ملكة على عرش الشيطان

طيف ✨ابتسامتي

#ملكة_على_عرش_الشيطان
#لينوش
الحلقة 75
⛓️⛓️
طيف ✨ ابتسامتي
🌪️🌪️
واقفا فضلنا حاجا ماهي واضحا تحس بيد دافيا تحطت عليها دورت راسها قابلها تبسيمتو مرسوما على وجهو شافاتو عينيها تحلو على وسعهم الفرحة لي تمكنتها متتوصفش
ترمات في حضنو مزيرا عليه كانو خايفا يهرب
تحس في يديها مبلولين هزتهم تشوف فيهم دم
لحظات و تشوفو طايح عند رجليها صدما سكنتها غي نص الضلما و الخوف تسمع كان صوتو هو
ادم : انتي تاعي انا كاهو
مايا : ادم خويا ادم خويا مات
بدا يبانلها منضرو هاز سلاح فيدو وموجهو ليها .
مايا : ميش انت عملتها موحال
ادم : هو قاسك هو قربلك هو خلص على كلمتو اللخرة خرجت رصاصا جات في نص راسها
حلت عينيها مفجوعا العرق يصب منها دورة راسها قابلها راقد عندها ملامحو تاعبا تشوف فيف وصورة خوها وهو ميت قدام عينيها قوات عليها الغصة متاع لبكا ناضت من قدامو راحت تجري لدوش دخلت وقفلت الباب
طايحا في لرض تبكي بشهقا
مايا : يا ربي ميش قادرا قلبي محروق على فراقو يا ربي. بليتيني بعشق لي قتلو يا ربي شذنبي تخليه يكون هو الامل الوحيد في دنيتي يا ربي راني ضعت يا ربي فرج عليا روحي حاستها تطلع راني تعبت واش درت باش نستاهل لعذاب هذا كل
راقد و يسمع في صوت لبكا حل عينيه لي غالبهم النعاس ملقاهاش قدامو يسمع في صوتها وصوت شهقاها
ادم : مايا شبيك مايا
سمعاتو زادت قوات في لبكا
بلاصت الاصابة قاتلاتو بسطر جا يوقف حس الجرح تحل لحمو قاعد يتقطع تقاوا على روحو ووقف اول ما حط رجلو على لرض تفلقو جروح كامل جا طايح على لرض
ادم : اااع مايا شبيييك مايا
سطورات تقطع فيه و هو يناديلها ....