قمت على صوت المنبه الساعه 6 الصبح، تعبانه امس سهرانه اتابع مسلسلاتي بس لازم اقوم اليوم علي امتحان ماث و ما درست اففف، قمت و بدلت و انا مسويه شعري من امس و لبست ملابس المدرسه بنطلون ويا قميص المدرسه الابيض و جاكيت كحلي فوقه وتعطرت لبست عباتي و شيلتي و نزلت، فهد و بطي كانو يتريقون فهد لابس كندوره و بطي لابس بدله لانه يدرس طيران فالجامعه امي و ابوي كالعاده مسافرين حق الدوام.
يلست
فهد: امس داقين علي المدرسه يقولون كنتي مخالفه
انا: اففف لاني كنت لابسه قميص مب قميص المدرسه
بطي: اقولك هاي سجلها مدرسه حكومه بيادبونها هناك هههههه
انا: لا ياقلبييي خلاص اخر سنه ماقدر اغير مدرستي
فهد: شو قالولج
انا: عطوني دتنشن امس
بطي: تستاهلين
انا: اصلا عاديييي
فهد: هنوده قومي اوديج المدرسه عن تتاخرين
انا: يلا اوكي
طلعنا من البيت و دخلت سيرات فهد و هي porsche 911 و حطيت اغاني
فهد: يالله صباح الخير تحطين اغاني
انا: عشان تروققق اقولك فهودددييي
فهد: تبين ستاربكس صح
انا: هيهه تعرفني عدل
فهد: خلاص اوكي
مرينا الشيشه و خذينا سترابكس انا و فهد و صورت فالسياره و كتبت "morning coffee with loved ones" و حطيته ستوري انستا نزلني فهد المدرسه و نزل وياي لانه لازم يوقع يوم عطوني دتنشن
فهد: هنوده تراج وايد تسوين مشاكل كل يوم موقعتني
انا: سورييي
دخلنا الاداره و المديره جافت فهد
المديره: السلام عليكم فهد
فهد: وعليكم السلام
المديره: اكيد متعود تعرف وين توقع ههههه
انا بصوت واطي: فقدتها تنكت بعد
فهد: ههههههههههه
وقع فهد و طلع و انا دخلت الصف ويا الباس لاني متاخره حطيت عباتي و شيلتي فالشنطه كان علي احياء
المستر: why are you late hind (ليش متاخره يا هند)
انا: sorry mister my brother was late (اسفه استاذ اخوي تاخر)
المستر: this better be the last time (هاي اخر مره)
انا: i promise (وعد)
يلست مكاني عدال ربيعتي العنود هاي ربيعتي من صف ثاني كان صفنا عاليمين الاولاد و عاليسار البنات انا و العنود ما كنا نحب نسولف ويا الاولاد كنا حالنا حال نفسنا.
يلست عدال العنود
العنود: خير متاخره و وياج ستاربكس ما خبرتيني كنت بتاخر وياج
انا: شو اسوي فهود ماخرني وايد يسولف هههههه
العنود: هيههه اوكي فهود
انا: جب ما يخصج ففهود ههههه
العنود: ايههه ما قلت شي
انا: اعرفج تفكرين فييي
العنود: حشى علييي
طلعت فوني و الابتوب حطيت التلفون ورا الابتوب عشان ما يجوفه الاستاذ و كنا نصور فيديو حق الذكريات، عقب حد عقلي ورقه فتحتها كان مكتوب
u look pretty today- hazza
ها واحد اسمه هزاع وايد مصخها كل يومين مسوي حركات و انا ماحب هالحركات قطعت الورقه و عقيتها الزباله سمعت الشباب يقولون اوهههه و جفت هزاع نزل راسه همستلي العنود
العنود: ها ما عنده كرامه كم مره تسويله جي و يرد نفس الحركه
انا: ما علي منه خل يولييي اف يقهر
العنود: يضحكني والله هههههههه
انا: جب جب المهم درستي حق امتحان الماث
العنود: اكيد درست تستهبلين و انتي طبعا ما درستي
انا: والله الحمدلله عليججج بغش منج
العنود: و ليش ما درستي يا انسه هند
انا: والله سهرانه اتابع مسلسلاتي
العنود: كالعاده مب جنج اخر سنه و اخر فصل ما تشدين حيلج
انا: اخخخ شو اسوي عنودييي ماشي شغف
الاستاذ: hind you're late and you're disturbing my class!!! (هند انتي متاخره و تزعجيني)
انا: sorry wallah
