يعشقني

الفصل الأول

في قصر عائله المنشاوي كانت قاعده علي الارض سرحانه سانده دماغها على الشجره بتفكر في حياتها وازي هتقدر تروح جامعتها دا حتي ابوها ميعرفش انها خدت الثانويه اصلا ده لو عرف او مرات ابوها العقربه عرفت هيطين عيشتها.......افتكرت امها الي اكيد لو كانت لسه عايشه كانت زمنها دعمتها واكيد ماكنتش هتخلي ابوها يخليها تطلع من التعليم......دموعها نزلت ومحستش بيها قلبها وجعها من معامله ابوها ليها ابوها الي علي طول حنين مع اخوتها وطلبتهم مجابه وهي لا......علي طول مهتم بيهم وبدراستهم وبيحبهم وبيكرها........قعدت طول حياتها تسأل ايه سر معاملته ليها بس مش لاقيه اجابه........فاقت من سرحانها علي مرات عمها ابراهيم بتنادي عليها......مسحت دموعها وقامت رحتلها....
-ايوه يا مرات عمي انا جايه
مرات عمها ابراهيم اسمها قمر ست طيبه ويمكن الوحيده الي بتحبها في البيت ده وهي الي ساندتها عشان تكمل دراستها ......ردت عليها مرات عمها وقالت
-ابوكي جاي في الطريق روحي اوضتك ماتخرجيش منها انهارده خالص عشان لو شافك هيطلع كل غضبه عليكي
بصت لمرات عمها وكشرت
-ليه ايه الي حصل الست ورد(مرات ابوها) قالتله ايه عليا عشان يضربني
ردت عليها قمر
-لا ورد ملهاش دعوه بالموضوع ده الي فهمته ان الشركه خسرت صفقه كبيره اوي فهو شايط اصلا لو شافك هيطلعه عليكي فالاحسن انك تختففي انهارده
-حاضر يامرات عمي
راحت اوضتها الي مع اوض الخدامين تحت في الدور الارضي.....وقفلت علي نفسها.....رمت نفسها علي السرير ودفنت وشها في المخده.... وقعدت تعيط ليه هي دون اخوتها ابوها يطلع غضبه فيها....... ليه هي الوحيده الي ابوها يضربها........ ليه هي الي تتحبس في البيت وماتخرجش وتسافر زي اخوتها..... ليه ممنوع تاكل معاهم مع انها بنتهم وشايله اسمهم..
ليه ممنوع تخرج من الاوضه طول ماهو موجود لاحسن يضربها وترقد في السرير اسبوع.....الف ليه وليه جم في بالها ومعندهاش اجابه......لحد ما راحت في النوم من كتر العياط
______________________________
دخل حسين القصر عينيه بتطلع شرار من كتر غضبه راحت منه ازاي ده عمل المستحيل عشان ياخدها ويجي في الاخر حته عيل لسه متخرج اول امبارح يخدها منو لا والف لا مستحيل......هيعمل المستحيل عشان يرجع الصفقه دي وتبقي ملكه......دخل البيت يفكر في كميه الديون الي بقت علي الشركه هيعمل ايه عشان يسددها الصفقه دي كانت امله الوحيد عشان يرجع الشركه زي ماكانت مستحيل يفلس عيالوا وجمعاتهم الخاصه الي بيدخلصرف عليها هيدفعم ازي لازم يخلي عليتوا في نفس المستوي الي عاشوا فيه مستحيل....يدوقهم الفقر وهو روحوا فيهم اصلا......استقبلته مراته بلهفه وهي بتقول
_ها عملت ايه خدت الصفقه طمني
بصلها شويه وسكت مش عارف يعمل ايه ....هيقولها ايه خسر الصفقه انهم احتمال يفلسوا يترموا في الشارع لا والف لا مستحيل يعرض عيلته لموقف زي ده.....قاطع سرحانه ورد وهي بتخبط علي كتف منه..بتساله في ايه....استجمع نفسه وقالها
-خسرت الصفقه بس اكيد في حل
شهقت بعنف وهي بتقول
-يعني ايه خسرت الصفقه يعني احنا هنترمي في الشارع لا انت لازم تشفلك حل انت مش قلت ان الصفقه دي مضمونه وهي الي هتنقذ الشركه من الافلاس...... يا راجل انت رايح فين وسايبني مترد عليا
سابها وطلع علي الجناح بتاعه وعقله مش معاه
______________________________