#معاناةارملة

لم تأتي لتشغل حيزاً من الفراغ أنت جئت لتفرغ كل حيز وتملئه بك ..

#معاناةارملة
البارت الاخيرررر....

‏"ليس من طبع الحياة تمام الحظوظ، فلا كمال مطلق ولا نقص مطلق؛ ثمة نِعَم كتبت لك وثمة حرمان فُرض عليك، وهنا تبدأ حياتك أو تنتهي؛ فإمّا أن تُعظّم النعم التي بيمينك فتعيش راضيًا مرضيّا، وإمّا أن تُقلب كفيّك على ما حُرمت منه وليس وراء ذلك إلا حياة تمر بك دون أن تعيشها."
......

وخلال هذه الفتره محمد بعده يزعجني باتصالاته ورسائله
مليت منه
احظره ويرجع من رقم ثاني يتصل

الا توافقين لو ارجع أخذ بتج منج
اني مليت منه ورحت خبرت استاذ سيف عليه
وفعلا ما قصر وياه اتصل عليه وطيح حظه وهدده بس يحاول يزعجني بعد يرجع يجدد الشكوئ
...شكرا استاذ ما قصرت
ممكن بعد ما تكوليلي استاذ
احنا صرنا أهل 😊
ايي ☺️
ومرت ايام وايام

كاظم ....اتفقنا اني واصدقائي نطلع سفره لمكان ...لشقه ولد صديقنا
دائما احنا نروح يمه نشرب ونسكر ونسوي كلشي
ورحنا كالعادة نشرب ونسولف وتفاجات بصديقي عنده صورة حبيبتي
لك فراس ...شعدها صوره شهد بتلفونك
ههههه حبيبتي هذه
لك انجب هذه حبيبتي
وتعاركنا وتضاربنا واني فقدت اعصابي وضربته بالسكين بطنه وكتلته
لا لا فراس مات. لا مستحيل
عفت السكينه بطنه وردت انهزم ...بس اصدقايي لزموني وخابروا ع الشرطه واجوا اخذوني واصدقايي كلهم شهدوا ضدي  ليش هيج تخليتوا عني

واخواني اجوا وراي
واني اصرخ ما ريد السجن لا لا تسجنوني
ولكم طلعوني
محمد علي مهمين ولكم ساعدوني وخلصوني
وحكمت المحكمه عليه سجن مؤبد ❌❌
يعني شلون ضاع شبابي ضاعت حياتي بعد ما كدر اطلع واتونس
حالي حال الناس
ولكم خلولي محامي نطوه شكد ما يريد

الاخوان....كلمن يكول اني ما عندي فلوس للمحامي انت ادفع
الطمع والجشع مسيطر عليهم مستحيل ينقذون اخوهم

وبقئ كاظم مسجون للابد .......
((الحوبه تبطي بس ما تخطي)))

محمد ..بعد ما نحكم ع اخوي مؤبد امي سمعت بالخبر وما تحملت نصدمت وماتت

وابني الكبير سلام الي عندي اعز من روحي و عمره ١٤ سنه تمرض ويوم عن يوم يضعف ويتعب گدام عيوني اشوفه يذبل وما خليت طبيب ما خذيته اله ولحد ما اكتشفنا أنه عنده ورم خبيث  ع الكلئ ولازم عمليه فورا والعمليه كلفتني ملايين وما خلينا شي عنده ما بعناه ولسه الولد مريض  وتبهذلنه  وتعبنا وابني بعده مريض واصلا الأطباء كالو ما بقي اله غير شكم شهر ويمووت

((حوبه الابيض گلب تحرگ خضار أيامهم))

هاي حوبه فاطمه دمرتنا
وكل فلس اخذناه منها غصب خسرنه أضعاف اضعافه

أوووف

فاطمه بعد ما وصلني خبر بالي صار وي كاظم  وعمتي ميته
نقهرت ع عمتي وبجيت و متت من القهر تمنيت اني وياها اكيد تعذبت قبل لا تموت سودة عليه عمتي متي من القهر  الله يرحمج يا عمه
...كاظم عساه دمر حياتي الله ينتقم منه
....ومرت ايام ...
سيف ...يمه اريد احجي وياج بموضوع
كول يمه شتريد
يمه شرايج ب فاطمه لو تخطبينها الي
يا يمه يوم السعد الي فاطمه تصير جنتي هيج عندي بخت وهاي الدرة تصير الك
يمه بأجر اروح الها واحاجيهه
سيف ...بعد كلبي يمه ...والله يا يمه هاي البنيه دخلت كلبي وحسيتها قريبه عليه ☺️😊
ان شاء الله يا يمه تصير من نصيبك

....سيف الليل. كله افكر بلكي فاطمه تقبل  تصير زوجتي والله لادللها واعوضها عن كلشي خسرته
والله اليوم الي ما اشوفها بيه اتخبل احس شي ناقص
احس حياتي راح تكتمل وياها......
فاطمه ..كاعدين اني ورهوفه الصبح واجت علينه خاله  ام سيف هي واخت سيف سعاد
اهلا وسهلا هله بيكم
بعد السلام والسوالف
خاله  عندي موضوع وياج
خاله اريد اخطبج لسيف والله  ترا هو خوش ولد ومؤدب ويخليج بعيونه
واحنا ما لكينه احسن منج ولا راح نلاگي مره لابنا
شرايج يمه ..
هااا
خاله فاجئتيني بالموضوع
بس اني يا خاله ماكدر اتزوج زوجي صارله سنتين من توفئ
واني ماكدرت انساه
ف ماكدر ارتبط بشخص غيره مستحيل اعتذر خاله ماكدر
فكري خاله ع راحتج لا تنطيني جواب هسه
ع راحتج الج اسبوع ونرجع عليج
🥰

..........بعد ما راحت ام سيف نصدمت طبعا من الطلب الي اجوني بيه
اني ماكدر اتقبل شخص بعد غير جاسم
شلووون ماكدر ...

سيف ...امي رجعت ضايجه .ها يمه شنو
يمه البنيه ما تقبل تكول ما كدر
انسئ زوجي واعيش وي غيره

  او وف ضجت حيل وزعلت ليش فاطمه مو اني حبيتج والله من كل كلبي

فاطمه ....فاتت ٣ ايام وسيف مو من عوايده ما يجيب الجهال يمنا لان يوميه هم يجونه
ولا اكو خبر منه.....افتقدته شكلي تعودت عليه....
رهوفه ...ماما ليش ما يجونه زيد وحنين مشتاقتلهم اريد العب  وياهم
تعاي حبيبتي اوصلج الهم وروحي لعبي وياهم
و صلتها للباب ورجعت بدون ما احد يشوفني
...ورجعت ...
وانتظرت رهوفه ترجع حتي اسالها ع سيف
..ها ماما رهوفه لعبتي وي الجهال
اي ماما لعبنا شوي
لان عمو سيف مريض ونايم والجهال ضايجين ع ابوهم
يا عزا شبيه سيف....اروح اسال عنه لو فشله
ياربي شلون اعرف شبيه
اتصلت ع سعاد اخت سيف
وكالتلي سيف مريض وتعبان معدته ومصخن وحتي اكل ما يقبل ياكل
يااا عزاا
ياربي شلون ....
ف رحت سويت شوربه🫣 وشويت دجاجه😅 ورتبت  مقبلاتها ورحت الهم للبيت🫣🫣 
دكيت الباب طلعتلي خاله ام سيف
ها خاله شلونج
شلونه سيف صدك مريض
ايي خاله مريض كلش
اذا كاعد اكدر اسلم عليه
اي خاله تعاي
ليش كلفتي نفسج خاله عليمن جايبه اكل
لا خاله لا كلافه ولا شي شما اسوي ما اكدر انسي وكفه سيف وياي وتعبه...
دخلت غ سيف لغرفته شفته نايم وشكله تعبان

((ياا سوودة عليه طبعا كلتها بگلبي مو  كدامهم فشله ))هههه
يا خطيه خاله اعوفه نايم واني رايحه سلميلي عليه من يكعد
سيف لا لا. اني كاعد هله بيج فاطمه
الحمدلله غ سلامتك وما تشوف شر أن شاء الله
الشر ما يجيج فاطمه

يله مع السلامه
مع السلامه
....رجعت وفكرت بالموضوع ورحت لاهلي كلت اشوفهم واحجيلهم
رحت وعساني لا رحت نفس الحاله بعدهم ما يردوني
ساعه وملو منا
عفتهم ورجعت  ورحت لشيخ عباس للبيت وكعدت يمهم  وحجيتله عن سيف
ونصحني يأبه وافقي بعد شفتي بعينج من وكعتي محد شالج وبقيتي بالشارع لا أهل ولا عيال نفعوج
واليموت مو معناه نموت وراه بويه  العمر يمشي و انتي مرة بوحدج بس انتي وبنتج أخذي هذا الولد وترا هو معروف بأخلاقه وطيبته وراح يلمج انتي وبنتج
وانتي بعد بكيفج

......بعد التفكير قررت اوافق ع سيف لان الشيخ اقنعني بكلامه وفعلا هذه حقيقيه
وتمت الخطبه والحمدلله
وتزوجنا بإيران هناك سوينا عرسنا مو عرس وخبصه لا هيج بسيط
...ومرت الايام وفعلا سيف عوض ربي الي دللني اني وبنتي وحتي جهاله صاروا يصيحولي ماما.لان اعزهم بمعزه رهوفه......
ومرت الايام واني حاليا حامل والحمدلله وربي يديم لي سيف واطفالنه...... ..##################