تنهد اثناسيوس بعمق-كوم دك الجرس- عبس علي و سأل-شعنده هذا الدرس- -ماعدنه الجدول خلنروح و نشوف شعدنه- عكد الاصغر حواجبه و مخاطب اثناسيوس-بربك مابيه حيل-
-
درس اسلاميه بس بكون اثناسيوس مسيحي ميحضر الدرس
-كوم للصف لتنطرد- تنهد علي-اهوو مابيه حيل- نكزه اثناسيوس على راسه-ولي لصفك لتنطرد-
مر غيث بالصدفه كدام علي، لزم ايديه و حاجاه-غيث بالفرصه اريد احاجيك حجايتين- سحب غيث ايده بقوه من بين ايدينه -خلي حجاياتك لنفسك-
-
-مو صار ساعه ادك بالباب متسمعون؟- عكدت جوانا حواجبهه و ردت -جنت نايمه واذا بقيت دقيقتين زايده هياتك مابيك شي- فك علي قيطان حذائه-اي طبعا انتِ نايمه و يهفج سبلت و اكو زمال بره واكف بالشمس- -اهوو هسه شبيك كمت تجوعر كافي- دخل علي البيت متجه لغرفته، وكفه صوت جوانا- تريد اصبلك غده؟- رفع علي صوته- تزهرمي وحدج ماريد شوفتج تسد النفس- كال بخفوت-شوفه وجهج تسد ميه نفس هم- التفت عليه بناحيه الممر-شكلت عليه-ارتجى علي على الحايط-مكلت شي-
صعد لغرفته، غير ملابسه و اخذ فونه يتصفح الانستغرام -منزمان مناشر صوري-
طلع كامرته و كل محاولاته بأخذ صوره حلوه بائت بالفشل
جاه اشعار مسج
-علاوي-
-كاعد؟؟ -
-وينك-
-يمعود-
-شتردين؟-
-بس دا اواجه صعوبه بالرياضيات، احتاج مساعدتك-
-شو خلشوف الموضوع-
-هذا، مدا اكدر افتهمه ابدد-
-حدزلج فيد يشرحلج مابيه حيل-
-و انت يا يوم بيك حيل-
-بربج عوفيني-
-
كعد على نكز و صوت مألوف-كوم خلي نطلع، يا الهي شكد تنام الحامل مو مثلك- اكتفى علي بالهمهمه، جر اثناسيوس شعره و صرخ علي-اههه شبيكك دعوفني، هدد شعريي- ابتسم اثناسيوس-و اذا ما هديته؟ - صرخ علي-هدنننيي هدننييييي- هده اثناسيوس-بس لتعيط، زرفته لأذني- تنر بوجهه علي-طبك طوب-
-يلا امشي نطلع- عبس علي بوجهه-م-ماريد اطلع- استغرب اثناسيوس-عود ليش-
-تعبان و ب-بس- اقترب اثناسيوس منه و سأله -شبيك ترجف- جاوبه علي-مابيه شي بس عوفني بحدي- لزم ايد علي بكل قوته و سأله-اسألك ليش ترجف جاوبني- دار علي وجهه للجهه الثانيه و جاوب بخفوت-م-مابيه ش-شي-
-كوم خلنطلع و حسابك عليه- قهقه علي-بما انو الحساب عليك اطلع-
-
-جوان وين السويج- رفعت راسهه من الفون تجاهه-مادري شوفه معلك،مشايفته - زمجر علي-اهوووو هسه هذا وين الكا-رفع اثناسيوس ايده و نطق-تقصد هذا- رفع عيونه بذهول-وينن جان- جاوبه -بالكاع-
-
-راسي د-ديوجعني تكدر تكمل سياقه بدالي؟-رفع اثناسيوس عيونه من الفون-و ليش لا اطبك على صفحه اكمل بمكانك-
طبك السياره على صفحه حتى اثناسيوس يكمل مكانه، وصل اقرب مرطبات يكعدون بيهه-اكعد هسه اني اجيبهن-
التقى غيث بعلي و ما ازاح عينه من عليه، انتبه له علي و كاله-شكو تباوع- رده غيث-عاجبني ستايلك، لايك بس عليك- اكتفى علي بالهمهمه اقترب غيث من علي و سأله-بيك شي، دايخ؟ - حط علي ايده على راسه و امال راسه بالاجابه رجع سأله غيث-تشوف بوضوح؟ لو مغوش-رد عليه بصوت هادئ -م-مغوش-
-روح اكعد مو زين- نفى علي كلامه-لاه، اكدر اوكف-عكد غيث حواجبه-روح اكعد-و للحظه ما وكع علي بالكاع فزع غيث و لزم علي، ركض اثناسيوس عليه، صرخ غيث-يمعود متشوفون الولد متخربط جيبوا مي بارد!- سحب اثناسيوس ايد غيث-كوم شيله للسياره سريع!-
سحب الكشن ليروا و مدد علي عليه، كعد غيث بصفه يجب عليه مي ضربه على خده لحد ما فتح طرف عينه، سأله غيث-علي دتشوف شكم اصبع؟-باوع علي بأتجاهه ببطء و رده بصوت خافت-اثن-اثنين- كعد غيث حواجبه-اثول زمال هذا اثنين؟، واحد يا طلي-سحب اثناسيوس شعر غيث-كافي ترا الولد حالته حاله- تنر بوجهه غيث-وديه لأقرب مستشفى هنا، اليرموك بسرعه-
-
-ها دكتوره؟- تنهدت الدكتوره-ضغطه مرتفع بشكل جبير و جان من الممكن يسبب جلطه غير على انو مبين ما ماكل من فتره، الحمدالله عدت سلامات بس انتبهوله و ينتبه لأكله و ياكل زين مو بكل مره تسلم الجره- امال اثناسيوس براسه متفهم الوضع-شكرا دكتوره-
مشى اثناسيوس بأتجاه غيث و علي و اعصابه هايجه، سأله بنبره حديه-صار شكد مماكل شي؟ - نزل علي راسه و الدموع بطرف عينه، كرر اثناسيوس سؤاله-شوكت اخر مره اكلت- عض علي شفايفه و جاوبه بخفوت-ي-يومين و ه-هذا الثالث- لزم اثناسيوس ايد علي بقوه و صرخ عليه-ليمتى تبقى هيج مُهمل لنفسك-سحب غيث ايد اثناسيوس من علي-يمعود لتفضحنه، ترا احنه بمستشفى و علي مركبيله كانوله ابسط شي يأذيه!، انتبه لتأوت تأذيك- كعد اثناسيوس على كرسي، سأله غيث-عندك لاستيكه؟-جاوبه-اي- -انطينياهه- اخذهه غيث لف بيهه شعر علي من كدام وجهه، كام اثناسيوس من مكانه-يلا امشوا خلنطلع-
Instagram:-arxi.1n
٧١٨ كلمه انشكيت والله
