سيف: حبيبتي حرير انه رايح المعرض دير بالج ع امي وملاك
حرير: صار يروحي
سيف: طلعت من البيت ورحت المعرض اكمل شغلي لان جبت هواي غيرات السيارات وبديت ادرج بيهن والعمال دا يشتغلون مرات ساعات واني بشغل نسيت مانتصلت ع حرير اطمن ع امي 📞📞📞
.. هلا حرير
.. هلا بيك سيوفي
.. شونج يابعد اخوج امي شون صارت
.. بخير وانه بت البطه السوده محد يسأل عليه
.. بويه بنيتي ملوكه شونج والله مشتاقلج بس ماانطاني گلبي اكعدج من نوم
.. الحمدلله بخير والله مشتاقتلك
.. تره رحت يوم واحد اذا تزوجين شون
.. ما ازوج انه كاعده ع گلبك
.. احلى من يكعد انطيني امي
.. هلا بيك يابعد حيلي يمه
.. هلا بيج يما شون صرتي والله ضل بالي يمج
.. انه بخير مادام انته رجعت.. احنه صرنا مانعجب 😒
.. هههههههه يلا حضرولي غدا شوي واجي
.. صار يما
.. مع سلامه
.. الله وياك
.. الحمدلله والشكر ربي أحفظهم لي واستر عليهم من كل شر بحق محمد وآل محمد كملت شغلي ورجعت البيت ملوكتي بنيتي
ملاك: هلا ابويه حضنته اووفيشش ياريحت هلي
سيف: هههههههه ولج ولا تكعدين شخبارج
ملاك: مادامك بخير انه بخير
سوزان: هلا بيك يابعد عيوني
سيف: هلا بيج يابعد عافيتي شخبارج شون صرتي
سوزان: بخير مادام اشوف طولك
سيف: عساج دوم بالخير وين حرير
ملاك: راحت صديقتها تجيب الواجب
سيف: بس ماكالت مو من عوايدها تطلع بدون ماتكول شنو جديده هاي شغله
سوزان: مو هيج يما اجت تنتصل عليك كتلها عوفيه مشغول انه من يجي اكله وراحت
سيف: اذا هيج تمام
حرير: طلعت من البيت اروح صديقتي رهف اجيب الواجب لان ماداومت وصلت نص شارع دا اتمشه واشفت واحد دا يسوق بسياره ع كيف ويباوع
عايد: جنت طالع اروح بيت عمي فواز شفت بنيه تمشي بشارع بس مو قطعه ضيم من بياضه شمس تضرب بيها صايره حمره وشفه ورديه وشنو طول والجسم بقيت امشي بسياره ع كيف لحد ماوصلت يمها وصحت اول مره اشوف حوريه بشارع
حرير: لتفت شفت وانطيته خزره
عايد: اويلي ربي جاي تشوف
حرير: استغفر الله بديت اتفف ومشيت سريع
عايد: يابه شدعوه رقم يوزر اي شي يربطني بيج
حرير: اكو حبل تريد اربطك بيه
عايد: من ايدج كلشي اصير
حرير: وصلت يم بيت رهف بقيت اضرب بالباب قوي
رهف: اجيت اجيت منو
حرير: اني اني فتحي الباب
رهف: فتحت الباب حرير هلو حبي شونج شبيج الباب نشلعت
حرير: جان واحد يمشي وراي واجيت اركض
رهف: منو وينه
حرير: بره بسياره
رهف: ثواني اشوف تف ع وجهك هم هذا
حرير: تعرفينه
رهف: ولج منو مايعرفه هذا عايد يصير ابن عم شيخ فواز جوارينه باعي هذا البيت الجبير هذا بيت عمه وصديق شيخ الذيب بس هذا عايد نسونجي والله متبري منه ع كد مشاكله وسوالفه طايح حضها
حرير: عمه لي يعميه شنو همج ياجيل احنه وبعدين لي ضحكني اكو واحد يسمي ابنه ذيب شنو حيوان
رهف: يي لي يدري يدري ولي مايدري كمشت عدس
حرير: شنو قصدج ولج
رهف: انتي شايفته ذيب غير ضيم
حرير: اكلي تبن وانطيني الواجب تاخرت هسه سيف رجع البيت وماريده يضوج
رهف: تمام تعالي فوتي جوه
عايد: هذا بيت ابو حسن معقوله بتهم والله لو بتهم باجر اجيب مشيه واجي اخطب بس خلي اسأل ذيب
ابن عمي شيخ ذيب وينك يابه
ذيب: هلا بالكو** د
عايد: ههههه هيج واحد يستقبل ابن عمه
ذيب: انجب وادخل
عايد: مقبوله منك ابن عمي
ذيب: غصبن عليك
عايد: تمون اكلك خويه عندي موضوع صغير
ذيب: اذا مصيبه من هسه اكلك ولي لان الحجي كالي مادخل بيك بعد مشاكلك كثرت
عايد: لا والله بس اريد ازوج
ذيب: يالله تريد تعقل وليدي بارك الله بيك
عايد: هههههههه يي اريد اضوك لي تضوكه
ذيب: ادبسززز مو بيدك
عايد: من زمااان المهم اكلك اكو بنيه توه شفتها بشارعكم ولك ذيب وحق الله مو بنيه يكول كيمر عرب ويشمي وحق كيمر عرب وصخ هيا انظف منه
ذيب: ياخسيس تباوع ع بنات ناس كافي اكبر
عايد: لا والله ذيب اريدها ونبي دخلت گلبي
ذيب: يعني تريدها بالحلال
عايد: يي والله بالحلال
ذيب: بيت منو
عايد: بيت ابو حسن جوارينكم
ذيب: بس ابو حسن ماعنده بس رهف وزركه مابيها هاي المواصفات
عايد: بس هيا دخلت البيتهم ذيب بشرفك اريدها من شاريك
ذيب: هسه راح ادز رقيه تشوف وترجع.. رقوش رقوشتي بابا تعالي
رقيه: ها اجيت تله تثيح رقيه رقيه ثكو
ذيب: ولج ام لسان تردين اجر اذنج مو
رقيه: ها يابعد عنون رقيه دول
ذيب: ترحين بيت رهف تسوين نفسج تسألين ع ميمونه بنت احمد ودخلين تشربين مي عدهم وتشوفين من يمهم وتعرفينها وتجين
رقيه: وليس سعلينه بناس احنه
ذيب: رقيه مثل ماكتلج لا اشلع ذاناتج
رقيه: احممم احممم اروح بس بشرط
ذيب: انطيج الفين
رقيه: بس راح اتعب لوح واثأل
ذيب: بويه منج لا طمعين تره ولا ربع انطي وترحين رجلج فوك راسج
عايد: انطيج 5 الاف بس روحي
رقيه: تفووو هذا هو تياره لوح وارجع
عايد: اختك تفلت عليه
ذيب: هههههههه لا ولك بس هيه لسانه ثكيل متشوف شون تحجي
عايد: والله رحم الله والديج 😂
حرير: مشكوره حياتي تعبتج وياي
رهف: لا يعمري بالعكس ابقي يمي نتغدا سوه ونسوالف
حرير: لا والله مااكدر تدرين سيف موجود وامي تعبانه وملاك اخاف عليها من المطبخ
رهف: ام گليب براحتج اجيت اجيت اليوم الباب نشلع 😂
حرير: هههههه اسفه والله
رهف: فدوه لج الباب واهله خلي اشوف الباب هلا حبيبتي رقوش شلونج
رقيه: بحير وانتي سونج
حرير: ضحكت ع طريقه كلامها بس شكلها كلش حلو
رهف: اني بخير اليوم زايرتنا
رقيه: يي والله ماثفتي ميمونه بنت احوي حمني
رهف: لا والله مااجت
رقيه: عادي ليد مي
رهف: مو تدللين
رقيه: ثلام سونج
حرير: وعليكم السلام عمري بخير وانتي
رقيه: والله بحير انتي بتهم
حرير: لا صديقه رهف
رقيه: يي مو ادول بيت عمو حثن ماعدهم هيج حلوين
حرير: ههههههههه يعمري انتي احلى
رقيه: انتي بنت منو
حرير: بنت فائق بس ليش تسألين حبيبتي
رقيه: فضول هيت 😂
حرير: تمام حياتي يلا حبيبتي رهف مع سلامه
رهف: الله وياج حياتي هاج هذا مي
رقيه: ماليد باي .. ذيب ذيب اجيت
ذيب: تعاي بويه احنه هنا بالمضيف هلا هلا بنيتي يي كولي بويه شنو الوضع
رقيه: امممم 😶😶حرك ديبك عايد
عايد: هج عمي بس احجي
رقيه: بنيه ثديقت رهف بنت فائق بس البنيه تيته حلوه واثمها حرير
عايد: شتعلت اهلك عايد
ذيب: طاح الله حضك
عايد: هههههههه يلا اروح ادور ع بنت فائق
ذيب: اكعد واكل تبن وين تريد تروح انه اودي شهم يشوفلك ناس
عايد: وربي انته اخويه مادري شون ارد جميلك
ذيب: بعدين اطلعه من طي**
عايد: هههههههه تدلل
أنت تقرأ
فصليه ذيب
Jugendliteraturولكم انه شيخ عشيرتكم وتاج راسكم تردون اخلف عادات وتقاليد علمود بنيه احرك البيت ولي بيه سمعتو انه ذيب ابن شيخ فواز ماعاش لي يريد يكسر كلامي
