|| ضغن الهرماس ||

"Part 3"

﷽

-الكاتبة: سـارة الحـسن

-Part 3

-"لا تنسون التصويت ومتابعة الحساب فراشاتي"🤎

▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫

-مرت ايام صعـبة ع فراق عـون، كسرت اهله وجدي بـ شكل ممعقول

-كان عـون الشخص الواعـي بـ العائلـة، يحـب فعـل الخيـر لـكل شخص موجود ببيت جساس، يساعد بدون مقابل ينصح يعلم يتعب وما يوم شكى من شي او تذمـر

-جانت كلمات عمتـي عليا تكسر لـ خاطر وهي تعاتب عـون
::-مكانك حضن امك مو جوة التراب يمةةةةة

-صـدى كلماتها لـ هسه بمسامعنـه كذب نكدر ننساها بـيوم وليله ولا حتـى بـمرور السنين واذا ننساها مستحيل ننسى كلمات هـود الي جانو حاسبي توأم عـون من قوة علاقتهم،
جان يمشي وره جنازته ويصيح بـصوت رايح وبغصه تركت غصه بـ كلوبنه كلنه
::-ويـن رايح وعايفلي بس الصور والهدوم منك وييييييين
  ولك خـوووووية ما اتفقنه هيج ماتفقنه بهل سرعه تعوفني وتروح

-ثانـي فاجعه لـ بيت جساس بعد بيبيتي الله يرحمها، بس فاجعه عـون توجع اضعاف واضعاف وجرح بـ كلب كل شخص يعرفه

-مات اثر صاعقة بـ وقت المطر، كانت منيته وخلص عمره بـ ذاك اليوم ولا اعتراض ع حكمه رب العالمين

-بـعد 5 سنـوات كاعده كدامها اباوعلهـا وهي بيـدها صوره عـون تباوعله مبتسمـه وحجت بـغصه
::-حققت حلمك بعد هاي السنين كلها

-ضحكـت ورجعت تحجي ويه الصوره
::-صـار 5 سنين اجاهد حتـى اجيب 100 بالرياضيات حتـى افرحك واليوم يلا جبتها، واكيد بـ تعب هـود الي شكك الكتاب ع راسي يلا كدر يفهمنـي

-رفعت الصوره شمتها وباستها بـقوة ورجعتها يم راسها باوعلتي وكالت
::-ها سدود شتبغين؟!

سدرة: ممكن تحجين عراقي ويايه

آفروز: اي آمري

سدرة: اريد اطلع للـ سوك ورسول ما يقبل ياخذني وامي مريضه شويه فـ خل نطلع اني وياج حبابه

آفروز: ومن يخلينه نطلع وحـدنه

سدرة: مو وحدنه انتِ كولي لـ هـود ماراح يردج

آفروز: خيبـر وين؟!

سدرة: راح يم ابو

آفروز: ظليل ويا لو وحده؟!

سدرة: لا وحده ظليل ماراحت هل مره يمكن عمتي ماقبلت

آفروز: ماشي نروح وناخذ هزراف ويانـه هم