ဘဝကြီးမှာနေထိုင်လာရင်းနဲ့ပင် နှစ်ခါဆက်တိုက်ကြီး
ပြန်ပေးဆွဲခံရမယ်လို့တော့ ဟန်ယူဂျင်းလုံးဝ
မထင်ထားခဲ့ပါပေ ။
ပထမတစ်ခါကတော့ သူကိုယ်တိုင်ကသိထားနှင့်တဲ့
ကိစ္စဖြစ်တာကြောင့် သူပြင်ဆင်ထားခဲ့ပါသဖြင့်
ဘာမှတောင် ဒုက္ခမရောက်လိုက် ။
ဒီတစ်ခေါက်မှာတော့ သူဟာသူများနယ်မြေထဲမှာလည်း
ဖြစ်နေသလို အနားမှာလည်းတစ်ယောက်မှမရှိသော
ကြောင့်အတော်လေးကို စိတ်လည်းတိုရသလို ကြောက်
လည်းကြောက်မိသည် ။
မျက်လုံးများကိုအဝတ်စနဲ့စည်းပြီးပိတ်ထားသည့်
အပြင် နောက်ပြန်ကြိုးတုပ်ထားသည်မလို့
ဟန်ယူဂျင်းမှာ ဘယ်လိုလွတ်အောင်လုပ်ရမှန်း
တကယ်ကိုမသိပါချေ ။
" အား !!! ငါစိတ်တိုလာပြီ ။ ဒီရက်ပိုင်းအတွင်းကို
ပြန်ပေးဆွဲခံရလိုက် တောထဲပြေးရလိုက်နဲ့
တအားစိတ်ဆင်းရဲနေပြီ ။ "
ဟန်ယူဂျင်းမှာလွတ်နေတဲ့သူ့ရဲ့ခြေထောက်တွေကို
လေထဲမှာကန်လိုက်ပြီး ဒေါသထွက်နေသည် ။
" မင်းကြောင့်လေ မင်းကြောင့် မင်းကြောင့်ပဲ
အကုန်ဒီလိုဖြစ်နေတာ !!! "
သူ့ဘေးနားကနေ သူနဲ့ရင်းနှီးတဲ့အသံတစ်ခု
ထွက်လာတာမလို့ ဟန်ယူဂျင်းအပြုအမူတွေကို
ခဏရပ်လိုက်သည် ။
" အီဂျောင်ဟွန်းလား ? "
" အေးဟုတ်တယ် မင်းအဖေငါပဲ ! "
" အီးဟီး ဟွန်းနား မင်းငါ့ဘေးနားမှာရှိနေတာလား ။
ငါတစ်ယောက်တည်းထင်လို့ အရမ်းတွေကြောက်
နေတာ အီးဟီး ငါ့ကိုကယ်ပါဦးကွာ ငါအိမ်အရမ်း
ပြန်ချင်နေပြီ "
ဟန်ယူဂျင်းက အီဂျောင်ဟွန်းရှိလောက်မည့်ဘက်သို့
မှန်းပြီးခေါင်းကိုလှည့်ကာပြောလိုက်သည် ။
" တိတ်စမ်း နားညီးတယ် ။ ငါလဲ စီစီတီဗွီအခန်းထဲ
ရောက်နေတုန်း ဆွဲခံလာရတာ ။ ဘာမှမတက်နိုင်ဘူး ။
လက်တွေလည်းကြိုးတုပ်ခံထားရတယ် ။ "
" မင်းကမရုန်းဖူးလား ? "
" ဟင်...မရုန်းဘူးလေ အယ် မှားလို့ ရုန်းတာပေါ့ ။
ဘာလို့မရုန်းရမှာလဲ လာခေါ်တာ မင်းအဖေတွေမှ
မဟုတ်တာကွ ။ "
YOU ARE READING
Untitled Pill
FanfictionBoys Planet in Mafia world ~ Start Date : 5.6.2023 End Date : 30.6.2023
