني- تنهد المدرس بغضب-غيث ابني كوم و لتعاندني- شال غيث كتبه و جنطته و يباوع على علي بنظرات حقد
-
خلص الدرس و عدى على هدوء، طلع علي من الصف و جان ديسمع احد يصيحه، التفت وراه-اطرش مدا تسمع صار ساعه اصيح بيك- عكد علي حواجبه و خاطبه-شرايد مني بربك- عقج اثناسيوس وجهه و جاوبه-شكو متأخر و اني مثل الزباله انتظر بيك- -حشى الزباله منك، انت حاويه- ضرب اثناسيوس جتف علي-هيج تشوفني قندره- شال علي ايديه من عليه و خاطبه-بربك عيفني من الصبح اكلت رزاله ناشفه و تأخرت و ملابسي ضاعن- لزم اثناسيوس ارنبه انفه-كاف كاف بس لتبجي مو دميعاتك-خاطبه علي بأنزعاج-شيل ايدك من عليه- قهقه اثناسيوس-شبيك عبست- نزل راسه و كال-اليوم تشبعت رزايل و الله اليستر من الجاي- عقج اثناسيوس ملامح وجهه و خاطبه-هم هذيج البربوك؟- زم علي شفايفه بعبوس-اي-
-
