𝗗𝗜𝗔𝗥𝗬 𝗕𝗘𝗡𝗖𝗢𝗡𝗚

SODARAAN? IH, OGAH BANGET!

Dear, Diary.

Nape akhir-akhir ini penguasa pantai laut selatan ntu baek ame eike.

Tunggu, tunggu! Dicekokin ape sih die? Perasaan sejak emak sering keluar ame Pak Somad tingkahnye aneh deh, ih.

Lagian emak ngadi-ngadi deh. Tiap eike tanya mau ke mane, emak jawab mau ngurusin ntu burung Pak Somad. Emangnye emak bisa ngurus burung?

Diary, tadi eike pulang juga dianterin ame Roro Kidul. Iye, diboncengin motornye.

Die tadi tanya ape eike masih sering tulis keburukannye?

Ye, iyelah! Gila eike tulis kebaikannye. Ogah banget!

Eike aje ngempet pas dibonceng. Bau keteknya ntu loh!

Jangan dikire die baek ame eike, sering jemput eike, dan nganterin pulang, terus bise ngrubah kebencian eike ame die? No way! Jangan ngimpi, deh!

Ni semue gare-gare emak, Diary!

Emak bilang kalau anaknye Pak Somad ntu bakal jadi saudare eike. Emak emang suke halu orangnye, suka ngadi-ngadi.

"Baek-baek noh ame si Dul," kate emak.

"Bagaimane bise baek, Mak. Roro Kidul ntu suka ganggu Jan, Mak!"

"Biji mane mate lu letup! Die ntu calon abang lu, Bocah!"

Bodo, ah! Puyeng eike, Diary.

Pak Somad yang eike demenin bakal jadi lakinye emak dan Roro Kidul akan jadi abang tiri eike.

Gini amat idup eike, Diary. Gue nyang demen, eh, emak nyang dapet Pak Somad. Kagak bise liet anaknye ndemenin orang ape, ye!

Eike sumpahin emak kejang-kejang setelah tau burung Pak Somad, terus minta cerai! Nah, lo? Biar jadi jande lagi! Lagian idup udeh anteng-anteng gini, eh, emak kepincut  burungnye Pak Somad.

Gedek banget eike hari ni sumpah!

Muach, Diary.

****

"Jan! Janoko, buru nape!"

"Jan, cepetan!"

Tak lama kemudian Mpok Neli muncul dari balik tirai pintu.

"Et, dah, Bocah! Orang-orang noh pade nungguin kite, lu malah ngejogrok di kasur!"

"Sibuk amat sih, Mak."

"He, Anak Setan. Lu kagak bise liat emak lu idup seneng, ha!"

"Mak lu ni udeh capek jadi jande sejak lu bocah. Buruan!"

"Jadi, Mak?"

"Aelah, Jan. Ye, jadilah. Sape nyang mau ngurusin burungnye Pak Somad kalo bukan emak lu ni, ha?"

"Dah buru! Penghulu udeh nungguin!"

"Emak nyang mau kawin, Janoko nyang menderite, Mak."

"E, Bocah. Lu mak cariin temen, noh si Dul udeh nungguin lu di luar. Buruan, dah, ah!"

"Iye, iye, Mak! Bawel, ah!"

Janoko segera beranjak dari tempat tidur dan begitu ia keluar dilihatnya Pak Somad sudah berjalan menggandeng emaknya, terlihat mesra.

"Nape lu ke sini!"

"Ya, jemput elo lah."

"Kagak! Ogah gue!"

Janoko langsung melangkah cepet meninggalkan Dul yang berdiri memandangnya dengan tersenyum.

"Makkkkk!" teriak Janoko mengejar emaknya di antara para tetangga yang berbaris membentuk pagar jalan begitu Mpok Neli menggandeng Pak Somad menuju teras di mana penghulu sudah menunggu.

"Makkk! Aelah, Mak! Gara-gara burung Pak Somad eike harus sodaraan ma Roro Kidul!"

"Makkk!"

Mpok Neli yang begitu bahagia hari ini tak lagi menggubris Janoko yang menangis kejer guling-guling di tanah.

"Makkk!"

****

Malam harinya.

Dear, Diary.

Eike lagi di luar rumah, gelar tiker.

Tadi eike mau tidur ame emak, eh diusir!

"Bocah! Tidur di kamar lu nape, ha!" bentak emak.

"Janoko mau tidur ame emak."

"Kagak! Kagak bise! Noh sekarang udeh ade babe lu!" ucapnye sambil nunjuk ke arah Pak Somad nyang udeh tidur telentang, pakek sarung kawinan.

"Lu 'kan bise tidur ame si Dul di kamar lu!"

"Boleh ya, Mak?"

"Kagak! Emak mau ngidupin burung babe lu, Bocah!"

"Burung Pak Somad mati, Mak?"

"Et, dah, Bocah! Udeh sono tidur di kamar lu sono!"

Diary, nyesek kagak sih idup begini.

Mak lebih seneng ngurusin ntu burung babe tiri eike, sementara ade Roro Kidul sekarang tidur di kamar eike lagi.

Idup gini-gini amat, ye.

Diary, mulai besok eike akan tulis semua keburukan emak! Liatin aje besok!

Muach!

****

Sebuah sendal seketika melayang di kepala Janoko.

Plak!

"Anak durhake lu, ye! Udeh mak bilang tidur sono di kamar! Lah, lu ngapain gelar tiker ame ngidupin lilin, Bocah! Ngepet lu, ha!"

"Nulis diary, Mak!"

"Udeh sono tidur! Burung babe lu udeh bangun. Nah elu belom tidur-tidur!"

"Ogah Jan tidur ame ntu Roro Kidul! Ntar die coli, Mak!"

"Cola coli, cola coli! Kecantikan bener muke lu! Mau lu mak tipe-x name lu di KK, ha! Udeh sono tidur! Keburu mati lagi ntar burung babe lu!"

"Lagian ntu burung nape idup mati, idup mati sih, Mak!"

"Busyet dah, Bocah! Tau ape lu urusan burung babe lu, ha! Dah cepet masuk! Mak kunci ni pintu, ye!"

"Iye, Mak. Iye!"

"Cepet, Jan! Emak mau malem pertamaan ame babe lu!"

"Iye, iye, Mak! Ih, bawel!"

Janoko beranjak seraya menggulung tikar lalu menghadap lilin.

"Eike doain mati lagi ntu burung!" Mengguman kesal lalu meniupnya.

Bush!

SELESAI

DIARY BENCONG by Kuswanoto3