كانت خمس بيوت قريبه من بعض
ومن بينهم البيت الكبير بيت العائلة كلهم بيت الجد موسى
كانت عزيمة كبيره فبيت الجد موسى
———————-
فبيت احمد
احمد:اخلصو اخرتونا
جت العنود وهي جاهزة وكاشخه
لف وشاف العنود وابتسم:هلا ببنتي الكبيره الحلووه
راحت العنود تحضنه:ياحلو بابتي اللي كاشخ
فهد جاء وشافهم:احمم احمم بعض الناس يفرقون وماكن بينهم بس سنه
العنود:يالغيوورر ذابحتك الغيره
فهد:تخيلي بس اغار منك يعع
ضحك احمد:واضحه الغيره وانا ابوك
جت ايمان وراح فهد يحضنها عشان يقهر العنود
فهد:امي احلا
وباس راس امه
جو الباقين
رغد:صبرك ي ارض اكبر الناس تقال ورعان
نواف:ياويلنا من جدي تاخرنا
راحو كلهم لبيت الجد موسى
ولقو الناس كلهم موجودين واستقبلهم الجد
الجد موسى بعصبيه:كان قعدتو اكثر
نواف راح يبوس راس جده بعد ماباسه احمد
وقال:العذر والسموحه ياجد
سلمو العيال على جدهم ودخلو عند الرجال
دخل احمد المجلس وسلم هو وعياله الا نواف راح لرغد نست جوالها بالسياره
بعدها جاء نواف اللي له هيبه كبيره بين الرجال:سلاام يارجال
كلهم:وعليكم السلام
نواف لمح سعود وراح جلس جنبه
سعود:وينك تاخرت
نواف:الاهلل مالي شغل
————————————-
عند الحريم
دخلو البنات مع امهم وسلمو
قامت رغد للمطبخ لقت غيم
وقالت:غيممموه
غيم:رغودهه اهلاا
رغد:كيفك
غيم:تمامم كيفك انتي
رغد:الحمدلله تمام
غيم:جيتو كلكم ولا لسى باقي ماوصلو الباقين
رغد:لا كلنا جينا
غيم:تمام بروح اسلمم
ليان جت :رغودههه
رغد:اهليينن عمتو وينك من اولا
ليان:كنت بالغرفه
قاطعهم صوت نواف وهو يقول
:ياولددد طريق
ليان:ادخل مافي احد
نواف:ليونهه
راح حضنها وسلم
نواف:جدي يقول خلهم يجهزون القهوه
رغد:تمام بس اقعد مالي خلق اناديك وينقطع صوتي
قعدو يسوون القهوه رغد وليان ويسولفون مع نواف
دخلت غيم وتحسب ان مافي احد ومانتبهت لنواف
:ليون وين الحلا اللي تقول عنه عمتي
نواف رفع نضره واول ماشافها صد وتنحنح
ليان: غيممممم ارجعي نواف هينا
شهقت غيم وركضت تطلع
نواف:بطلع انا استاذنكم
رغد:خلاص القهوه خلصت امسك
عطته القهوه وطلع وغيم ماراحت عن باله
ليان:امشي امشي نطلع
راحو وقعدو يسولفون مع البنات
العنود:غيمم هاتي الحلا اللي عندك
غيم مدت لها الحلا وهي هاديه
العنود باستغراب:غيم فيك شي؟
غيم:لا لا مافيني شي بس عشان الاختبارات قربت ومتوتره
ميلا:بنات بقولكمم شيي توقعو وش
ايلاف ضحكت وهي تعرف الموضوع
كلهم باستغراب :ايش؟
ميلا:اااا انخطبتتت
لفوو لها واللي شهقت واللي غصت بالقهوه
قامو كلهم يباركون لها
رنا:مبرووووك وليه ماعلمتينا ياحيوانه
ميلا:الامور تمت بسرعه وحتى جدي وجدتي وعماني كلهم يعرفون ماعلموكم غريب
لينا:متى الملكه ؟
ميلا:الجمعة الجايه
شرقت ليان بالقهوه وغيم تهبدها على ضهرها
ليان:ماباقي الا ثلاث ايااام ياحيوانه كيف نجهززز
ميلا:بنات ترا امسس تمت الامور على السريع لاتلوموني
راحت رغد فغرفة فاضيه عشان تقدر تكلم ودقت على فهد ورد
رغد:الوو
فهد:هلا رغوده
رغد:فهودي اخوي حبيبي روحي حياتي دنيتي تودينا انا والبنات للسوق
فهد:اني عارف ماورا الدلع ذا الا السوق
رغد:طبب تودينا
فهد:بشوف لان ماتوقع عشان جدي يبغاني
رغد:تمامم سيوو فهوديي
فهد:سيوو
وقفلت وراحت للبنات تقول لهم
ريناد:يعني نقول نجهز
رغد:مدريي
العنود:ماتوقع يودينا دام جدي يبغاه
_________________
عند العيال
خالد:والله لاذبحك فهددد ياحيوان هات الجوال
فهد:مين عمك
خالد وهو يفكر:استنى عماني ثلاثه اييي عمي محمد و عمي احمد و عمي طلال
فهد:قديمه
خالد:انا قلت الصدق
فهد:طيب مينن عمك
خالد غمز لعبدالله وعبدالله ماقصر اخذ الجوال من فهد وحذفه على خالد
خالد:يسعد اهلك عبودد
فهد:يهب
نايف:ودي اهفكم الصراحه
خالد:حتى انا
سعود:غبي بتهف نفسك يعني
خالد استوعب:ها لا اقصد انو
سلمان:صحصح ياكوتش
فهد:نوااف تعال ابيك
طلع فهد ولحقه نواف
نواف:اسلم ياخوي
فهد ابتسم:الله يسلمك بس تودي البنات
نواف:وين
فهد:يبغون السوق عشان ملكة بنت عمي طلال
نواف:على ان مالي خلق بس يلا عشانك يعضيديي
فهد حضنه وقال:يلاا انتبه وانا اخوك
نواف ابتسم وراح يركب سيارته
—————————————-
عند البنات
فهد دق على رغد وقال لهم اجهزو وفعلا جهزو
العنود:لحضه اللي بيروح مين
رغد:انا وانتي وريناد وليان وغيم ولينا ورنا ورفا وفي
طلعو كلهم ومالقو فهد بس فجأة شافو سيارة نواف فتح الشباك وقال:انا اللي بوديكم مو فهد
رغد:العبب نوافي بيودينا
ركبو وكانت اللي قدام ليان
نواف:كلكم ورا وليان قدام عشانها عمتكم
ليان:لبىى ولد الاخو البطل
ولما وصلو السوق
نواف:انتبهوا من الرجال والعمال ولاتقربون منهم واذا صار شي قولو لي
العنود:بنروح للسوق ذاك في فساتين حلووه
رغد:قوداام
نواف كان وراهم وسمع وقال:كلمتي ياغشاشه اسمعك مره ثانيه تقولينها جلدتك
رغد:اسفين استاذ نواف بس من كثر ماتقولها اخذتها منك
دخلو السوق الاول
واللي اخذو من السوق هاذا رغد والعنود وفي وغيم
رفا:مالقيت نفس اللي فباليي
ليان:ولا انا
رغد:بروح اشتري لي اكسسورات
في:ايي ذكرتيني بروح معك
هزت راسها وراحو
غيم شافت محل شنط وكعب وعجبها:بنات فيي محل كعب وشنط حلو هناك بروح له
ليان:بتروحين لحالك
غيم:اي احد بيروح يجي
راحت غيم لمحل الكعب والشنط
دخلت ولفتها كعب متناسق مع الفستان حقها
راحت له وقالت:الله مرهه حلوو
اخذته واخذت لها شنطه وحاسبت وطلعت
فجأة جاها واحد متخلف وقال:ماشاءالله وش ذا الزين
غيم خافت بس مابينت:كلتبن لاجمع عليك الناس واعلمك كيف تتكلم
الرجال:احلى كلتبن سمعتها
غيم بصراخ:انقلع يابزرر
نواف لما شافها عرفها من شكلها ومن عيونها لان غيم الكل يعرف انها حلووه والواحد يعرفها من عيونها
جاء نواف مسرع ومسك الرجال:شتبيي يامتخلف
وضربه على بطنه وقال:الناس مو فاضيه لقلة ادبك ذي ياحيوان لو اشوفك مره ثانيه تقرب منها او من بنت ثانيه ذبحتك ياخيسيس
وعطاه كف وقال الرجال:خلااص والله ماعد اقرب منها
غيم ارتاحت اول ماشافت نواف
نواف:سدد فمك ولك وجهه تتكلم
نواف بلغ على الرجال وكلم الامن اللي فالمول ومسكوه
نواف بعصبيه:امشي خلاص وبعدين ليه رايحه لحالك بدون البنات
غيم وهي خلاص بتصيح بسبب الرعب اللي جاها:ماكانو بيجون ورحت اشتري
نواف مايخفي انه غار عليها وهو مايغار الا على خواته اكثر شي
