يوم صبااح جديد وسعيد على احفاد موسى وعياله وبناته
الجد موسى دخل يصحيهم للصلاة:قمم قامة قيامتك وانا استغفر ربي قمو صلوو
محد رد ووصلت معه الجد موسى
راح عندهم واحد واحد وضربهم بالعصى لاكن مو قوه
الجد موسى بصراخ:قموو صلو صلت عليكم الجنون استغفرالله
فزو كلهم وقام كل واحد يوضي
راحو يصلون وفالرجعه
سلمان:اسمعوني انت ياجدي وانتو يابوي وعماني شرايكم مدام بداية اجواء الصيف ليه ماناخذ شاليه ونقعد فيه3ايام او 4
الجد موسى:بكيفكم مالي شغل
سلمان:كيف مالك شغل الراي كله لك
الجد موسى:انا موافق مدري عن الباقي
فواز:دامها اجازة خلاص نروح وش ورانا
طلال:هو صدق اجازة ولادراسه ولا شغل
احمد:وناخذ اسبوع بعد
محمد:خلوه بعد ملكة ميلا بثلاث ايام
نواف كان يهمس لسعود:انا طيب يمكن اتجحفل ويطلبوني الدوام
سعود:عساس اني مو زيك ترا كلنا ضباط
خالد:اخيررااا بنغير جو
مساعد:ياخي وربيي احس بذبح خالد انت تبي جدي ينقد عليك
فهد:كبير وعقله صغير
خالد:اعقبب ياخسيس تقول لي كذا
فهد:اي اقولك كذا
خالد:انقلع
فهد لف لمساعد:مسيعيد اخوانك الكبار ماراح يجون
مساعد:شوهتو اسمي واخواني مش حيقو
فهد:مسيعيددد
مساعد:كولتبن
فهد:عشانك باكلك
مساعد:شاط....استوعب مساعد من قام يضحك فهد وقال:يالحيوااان
وعطاه ضربه خفيف
خالد:في ثلاثه مالهم اييي حس
سعود:نايف وعبدالله وسلطان
سلطان:ودي انام بس مابي
عبدالله:يع كرهت النوم بسبب الحلم
العيال ضحكو
نواف:ههههههههههههههههههههههه ليه وش متحلم به
عبدالله:كنت فوق الجبل ولما جيت بنزل قمت اركض والف الا اشوف كلب واصير اركض بقوه وماحسيت ألا فجأة صقعت بجدار
العيال صارو يضحكون ويطقطقون عليه
وصلو بيت الجد
ونصهم توزعو لبيوتهم عشان يبدلون ملابسهم
الجد موسى دخل وجلس هو وعياله فالدكه اللي فالحوش
الجد موسى:هاتو اغراض القهوه
احمد بصوت عالي:يافهدد
فهد جاء يركض :سم يبه
احمد ابتسم وقال:سم الله عدوك يابوي بس جدك يقول هاتو اغراض القهوه
فهد هز راسه بنعم وراح
دخل لقى عماتة كلهم
فهد:هلوو عماتو
وراح يبوس راس عمته خلدا بعدها لمياء ولما وصل لليان قال:احس اهانه انا اكبر منك وتبيني ابوس راسك
خلدا ضحكت وقالت:هو صدق تحس بمذله بس عاد عمتك
فهد حضن ليان وقال:لاتحاولين ماراح ابوس راسك
ليان ضحكت وقالت:سهله اقول لابوي
فهد باس راسها سريع وقال:لاا خلاص اسفين
ليان:ادبب
قاطعهم صوت نواف ومعه سعود
نواف:ياولددد
ليان:ادخل مافي احد
دخلو نواف وسعود
نواف:هلا والله بعمتيي خلداا
باس راس عمته
خلدا:هلا فيك ياعيون عمتك
لمياء:وانا ماراح تسلم علي
سلم نواف عليها وسعود سلم عليهم بعد
سعود وصل لليان ووقف وقال:انا اللي ابوس راسك ولا انتي تبوسين راسي
نواف ضحك:لا هي المفروض تبوس روسنا لان اكبر منها
ليان بضيق:ترضونها علي يعنيي تقعدون تذلوني كذا
نواف وسعود بصوت واحد:لااا والله مانرضى
راحو حضنوها
ليان:يعني مافي امل تبوسون راسي
نواف:لاتحاولين
قاطعهم صوت العنود وهي تقول:فيي احد؟
نواف بحده:اي سعود فيه ارجعي
العنود رجعت
الجد موسى جاء ولفو ونظر بفهد وقال:ماشاءالله ماقلت سو الفطور انا قلت جيب اغراض القهوه
فهد حك راسه ونطق:والله شوف ياجد
الجد موسى:انطم انطم
ماقدرو يمسكون ضحكتهم وصارو كلهم يضحكون
ليان :عزتي لك عطاك وحده
الجد موسى:وانتي انطمي معه
صارو يضحكون بقوه
لمياء:اهخخ ياربيي ابوي تكفىى شعندك تسدد اليوم لهم هههههههههههههههه
الجد موسى ابتسم وقال:معتدله النفسيه الحمدلله
كلهم:الحمدلله-دومم النفسيه الحلوه
طلعو العيال مع جدهم برا والباقين راحو ينامون
——-
فالحوش
نواف:استاذنكم بروح اخذ لي نومهه
سعود:خذني معك تكفىى
نواف:قم طيب
سعود:شيلني
نواف:دزز اومها اجل
راح نواف وسعود يضحك
وبعدها راح سعود
فهد:ياجدي ويابوي بكلمكم بموضوع
الجد موسى:قل وانا جدك
احمد:تكلم يابوي انت شفيك
فهد ابتسم وعدل جلسته وقال:مدام عماني موجودين... ولف لمساعد وقال..ومسيعيد
مساعد ضربه على راسه خفيف
ابتسم فهد وكمل:انا قررت اكمل نص ديني دام ماناقصني شي وظيفة والحمدلله والعمر حتى مناسب وقلت اخذ رايكم اول
الجد موسى:ماشاءالله مبروك
احمد:مبروك ياولدي من بنت الحلال اللي بتاخذها
فهد:اخت خويي ماجد
احمد:ماجد ولد عبدالرحمن
فهد هز راسه بنعم
احمد:ماشاءالله تبارك الله والنعم فماجد رجال ولد رجال اعرفه واعرف ابوه من قبل تجي يافهيدان
الجد موسى ابتسم:على البركه وتم الموضوع حفيدي مارد له طلب
ابتسم فهد وكلهم قامو يباركون له
طلال:والله ونعم فماجد وفابوه ماشاءالله عليهم رجال
مساعد:اخصص يافوفو بتصير عريس
فهد رفع النعله ومساعد شافها وهج وحذفها عليه فهد
مساعد وهو يضحك:احسن اجل مسيعيد
فهد:انقلع يالدقسه
فواز ابتسم وقال:لا هونا دامك كذا
فهد جلس على طول وتنحنح وقال:هلا
كلهم صارو يضحكون
مساعد:عقلت فجأة الله يخلف عليك
فهد:اقول اسكت بس بروح اقول ل امي
راح فهد وطق الباب
وليان فتحت:شو بدك خيو
فهد:اخباررر جديده
ليان فكت الباب بقوه وقالت:والله مايفوتني اجل
فهد حط يده على كتفها ومشى معها وقال:تمام بس وين امي وجدتي
ليان:بالغرفه
راحو ودخل فهد وسلم وقالهم الموضوع واكيد ماترددو بحكم ان حتى ايمان تعرف البنت
ايمان:ماشاءالله مبروك وعرفت تختار ياولدي
قامو يباركون ويحضنونه
فهد ابتسم:وعاد بعد ملكة بنت عمي طلال بيوم بنروح نخطب
ليان:العب يافهيدان بتتزوج يالخسيس
فهد ضربها بالسبحه خفيف وقال:الخسيس انتي
ليان شهقت وقالت:عمتك ياللي ماتستحيي
فهد:عمتي اقدر اشوتها تطير على طول هههههههه
ليان:يمههه شوفي احفادك مو بس يكسرون خاطري يفرمونه
الجدة مزون:احسن انطقي
فهد:خوذيلكك احسن
طلع فهد وهو يسمع صراخ ليان وهو يضحك
راح فهد ينام وكلهم راحو ياخذون غفوه
__________________________
فـبــيـت طلال
ميلا:ماماا
مرام:هلا ي امي
ميلا:بكره بتجي المنسقة حقت الكوشه وبيركبونها بالشاليه
مرام:و الشوكلت متى بيجهز
ميلا:بكره تقول
ايلاف:ياحيوانه بتتركيني وبتروحين مالي خلق اصيح ترا
ميلا ضحكت:ماعليك ماراح اتركك
ايلاف:اهخعععهع جتني الصيحه ياحيوانه
ميلا حضنتها وقالت:استانسي باقي على العرس3شهور
مرام حضنتهم وقالت:الله يخليكم لبعض ياعيوني ويخليكم لنا
كلهم:اميين ويخليك لنا
