#معاناةارملة

‏نتجاهل الكثير : ليس لأننا لا نرى ... بل لأن القلب إرتوى مما رأى...

صرت اضوج من تصرفات كاظم
لان صار يتردد هواي ع غرفتي ويكعد ع جربايتنا لو يخلي من عطوراتنا أو هيج يجي ويكعد
ف قررت اروح للاهلي شكم يوم وارجع
بس حتي اخلص من كاظم
ورحت لاهلي يوم واحد وطلع من عيوني لا أخو استقبلني أو يكعد يمي وزوجته سوتلنا مشكله لان بنتي لزمت لعبيه بنتها وبقت تفشر احنا بيت مو جمعيه للارامل واليتامئ تسمعني هذا الكلام
حز بخاطري ونجرحت وتمنيت احد يرد عليها
زوجها وياها صاف وامي وابويه كبار بالعمر ناس فقره ع كد حالهم
اخ...اخ .وين اروح
لازم ارجع لبيتنا واتحمل شسوي بعد
ورجعت للبيت
وإجا محمد ...ها وين كنتي🤨
كنت عند اهلي😒
وليش ما كتيلي اني اوصلج😡
شفتك ملتهي 😬 وما حبيت ازعجك
مو قصه إزعاج بس ممنوع تطلعين بعد لوحدج بدون ما احنا وياج
حاضر تدلل
واني بكلبي حسرة ونار اريد بس اوصل لغرفتي وابجي ع حالي
ودخلت لغرفتي وقفلتها عليه واني ابجي وينك جاسم حبيبي تعال شوف شلون تبهذلنه اني وبنتك وين ما نروح يصيحون علينه وانت كنت حتئ الهوا تعاركه لو حرك شعرنا
اويلي ع حظي
وشوكت تفرج ياربي
...وندك الباب الساعه 12تقريبا نص الليل
منو
فتحيلي الباب اني كاظم
شنو كاظم شتريد نايمه اني
فتحي الباب بسرعه
خير شتريد مني
مو كتلج فتحيه بسرعه
هاااا شنو
هلو فطومه شلونج مشتاقيلج البارحة ماكو
شبيك كاظم احجي عدل

ليش شحجيت اني
لا ما حجيت شي شتريد
هاج هاي حلويات لج ولرهوفه.
لا شكرا عدنه توا اشتريته
شنو ترديني عليج الله اخذيهم
اوك شكرا وسديت باب الغرفه
يارب شهلورطه هذه
ومرت ايام واني ع نفس المعاناه
وي نسوان حمويني أذني بما فيه الكفايه واني متحمله وساكته لان ما عندي احد اروحله😔
وبدأ الدوام ورجع محمد ياخذني يوصلني للدوام
وبيوم من الأيام كال عندي موضوع اريد احجيه وياج
تفضل خويه احجي
فاطمه راح احجي بس لا تقاطعيني
فاطمة انتي بنيه حلوة ومودبه وانتي دخلتي كلبي واريد ازوجج ماكدر أتحمل بعد
وانتي وحيدة. محد الج
ولرهف خليني اخذج واعيشج ملكه ولا تخافين اخذلج بيت لوحدج ومحد يدري
فاطمة ...من حجا هذا الكلام واني مثل الضربه واجت ع گلبي
لك انت شتحجي انت صاحي لو مجنون وك اني مرت اخوك واخوك توا دارت سنته شلون تتجرا وتكول هيج
شلون تتجرا وتحط عينك بعيني لك شكد نذل وحقير انت
وهذا آخر يوم اصعد بيه وياك
وبعد أي كلمه ما اسمع منك
محمد...لج سمعيني اخذج اخذج ولا عبالج اخليج تطلعين لوحدج وتلعبين براحتج ع أبو ارمله ومحد يكشفج لو لعبتي
وك كافي اسكت اسكت اسكت وك عمري الي عشته وياكم واني حاسبتكم اخوتي وما رفعت عيني بعيونك ولا عليت صوتي عليكم ولا قللت من احترامكم بيوم ليش هيج تحجي شنو شايف شي عليه سامع شي
وك اني مثل اختك ليش تجرحني حسبي الله ونعم الوكيل عليكم لكن
ونزلت المدرسة واني ابجي ميته من البجي
وجانت عندي صديقه اني وياها مثل التوأم صديقات كولش واحجيلها كولشي يصير. وياي
حجيتلها عن الي صار
وهدتني وسولفنه اواحس نفسي احسن
وخلص الدوام وهم رجع عليه محمد اخذني
وأول ما صعدت
محمد راح اعتبر الكلام الي حجيته مساع ما سامعته واياني واياك تعيده بعد
محمد😡الله كريم اني اعلمج واذا ما اخليج انتي ترجعين تتوسلين بيه حتي اخذج ما اطلع اني محمد

واني ساكته ما حجيت بعد شي
اخ اخ
رحت يم عمتي ونمت بحظنها وابجي منا ع بنتي الي دائما تسأل ع ابوها وجاي اشوفها تذبل يوم عن يوم وهي بلا أبو
لو ابجي ع حظي الي ورطني وي ذول حمويني شسوي وين اروح
عمتي ام جاسم ...عمه ام رهوفه شبيج ضايجه احسج مو ع بعضج احجيلي عمه اني مثل امج
لا عمه ماكو شي ( المرة مريضه خاف اكوللها ويصير. بيها شي بعد خل اسكت احسن)
عمه الليله اريد ننام يمج اني ورهوفه
ياربت والله عمه تعالن
ورحت نمت يم عمتي واحس صوت واحد فوك راسي
كاظم اجيت اشوف امي قبل لا اصعد لغرفتي وشفت فاطمه نايمه يمها بس ما شاء الله جسم يممموت عليها وجمال فضيع اويلي شلون قطعه هذه وكفت اتامل بيها وفقدت
فاطمة فتحت عيونيي وشفت كاظم فوك راسي صافن
يمه خرعتني
شعندك واكف ع راسي واني نايمه
ع كيفج عيني اجيت لامي اشوفها
تعال ابقي يمها واني رايحه لغرفتي
لا لا ابقي اني صاعد انام يله باي
كاظم..امشي وصوره فاطمه ما تروح من عيني جسمها يخبل بقت تفاصيله بالي
نمت واني اتحلم بيها شكد شفت بنات بس مثل هاي ماكو
....
فاطمة يارب خلصني منهم احسهم وحوش مو بشر. ولا كانه اني زوجه اخوهم ليش هيج يتصرفون وياي يارب واني بنيه وحيده محد الي ربي ابعدهم عني
....ورا يومين اني كاعده بغرفتي اجا كاظم ودخل كبل هلو فطومه شلونج
شبيك كاظم غير ادك الباب اني بدون حجاب شلون تفوت هيج گبل
وج عادي انتي اختي والاخوان ما بينهم خجل وحرام
كوول شتريد
اريد احجي وياج نسولف اريد اشوفج شي
شتشوفني
خل اكعد واشوفج.
تعال اتفضل اكعد
كعد كاظم يطلعلي صور بالتلفون مال حبيباته
شوفي هاي. شوفي هاي
بس هاي وجهه حلو وجسمه ماحلو راح اعوفها
شوفي جسم هاي يموت مثل جسمج هيج تفاصيله مرتبات
يااا عزا احجي عدل كاظم
وج اشاقه وياج
كاظم يلة اطلع من غرفتي ( لان كلامه مو منطقي وبدأ يقل ادبه) اطلع لا واحد يشوفك وتسويلي سالفه
واذا شافونه انتي غير مرت اخوي ومثل اختي
يله راح اطلع بس فدوة روحي سويلي شي اكله جوعان حتي اصعد وما تشوفيني بعد
اوك تدلل
.....رحت للمطبخ اسويله اكل

كاظم ...ها رهوفه حبييبتي هاج تلفوني شغلي العاب ولعبي بيه ...حتئ اخذ راحتي بغرفتها
ورحت فتحت كنتورها وشفت ملابسها مال نوم ظامتهن بس يا عطرهن اوووف ومكياجها وترتيبها ونزاكتها
بس مو هذا الي اريده
اريد شي ثاني
رحت ع الباب. أخذت نسخه من مفاتيحه وخليت بمكانه مفتاح ثاني حتي ما تشوف اكو مفتاح رايح
وضميته يمي ....راح يجي يوم احتاجه .....ً؟

فاطمه.....ويحضرني قول ‏نيرودا:

أعودُ مُتعب العينين، من رؤيةِ الدنيا التي لا تتغير!💜🍂