اللهم صلِّ وسلم وبارك على سيدنا محمد 🌺
جهاد ولارا هديوا شوية ولارا طلعت جهاد من حضنها وبدأت تمسحلها دموعها
لارا: ممكن تهدي خالص كده مش لازم تتكلمي
ارتاحي دلوقتي وبعدين نتكلم تمام
جهاد بتوهان: شنطتي ممكن تجبيهالي عشان اغير لبسي مش عارفه عمو معتز طلعها ولا لا
لارا: تمام هطلع اشوف الشنط بره ولا لا ولو كده هنزل انا وزين نجيبهم المهم ارتاحي لحد م اجي
لارا سابتها وخرجت
لقيت الشنط موجودة وزين واقف هو ورودى بيتكلموا
لارا: ماما هي دي شنط جهاد صح
رودى: ايوة هي
لارا: تمام انا هاخدها معايا عشان تغير لبسها وترتاح وهاجي لحضرتك عشان افهم في ايه لاني مش فاهمه وجهاد كانت منهاره من العياط وانا مش مرتاحه وحاسه في حاجه غلط
زين: خلاص خلاص انتي م صدقتي فتحتي بؤك روحي دخلي الشنط وتعالي ماما تفهمنا
لارا: انا بس مش ليا مزاج اتخانق معاك ف عشان كده هعديهالك
لارا اخدت الشنط ودخلت عند جهاد وخرجت وسابت جهاد تغير وتاخد دُش وترتاح
زين بره كان بيحمد ربنا ان لارا جات انقذته من الموقف وحالة الصدمة اللى كان فيها
لارا: نقعد بقا يا ماما وتفهمينا ايه اللى حصل
رودى: بصوا هو انا معرفش التفاصيل كل اللى اعرفه ان في مشكله بين قمر وجهاد عشان كده سابت البيت او بمعني اصح قمر اللى عايزه انها تسيب البيت وتمشي وانا بتصل بيها تليفونها مغلق
وانا حقيقي دماغي وجعتني من كل اللى بيحصل ده وانا مش فاهمه حاجه وعايزة افهم
لارا: وانا كده بردو مفهمتش حاجه انا كمان
زين مراقب الموقف بينهم وكاتم الضحك بالعافيه: يعني كده يا ماما جهاد مش هترجع بيت عمو سيف تاني لانها جايبه شنط فيها حاجتها وكده
أنت تقرأ
رواية ♕چهاد الروح ♕الجزء الثاني من رواية عشقتها في صدفة
Romans:كيف للقائي بكَ ان يُستعاد إلا بدعاء رب العباد ؛ وكيف لي ألا اكون صبوراً وقد بات قلبي ليالٍ منكِ مهجوراً
