وعدني ذات يوم يبقى معي لاكن؟
خان الوعد ذاك العزيزُ.
تركني وسط ازدحام حبه وذهب الى مكان بعيدُ
اين ذهب؟ لااعراف
لااكن اعلم اني مازلت حبيبتهُ
#غسق ادريس
#القانصه
--------------------------------------------------------------
2018.
كاعده اتكلب ب فراشي وروحي لايبه من الوجع فاصلهه عن الناس كلهم رفعت البطانيه من راسي ورفعت ايدي بس شفتها فرفحت روحي الحرك صاير نفاخه روحي رايحه كعدت انفخ عل ايدي واردد
_حسبي الله ونعم الوكيل بيج الله لاينطيج عسا هذا الوجع بكلبج
وجع قوي احس اريد اكعد بنص الغرفه واطفر من كثر الوجع معرف بيمن ابدي معصم ايدي كله محترك المنضر مرعب ومؤلم
مدري شلون اوصف الوجع مرات مجرد من توصل للايد شوي حراره نتأذه ومانتحمل ف مبالكم من يشمرون زيت جان عل نار عل ايدكم شعور مؤلم صح؟؟
هه وجعي هذه كله بسبب زوجت عمي اخخخ ي القهر جرت التاوه من النار وشمرتها عل ايدي كلها بس لان ماقبلت اغسل ابنها؟؟؟ والسبب تلعب نفسي وماتحمل
كمت من الفراش الدمعه بعيني مرات الوم نفسي لو حاطه التاوه براسها مو احسن؟
كطع تفكيري من اندفع الباب بهمجيه كمزت من الصوت خليت ايدي عل كلبي انظم ضرباته بدون مالتفت واشوف منو من حسيت عل نفسي هدئت درت عل جهه الباب استغربت من شفتها واكفه ب الباب تبجي بدون صوت ركضت عليها خايفه لزمتها من اكتافها مصدومه
_زوزه اشبيجج ليش تبجين
رجعت خطواتها وار وهيا تمسح ب دموعها
_زهراء:جاي يضربنها
بس نطقت هل كلمتين ماحتاجيت اسمع اكثر دفعتها من كتفها وطلعت برا الغرفه اركض نزلت الدرج ركض بسرعه خايفه عليها منهن خايفه يأذنها خايفه يجرحنها ب الكلام خايفه يكسرن خاطرها نزلت الدرج
وصلت البايه الاخيره وشفتهن من بعيد ملتمات عليها مثل الدائره صاير بنصهن ضعيفه حزينه وحيده لابسه دشداشتها السوده الي متناسقه ويا لون اعيونها وشعرها الطويل الفحمي بشرتها السمراء والسواد الي محاوط اعيونها مجرد نضره وحده تعرف شكد قست وياها الدنيا
ركضت عليهن ناسيه وجع ايدي دخلت للمطبخ مصدومه كل وحده بيهن شايله فد شغله بيدها الي شايله مس مال تمن والي شايله صونده خضره والي شايله خشبه وهيا بس صافنه عليهن دمعتها بعينها تركص دارت علي من شافتني قوست حلكها بقهر ونزلت راسها
_ك**حبه عليمن تعلين صوتج؟
حجتها ورفعت رجلها تخليها فوك راسها من شفت حركتها هاي ماتحملت رحت عليها واني شوي وانفجر سحبتها من زندها بقوه ودفعتها. دارت علي مصدومه مني بقيت لازمه زندها وخازرتها ناسيه كلشي ناسيه منو هيا وشنو تكدر تسوي ! نترت ايدها مني بقوه
أنت تقرأ
ظلمات القيد (القانصه)
Romance_قصه حقيقية _بقلمي انا: غسق ادريس _في تاريخ مّا ليس لدي علم أنهُ متى لكنهُ قريب، في هذا اليوم سوف أكتب: أنني وأخيرًا لمستُ الأماني التي دومًا كانت في مخيلتي لليالٍ طويلة، وعلى لساني دائمًا أدعوك بها في السجود، وكلّ الأوقات.
