ملكة على عرش الشيطان

غضب 🌪️ الملاك 👑

🔱#ملكة_على_عرش_الشيطان 🔱
#لينوش 😗 طحبوش 🌶️
الحلقة 47 🙁
⛓️⛓️
غضب 🌪️ الملاك 👑

حاس روحو مهدود جبال الدنيا كامل فوق ضهرو هو نبع خسر الحنان اما ميش هاذا لي كاسرو نضراتها ليه قتلوها بعد سنين هذو كل تمنا يعنقها يقلها انتي ملاكي انا منسيتكش انا درت هذا علا جال حقك اما نضراتها الكره الحقد لي في نضراتها حبسوه ميش يلوم فيها اما حاب يعرف لي مرت بيه كامل عارف لحكايا مزال ناقصة
يمشي وتفكيرو بعيد طلع راسو لقا رجليه وصلوه عنها تبسم علا جنب
حل لباب بلعقل ودخل
لقاها راقدة عينيها منفوخين شفارها مزالو منشفوش من دموع شعرها داخل بعضو
تنهد وكمل ماشي وصل عندها تكا حذاها وحطلها راسها على صدرو يلعبلها بشعرها
ادم : تعرفي لي انا نادم يوم واحد قلبلي حياتي كامل عمري تخيلت حنوصلو هنا هه اصلا وش مسني من دنيا عيشتني بكذبا كيف هذيك باينا ميش راح ترحمني معاك اما عمري نخليك انتي ispir و هي ملاكي راح تسامحوني ميش حنسمح نزيد نخسركم نتوما ثاني
حس دموعها يطيحو علا صدرو باسها من جبهتها
سامحيني ispir
تسمع كان صوت شهقاتها مالي دنيا و خانقو هو
يفوت في يدو علا شعرها مخليها علا راحتها
مايا : شكون ملاكك
ادم : 😕يعني دموع لبكا لموت ... ركزتي غير علا ملاكي
كلماتو خلاوها تزيد تقوي في بكيتها
ادم :ههههه خلاص خلاص اسكتي نقولك
مايا : مسحت عينيها بكفوف يدها كي ليبيبي وناضت مربعا رجليها وقاعدا مقابلاتو
هيه ني نسمع....