الشـيخ البَـصراوي والفَـصلية الريـفية❤️

البَارت الَواحِد والعِشرون والاخير❤️

هلوو حبيباتيي طبعا اليوم البارت بي هواي مفاجئات 😂😔حابة احمسكم من البداية خليكم ويا القصة ♥️طبعا هذا اخر بارت راح انشره بخصوص هالقصة اعرف طولت عليكم هواية بس ماعندي مجال اكتب وواهس ماكو لان حتى تفاعل مابيها القصة

مقتطفات للتذكير من البارت السابق
_______________________________________

-ريناد/الله وياج... طلعت ريم وضليت متمددة كمت بية مابية حتى ابدل ملابسي لان اكره ريحة المستشفيات(المعقمات-المنظفات) كمت بدلت ودخلت للحمام (يكرمكم الله) غسلت وجهي اباوع لروحي ذبلانة ووجهي اصفر وهالات جوة عيني شكلي مبهذل حيل وكوة واكفة اسحب بروحي سحب شسوي الحمدلله على كل حال طلعت من الحمام ورجعت اتمددت احس مالي خلك لكلشي حرفياً احس روحي تعبانة ومنهكة ضليت افكر ومكدرت انامن(انام) ضليت اتگلب سمعت صوت دگة الباب صحت بهدووء... منو

-الياس/اني تسمحيلي ادخل

-ريناد/بس ثواني.. كمت لبست حجابي ورجعت عدلت گعدتي لان فشلة يشوفني نايمة...
تفضل ادخل ماعندي شي.. دخل الياس وظل واكف يم الباب ويعاينلي (يباوعلي) كلتله... شبيك واكف يم الباب تفضل ادخل

-الياس/مو زحمة اجي ادخل عليج بغرفة وحدنة

-ريناد /هااا لعد اكوم نروح لغير مكان؟

-الياس/لا ظلي راح اظل يم الباب واحاچيچ

-ريناد/براحتك

-الياس/اول شي الحمدلله على سلامتج شلون صرتي؟ ظل بالنة يمج

-ريناد/الله يسلمك والله شوية احسن من الصبح

-الياس/الحمدلله... شلون راح افاتحها بالموضوع

-ريناد/اباوعله يريد يحچي ومتردد... عندك حچي؟ احچي ليش ساكت كمل

-الياس/البارحة كلتلج محضرلج مفاجأة وجيت اكلچ حتى تحضرين نفسج

-ريناد/كمزت بحماس.... صِدكك جنت ناسية.

-الياس/ههههههههه اي صِدك يلا كومي بدلي ملابسج حتى نروح

-ريناد/وين نروح

-الياس/مفاجأة منعلم
_______________________________________

-ريناد /رديت عليه بأحراج... بس ماعندي ملابس مال طلعة زينة بس الي اشتريتلي ياهن

-الياس/ههههه هاي سهلةةة عبالي متقبلين تجين وياية هس اصيحن (اصيح) لريامي (يقصد اخته ريم) حتى لو تلبسج عبا (عباية) وربطة(شال)

-ريناد /هههههههههه منهو ظل يلبس ربطة

-الياس/هسة انه مادري بذن(هذني) السواليف مالت النساوين(النِساء) الله يبعدنة

-ريناد/ههههههه ليش هلكد النساوين مضوجتك

-الياس /لا بالعكس والله ماقصد..