بنت بمدرسة عيـال ؟🔥💜. #بلاي ياسُعود عشّقت مُتنكره.

بارت/25

كنت في عزّ الثبَات لين شفتك وانهزمت.❤️🕊

-

فتح الباب وشاف شخص معطيه ظهره..
توجه له وهو ينطق/ امر اخوي وش بغيت من انت..؟
غمض سعود عيونه من سمع صوت صاحبه الي صارله فتره طويله ما شافه..،
اخذ نفس وهو يلف ناحيته...،
انصعقق سلمااان من شاااف سعوود قدااااامه بعد كل ذي الفترره......######|
-
بالديوانيه/
كان الصمت سيد الموقف،
نزل سعود فنجاله وهو مو عارف من وين يبدا،
سلمان/ شلون عرفت مكاني؟
سعود/ للحينك فاتح الموقع ولا غيرت رقمك، ضنك يصعب علي؟
ولا نسيت اني صاحبك من قبل وادري ان اهلك بالظهران؟
سلمان/ وش جابك..؟
سعود/جيت اشوفك،
ضحك سلمان بسخريه/ وبصفتك مين؟
سعود/ بصفتي صاحبك القديم،
تنهد بتعب: ادري ان الي صار اخر مره كان صعب علينا جميع، لكن انا تعبت من عذاب الظمير وتعبت وانا الوم نفسي على وفاة رهف، لو جلست بالعسكريه وبالوحده الي انا فيها زياده، راح اموت.
سلمان وهو يصفق ب ايديه/ اوووه توك تتذكر ان كان عندك صاحب قديم؟ شف سعود ماني فايق لك، من ايام الثانوي خربت علاقتنا، ولايمكن نرجع زي قبل، اذا خلصت كلامك انا رايح..،
قام سلمان بيمشي وقاطعته يد سعود الي شد على معصمه/ سلمان، انا تعبان..،
نفض ايده بعصبيه وهو يمسكه مع ياقته/ تعبان؟ وشش اسويلك اعالجك؟ كلنا تعبانين يابوي بتفارق ولا كيف..؟
عض سعود على شفته بتعب/ سلمان، انا تعبان، جاني مرض ف اعصاب المخ،
ارتخت ايد سلمان وهو يبعد عن ياقته/ كيف يعني؟ مرض ايش؟ من وين جاك؟
تنهد سعود بتعب/ ممكن تجلس عشان اشرح لك؟
جلس سلمان وهو من جواته خايف على سعود بس يكابر/تكلم.
نزل سعود راسه/ من بعد وفاة رهف، صرت ما انام الليل، تجيني نوبة من فتره لفتره، وهذي النوبه قويه، احس بصدااااع قوووي يفجرررر مخي واقوم اضرب راسي بالجدار من قوته،
يوم كنت بالعسكريه، اذا جتني النوبه اخوياي يثبتوني عشان م ااذي نفسي من غير م احس،
ويوم رحت للدكتور، قالي ان عندي اضطرابات بأعصاب الدماغ وهذا نتيجة التفكير الزايد، وحالتي مالها علاج، يعطوني مسكنات بسيطه ولاتنفع بشي...،