#عارضة الازياء #5
Emy Ahmed#
......
اتصلت نور بسالم بدون ماتدي نفسها فرصه تفكر، و هي شايفه ان ابسط حقوقها ان ابوها يتحمل جزء ولو بسيط من مسؤليتها، و تحاول تساعد معتز بيه
قطع تفكرها صوت سالم علي الخط وهو بيتكلم بهدوء : ايوه يا نور ، حصل حاجه عندك
بلعت ريقها بتوتر وارتفعت نبضات قلبها بشده، حاولت تقفل ولكنها تملكت نفسها و نطقت مره واحده :بابا انا موافقه اتجوز سيف...
ابتسم سالم بخفه:بجد طيب مبروك يا قلب ابوكي فرحتيني، خدتي القرار الصح
نور:تمام، بس انا كان ليا طلب
تحدث سالم بهدوء :اطلبي يا نور،طلباتك اوامر
نور: انا كنت عايزه اتفق معاك علي المهر، عايزه مهر يليق بيا، يعني يليق بحفيده عائلة لاشين و بنتك، انا هسيبك انت وابن اخوك تقرره دا
وبعدها عايزك تحول الفلوس ل حساب ماما غاليه، و متهيقلي دي ابسط حاجه ممكن تقدمها للناس اللي اكرموني، واتحملوا مسؤليتي بدالك
سالم: وانا موافق يانور، في طلبات تاني
انسابت دموع نور علي وجهه بصمت وهي بتنهي المكلمه بتحدد معاد الفرح:لا يا بابا،بعد ماتحول المبلغ هنعمل حفلة الخطوبه والفرح هيبقى كمان شهر
سالم: مبروك
قفلت المكالمه من غير ما ترد ورمت التلفون وهي بتعيط، عارفه ان اللي يمكن عملته غلط.. ولو ادت ل نفسها فرصه تفكر مستحيل تبيع نفسها بالشكل دا
بس هي اكيد هيجي وقت وتتجوز ، فمش فارقه بقي سيف من غيره على الاقل تبقي سدت ديون الشركه، وأهو تبقي خلصت معتز من همها و مشاكلها ومشاكله مع خطبته بسببها
.......
خرج معتز من اوضته تاني يوم الصبح، وطلع يعتذر من غاليه علي اسلوبه معاها امبارح ومع هنا،
عارف ان لما بيغضب مابيقدرش يسيطر علي لسانه و اعصابه و بيغلط، وبسبب كده بيفضل يكون لوحده
شاف غاليه قاعده سرحانه في المطبخ وعيونها مدمعه، باس رأس غاليه و قعد قصادها
معتز :مالك ياست الكل لسه زعلانه مني ، حقك عليا، ماكنش قصدي ازعلكم، بس انا خايف عليها مش اكتر، ومش عايز افتح باب للمشاكل، وسالم هيجي من وراه كتير، وانتي عارفه
غاليه : مش زعلانه منك يا معتز، انا زعلانه عليك انت و نور،وحلنا اللي اتبدل بين يوم و ليله ، لما اقوم اجهزلك الفطار
مسك معتز ايدها ورفض : مش عايز افطر، ارتاحي انتي ..وبعدين فهميني زعلانه علينا ليه ، وايه اللي حصل مزعلك كده، وفين نور
غاليه : نور نزلت من بدري عشان تروح المشغل
معتز :تمام ، ايه بقي اللي مزعلك علينا
غاليه : نور يامعتز.
كلمت سالم امبارح ووفقت على جوزها من سيف
قالتلي كده الصبح، ونزلت وسابتني
