بلا شعور حسيت دموع حاره. تحرق خدودي اغمض عيني بقوى حتى ماشوف ادموعي ماريد اشوفهن اريد انام ولا احس بأيشي
عنود ؟.... لاتخافين اني راح احميج
تمام مانخلي اي شخص يمسج بسوء وعد مني
راح احميج من كل شخص يحاول يأيذيج ماشي؟ "
تم ام. راح احجي. بس منين ابدي"
ابدي من اول ما حسيتي بشي غلط جاي يصير بحياتج تمام ؟ "
تمام ....جانو دائماً يعاملوني كأنو مو بنتهم الشي الوحيد
الحسيت بيه انو هم اهلي هي شي واحد بس
شنو ؟
صلة الدم بس هذا الوحيد الحسيته انو هم صدك عائلتي !!
ليش جانو يضربوج ؟
لا ميضربوني بس هامليني
ابوي عليه بس يدفع مصروف البيت ماشوفه الا نادراً او امي ماشوفة بس بالليل
جنت صغيره جنت وحيده محد يعلمني الغلط من الصح حتى اكل مجنت اكل لحد ما هيه تجي لأن جنت صغيره ماعرف اسوي شي
لحد ما كبرت تعودت على الشي هذا جانت جيرانه تجي بين يوم او يوم تسئل اذا محتاجه شي
تصدك حتى اتصال او خبر ماعرف عنهم بس اكدر اشوف امي ساعه او ابوي بالشهر مرة او مرتين
ابوج شنو شغله ؟ "
عنود "
ماعرف مجانو يكلولي شي
جنت اسئلهم اذا عدنا اقارب او احد نعرفه
دائماً ما يردون عليه بكلمه وحده وهيه
لا ماعدنه او لاتسئلين بعد عنهم مرت الأيام نفس الوضع
الا قبل شهر كامو ميطلعون
استغربت الصراحه لأن فجأة يجون او يهتمون بيه او كلشي يخصني. تصدك امي الي مشفت كلمه حلوه منهة اجت وحضنتني وتنام وياي
حجيت بتوتر وخوف
الا ان اجة هذا اليوم
جنت برة اجيب شغله و شفت سياره غريبه .....
مهيب "
كملي لاتخافين
شفت سياره سوده واصوات طالعه من البيت خفت ادخل لأن اصوات مرعبه والعياط جان عالي
امي وابوي ورجال جان صوته يخوف حسيت بالخوف ورجليه متحملني فتحت الباب على كيف واشوف اثنين ملثمين لابسين اسود كلهم بس شخص واحد نازع القناع ...ج ا ن شكله يخوف لحيته طويله وهو ضخم جانو لازمين اسلحه و رجال ملثم يحجي ويه ابوي بعصبيه
ويكله هذا ثمن خيانتك ...ابوي وامي جانو يتوسلون اله
مكدرت اكمل كلامي من البجي حاولت اوكف حتى احجيله الي صار بس مجرد اذكر الي صار انهار بالدموع ..
كتلوهم كدام عيوني مجان بيدي اسويلهم شي
رد مهيب:
لاحظج احد منهم !
اي ...لا حظ. واني بس صرخت من الرعب الي اشوفه كدامي شردو لأن الجيران طلعو على صوتي بس مكدرو يدخلون
تصدك حتى ما ساعدوني "
زين مافكرتي تنهزمين لأن همه شافوج ؟ "
مجنت مستوعبه الي صار حتلو انهزم وين اروح ؟ منو اليه منو الي يساعدني اكلك كدامهم اصرخ محد اتجرء وساعدني ...وتريدني انهزم !! "
رد مهيب:
تمام ...انتهى التحقيق وياج راح يجي جياد حتى ينهي كم شغله نحتاجهة منج لأن راح
تكوني شاهد ولا تخافين راح تكونين بحمايتنه
لأن احتمال ما راح يتركونج بسهوله "
.
تنضر اله بعيون مدمعه وتسئله
شسمك انتَ ؟ "
يجيبها ببرود وينهض للمغادر
مهيب
اسمي مهيب "
✨ يتبع ✨
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
