وماذنـنبـي ولدت في عائـله تهـوى الأولاد فقط ؟!،
هلي وصار العمر ركضت وكت
هلبت تحنون انا المابدلتكم
بذهب وتبدلوني شلون ؟!
فاطمه محمد♥️🦋ء
*******************************************************
ألين:
اسمي ألين عمري حالياً 24 اني البنيه الثالثه لأهلي
امي جانت تعتقد بيها ولد بس من جابت اكتشفت اني بنيه من عرفت اجتها بنيه تكأبت لكن ابويه يختلف عن امي ماعنده اعتراض كبرت وعشت بين خوات ثنين ماعندي علاقه بيهن ك اخوات .
غدير:اذا اشوفجن مجتمعات وتلعبن سوا تنكتلن
ألين:
ابوي (ياسر)يداوم بأحدى شركات النفط الحكوميه وملتهي خفارات ودوام ومن يجي امي متگله اذا ناقصنه شي او محتاجين هو من ذاته من ينزل يجيب الراتب يروح ويشترينه حتياجاتنه مرت الأيام والسنين وصار عمري 5 سنوات وكتشفو عندي مرض تشوه خلقي في الكلى وضروري اسوي عمليه وهنا بدت معانات ابويه يلكه احد يروح وياه لبغداد لين جان توا سقط النضام وجانت بغداد خطره بعدين قرر ابوي نروح وحدنه ورحنه للدكتور لي وصفوه النه وصلنه وخذنه التحاليل وجان وقت مغرب
الدكتور:اني انتهى وقتي جيبوهن الي باجر
ياسر: خلصنه تحاليل ورحنه للدكتور على امل نلكيه بعده
ألين:
وصلنه ولگينه الناس ملتمه وشرطه وجيش مجتمعين فراح ابوي يسأل شرطي
ياسر: شصاير هنا الناس مجتمعه
الشرطي:غتالو الدكتور بعيادته ومات
ألين:
خابت أمال ابوي ورحنه للفندق ومن الصبح رجعنا لمحافضتنه وصلنه لبيتنه وتلگلتنه امي
غدير:ها شصار وياكم
ألين:سولفلها ابوي شصار ويانه
غدير:ديلا عادي شسويلها بعد خليها هنا لا ترحون بعد لطبيب
ياسر: مسمعت الها ابد ولبست ملابس الدوام وراحت ولمن وصلت گمت اصيح على الموضفين لا ارادين لين اني المدير وجانت بوقتها نفسيتي كلش تعبانه والموضفين ستغربو لين مو من عوايدي اصيح عليهم سألني صديقي
ابو علي:حجي بيك شي مو من عوايدك
ياسر:حجيتله كلشي يخص بنتي
ابو علي:شوف حجي عندي نسابتي بغداد اخابرهم الك يشوفون دكتور زين ونروح
ياسر :الله وايدك
ألين:
فعلاً خلال يومين اتصل صديق بابا بأقاربه ورحنه وصلنه لبيتهم ارتاحينه وطلعنه للدكتور فحصني وشاف تحاليلي
الدكتور:حالتها صعبه لازم هسه تتحول للعمليات
ألين:
جان المبلغ الي ماخذه ابوي ميكفي حتى ندخل بمستشفى اهلي رجعنه للبيت وجبنه الفلوس ورجعنه لبغداد
ياسر:بوقتها هلكت وتعبت بس ردت انقذ بنتي لأن گالو حتمال تموت
الدكتور:عيوني لازم توقع لين نسبه العمليه 40% احتمال چبير تفشل
ياسر:دخلت بنتي للعمليه لكن بهاي الأثناء صار تشابه بل اسماء طلع الممرض
الممرض:انت والد ألين
ياسر:نعم ؟
****************************************
فـي حفـض الرحمٰن اشـوفكم البارت القادم اميراتي🤎🦋ء
أنت تقرأ
بين ثنايا الألم ولدت
Romance- ولدت في وسط جحيم ولدت في عائله لا ترحم الأناث عائله جعلتني العن اليوم الذي اتيت به اخذني المرض وذبل جسمي ولم يرحمني احد منهم ولا يكترث لي قط اردت العيش فقط بسلام لكن حتى السلام لم اتنعم به معهم هل ياترى ستتحسن حياتي يوماً ام سأبقى داخل دائره مغ...
