بين ثنايا الألم ولدت

البارت الأخير 🤎

هلي
لچموا گلبي بحچايات
حتى بنومتي
يصّلن؟!

الدكتور : عدها زائده دوديه ولازم عمليه حالاً

الين : سويت العمليه جان بوقته الجو بارد ومحد مهتم بيه غير اختي رسل الي اجت من بيت زوجها وگعدت تهتم بيه خلصت فترة اجازتي وداومت عادي الوضع لمن وصلت لنهايه الكورس الثاني
امتحنت فيزياء وهم رسبت دورين فبقيت بصفي من ورا المدرسه
سنه الي وراها داومت بس شهر بمدرستي وبعدين انتقلت لمدرسه اهليه لبسهن يختلف ومكياج وسوالف بنات صرت اتئقلم وياهن واقلدهن صرت اشتري مكياج واضمه بكنتوري واقفل عليهم ومن اطلع اخليهم بسكوت
داومت رابع علمي ورجعت درجاتي تصعد ورجعت صرت شاطره وسنه الثانيه داومت خامس وهم نجحت لمن وصلت سادس اول سنه صعبه عليه واجهت هواي مشاكل بيها من مواد ومدرسين دخلت دورات وبطلتني امي ورا فتره وجت المدرسه وداومت سادس واني كلي تعب من الدراسه وضغط امي عليه .

غدير : هاي الأيام لبس قصران ولسانج شطوله شو متسوبعه عليه

الين :والله بكيفي البس مالبس معليج بيه

غدير :متشوف بنتك شلون صارت لا تحترم وترادد بعد

ياسر : والله هاي نتيجه افعالج انتي ماحتويتي بناتج من البدايه فتسكتين احسلج

غدير : والله ماسكت ليش اسكت وتصرفات بناتك هيج

الين :
خلصت السنه بدفرات وصرت وزاري والامتحانات ب اول ايام امي راحت للزياره وي مرت عمي وبقت سبع ايام هناك بقيت اني وابويه واختي وخالتي راحت لبيت جدي فصار الطبخ والتنضيف عليه ومالحك ادرس لو انضف ورا ايام رجعت امي واول مائجت سحبتني من شعري .

غدير : شمصخمه ولج طيحتي سمعتنه بل أرض

الين : يابه شسويت ليش ضربيني حتى جهازج الي انطيتينيا كوه يشتغل وبيه بس واتساب وكل حرف اكتبه تقريه بعد شمصخمه وراج

غدير : ماتعرفين مو مواعده صاحبج يجيج للباب من رحت للزياره

الين : والله ماكو هيج شي شبيج هديني
غدير : بلعباس مواعده ولد انتي ليش جذبين

الين : لو اني صدك مواعده مثل ماحجيتي روحي رجعي الكامرات البيت وانتي والعباس تضلين هو ياخذ حقي منج بعزيز كلبج "ارتبكت وخافت وسكتت"

الين:
   كملت امتحانات بس مانجحت وطلعت دور ثاني وطلعت معدل ٧٢ بس مقتنعت بيه وهاي وحده من اكبر اغلاطي عدت السنه وبهاي الفترا اختي الجبيره جابت واجو اهل زوجها يسلمون وحمها وياهم وشافني ماحس اله كم يوم اجتي امه تخطب اني هنا كلش فرحت اخلص من ضيم امي وافقت بحكم وي اختي بس ماعرف شمكتوبلي خطبنه وحددنه مهر بس جانت الصدمه من اجه اخوه .

زوج اختي :عمي والله مانكدر ننطي مهر كامل نسويه اقصاد لان الولد ماعنده حالياً ومستعجل على الخطبه

ياسر : وين اكو هيج حجي عمي مايصير احنه نفلش الخطبه وابنكم عدكم وبتنه عدنه

الين : فلشت الخطبه وخابرنه الناس الي عازميهم بلغناهم انو لغينه الخطبه بس لليل اتصلوا

زوج اختي : ها عمي الله شلونك اكلك دبرنه احنه الفلوس كاملات ومانريد يصير خراب

ياسر : هلا عمي بيه الخير انشاءالله

الين : حددنه العقد من بعد مشاكل وي امي علمود الفلوس البدله والمكياج وصار عقدي يوم
"2020/1/23" جانت فترا خطوبتي من اسعد ايام حياتي الي عشتهم وهو يحبني ويموت عليه ومائذاني فد يوم استمرت خطوبتنه 7 اشهر بس لا طلعنه ولا مشينه سوه لمكان بسبب امي .

غدير : اي شعده ابن ... يجي اكيد تسون اشياء طايح حضها

الين : يمه شهل حجي شني اسوي اشياء مو زينه وترا هو زوجي وعقدنه محكمه وسيد فما داعي لهل حجي تعبان

الين : الو هلا علي شلونك اكلك بعد لا تجيني امي تحجي عليك وهل سوالف تعبانه فماريد تصير مشاكل

علي : هلا حبيبتي تمام بس احنه ممسوين شي غلط مجرد اشوفج وترا من حقي انتي مرتي بعد

الين : ادري والله بس شسوي هذا طبع امي بعد

علي : تمام ولا يهمج ماجيكم بعد

الين :
ورا فترا توفت بيبتي ام امي بمرض وصادف كورونا فما سوين فاتحه قويه بسبب الحجر  بعد ٣ اشهر من الفاتحه حددنه عرسنه بس سويناه محفوف جداً بفندق بس بقيت ابجي .

الين : ليش هيج بعرسي تسون اريد مكياج وبدله مثل البنات

علي : ولا يهمج حبيبتي والله اخذج للصالون واخليج سوين احلا مكياج وسويلج زفه ماصايره

الين :
فعلاً مخله شي بنفسي وسوينه احلا عرس ومحرمني من شي والحمدالله جانت ايامنه حلوه وهسه صارت عدنه احلا بنوته بلعالم .

:
:
:
:
ولهنا تخلص قصتنه وي الين عشنه وياها اصعب ايام ومعانه بس الحمدالله الله جازاها على صبرها وتحملها بنهايه :اشكر كل متابعيني واخواتي على مشاهده القصه احبكم لا تنسون تصوتون لهذا البارت وللبارتات القديمه وتعالوا بقناتي تلي كنوزي انتم دمتم بحفض الرحمن اشوفكم بقصه جديده 🥺🥺🤎✨✨.

قناتي :https://t.me/j97kf