وعدني ذات يوم يبقى معي لاكن؟
خان الوعد ذاك العزيزُ.
تركني وسط ازدحام حبه وذهب الى مكان بعيدُ
اين ذهب؟ لااعراف
لااكن اعلم اني مازلت حبيبتهُ
#غسق ادريس
#ظلمات القيد
--------------------------------------------------------------
2018.
_كاعدا اتكلب ب افراشي وروحي لايبه من الوجع فاصلهه عن الناس كلهم رفعت البطانيه من راسي ورفعت ايدي بس شفتها فرفحت روحي الحرك صاير نفاخه روحي رايحه كعدت انفخ عل ايدي واردد
_حسبي الله ونعم الوكيل بيج الله لاينطيج العافيه عسا هذا الوجع بكلبج
_وجع قوي احس اريد اكعد بنص الغرفه واطفر من كثر الوجع معرف بيمن ابدي معصم ايدي كله محترك المنضر مرعب حرفيا
_مدري شنو اوصف وجعي مرات مجرد من توصل الايدينه اشوي حراره نتأذه ومانتحمل ف مبالكم من ايشمرون زيت عل نار عل ايدكم شعور مؤلم صح؟؟
_هه وجعي هذه كله بسبب زوجت عمي اخخخ ي القهر جرت التاوه من النار وشمرتها عل ايدي كلها بس لان ماقبلت اغسل ابنها؟؟؟ والسبب تلعب نفسي وماتحمل
_كمت من الفراش الدمعه بعيني مرات الوم نفسي لان اعاند واجيب المشاكل النفسي بس لا والله اني مامبتليه هيا اتجيب واني ابتلي بيهم امخلفتهم وناسيتهم شنو؟؟؟
_بنص تفكيري ماحس غير اندفع الباب بهمجيه كمزت من الصوت خليت ايدي عل كلبي انظم ضرباته بدون مالتفت واشوف منو من حسيت عل نفسي هدئت درت عل جهه الباب
_استغربت من شفت اختي واكفه ب الباب تبجي بدون صوت ركضت عليها خايفه لزمتها من اكتافها مصدومه
_زوزه اشبيجج ليش تبجين
_رجعت خطواتها ليوار وهيا تمسح ب دموعها
_زهراء:جاي ايضربنها
_ مجرد سمعتها ماخليتها اتكمل كلامها دفعتها من كتفها وطلعت برا الغرفه اركض نزلت الدرج اركض ابسرعه خايفه عليها منهن خايفه ايأذنها خايفه ايجرحنها ب الكلام خايفه ايكسرن خاطرها نزلت الدرج اركض خايفه
_توني نزلت البايه الاخيره وشفتهن من ابعيد ملتمات حوليها مثل الدائره صاير بنصهن ضعيفه حزينه وحيده لابسه دشداشتها السوده الي متناسقه ويا لون اعيونها وشعرها الطويل الفحمي بشرتها السمراء والسواد الي امحاوط اعيونها
_مجرد نضره وحده تثبتلك اشكد قست وياها الدنيا واشكد شايله من اهموم
_ركضت عليهن ناسيه وجع ايدي دخلت للمطبخ مصدومه كل وحده بيهن شايله فد شغله بيدها الي شايله مس مال تمن والي شايله صونه خضره والي شايله خشبه وهيا بس صافنه عليهن دمعتها بعينها تركص دارت علي من شافتني قوست حلكها بقهر ونزلت راسها
أنت تقرأ
ظلمات القيد (القانصه)
Romance_قصه حقيقية _بقلمي انا: غسق ادريس _في تاريخ مّا ليس لدي علم أنهُ متى لكنهُ قريب، في هذا اليوم سوف أكتب: أنني وأخيرًا لمستُ الأماني التي دومًا كانت في مخيلتي لليالٍ طويلة، وعلى لساني دائمًا أدعوك بها في السجود، وكلّ الأوقات.
