وإذا أنكتب القدر

(٦)

#مساء الخير أعزتي          بقلم : غديرهاشم
#وإذا انكتب القدر           bntljnwb7087

بسم الله نبدأ
صلوا على محمد و آله

وبلهجة عراقية اتكول :-
شحجيلك يلب گلبي ... يلبگلبي

الماضي

ضليت ابجي ماأدري من الاهانة لسمعتها او من اَلم جسمي وهيجانه حكيته لحد ماطلع دم وشوف اثار احمر صار بيه ورمن دخت وانا افكر يعني هم ارجع للسجن لو شنو ؟
وانا عبالي هذا حباب و مصدك برائتي

جسمي موتني هاج عليَّ ، أستحي اطلع
من هل غرفة احتاريت شسوي

وراه اشوي اندك الباب لبست شالي
ورحت فتحته طلعت خالتهم

_ يمه لزهره اشبي وجهج ؟!

_ هاء ..

_ مركع احمر ورم

حلكي مورم وماكدر احجي ولساني ثقيل حجيت بل كوة :-

_ مابيَّ شيء حساسية

_ هاء ... هاج هاذ عشاج

_ ماأريد ... ماكدر اكل من حلكي مورم
وطكك

_ اي

راحت اشوي وجت كالت هاج هذا علاج
فتحت لباب وشفتها جايبي من لصيدلية
اجتي سارة بدون اي كلام وياي ضربتني ابرة وطلعت لجف لازك بخدها ومبينه
باجية اهواي لان اعيونها مورمة

ضربتني وراحت واني ، ياهو ليصبح عليَّ لصبح علمود اطلع من بيتهم

صارت لساعه بل 2:00 ص بطني متكطع جوع من عهد الغداء ماماكله شيء
ظليت الوب وحدي من لجوع حاولت
انام ماكدرت ماتحملت بعد احس روحي متت

لبست شالي و طلعت من لغرفة امشي
على رئوس اصابيعي علمود ميحس احد
وصلت للمطبخ اباوع ماهي لثلاجة
اتذكر سارة طلعت منها البيض بس من اي خانه

لمطبخ جبير كلش ومتروس خانات مال كاونتر ولثلاجة بنصهن يربي وين الكاها

ضليت افتح وسد بس كل مافتح تصدر صوت ادور عل ثلاجه ماهيجاي ادور وماحسيت اله شي التف على رجلي

نزيت وطخيت لماعين وكلهن انركعن بالكاع
واحد وره لثاني نزيت من سمعت صوت

_ اشجاي اتسوين اهنا ؟!

_ ب ب بَ زونة سارة نززتني

عقد حواجبة وماحجه كلت

_ اجيت أشرب ماي ومالكيت لثلاجة

ماأدري شضليت احس من لتوتر عفت
كلشي وصعدت للغرفة قفلتهاوضميت
راسي جوة لبطانة وبعندي مستحية
تمنيت ارجع للميتم بسرع وقت