خطوات في الغربة

مـشـهـد

# خطوات في الغربة

#للكاتبة ميلـي ال علـي

« مـشهـد»
_________________
  
         «مشهد الأول»

بديت أركض من الخوف، والدنيا ضلمة وباردة كلش ضليت مستمر
أركض لحد متعبت وكفت وأني الهلف واحس ريكي يابس من العطش
رفعت رأسي واني اباوع مصدومة هذا مو طريق بيتنا، أخذت نضرة

علمنطقه وجانت شبة مجهوره وجانت مضلمه وماكو اي ضوه بيها
بأختصار شبه ضلام، رغم الضلام شفت ضلال شخص ممدود بشارع
تقربت باتجاه الضلال وشفت شخص مقتول وكله دم وبي اثرات ضرب

بارزه كلش، سحبت نفسي لليورة وصرخت بصوت عالي

:- بسم أللَّـه الرحمـن الرحيـم، 〥 مستحيل

ضليت كاعده وارجف ومااعرف شسوي شغلت فلاش جهازي كمت
ادور على شيء ولعل علمود اكدر اساعده بي، شفت سجينه كله دم شلتها
بعدين شمرتها للبعيد من الخوف سمعت صوت سيارة شرطه جايه

ضليت واكفة ومجمدة بمكاني من الخوف والقلق الي صابني نزل شخص
وتقدم نحوي، من الخوف رجعت خطوات لليورة صاح بصوت بحيث فززني بي

بصوت عالي وحاد :- أحمد القي القبض عليها

بدموع وخوف:- لا عمو حباب وأللـه مو اني

باوعلي بنضرة غضب، تقدم نحوي بحركه سريعة سحب ايدي بقوة
وخله كلبجات وصعدني بسياره، وصلنا للمخفر وهوا بس يسحل بيه دفعته بديني

:- كافيي اني اعرف امشي

:- لجج احترمي نفسج واعرفي وي منو تحجين

:- اعرف وي منو جاي أحجي

عدل وكفته طلع باكيت جكاير وخلها بحلكه وبدا يسحب وينفخ بوجهي
عصبت بس استهديت بأللَّـه شفت ضابط رحتله كاعد ؏ كرسي ويمه طاوله

:- عمو فدوه اتصل ؏ بابا خلي يجي

:- حاضر انطيني رقمه

0780......:-

اجة نفس الضابط العصبي كال

:- أحمد اخذها للغرفة التحقيق

اجة ودخلني بغرفة ضلمه ومبيها بس ضوة واحد جوا طاوله وكرسين كعدت على الكرسي وبدت
دموعي تنزل

:- يارب لا تدخلني بمصبية مالي دخل بيها

ضليت كاعده ابجي لحد محسيت أحد دخل مسحت دموعي، سحب الكرسي وكعد وخله رجل على رجل