بطلتنا تكول
"كان بوسع كل قلق في العالم - مهما بدا عميقًا وهائلًا - أن يتكسّر ويزول لو كانت كلمات الطمأنة حاضرة في الوقت المناسب."
نبدي
فاطمة
ياريت ياربي اي طريقة تصير لخلاصنة قابلة بيها
كاعده اني و صافنة عل وضع و على الخذلان الي احتل كلبي
اجت امي من دوام و كالت عساس العصر نروح لبيت جدي اهلها فرحنا لان هناك تصير لمة ضحك و سوالف و ناس من اهل الله
رحنا لهناك و اني وقمر وجهنا تضحك و هيه متهشمة من جوه نضحك و الناس حاسدينا على ابونا الله يلوعتنا الله
رحت كعدت يمهم و نضحك صار ليل كعدنه ب سطح عندهم سطحين همه ف اني جنت اني بسطح العالي و كعدت ف اجه ابن خالي يحبني ضل يحاجيني و ويكلي لو تقدمت الج تقبلين ما جاوبته بالي يم علي كلبي الحمار كلشي سوه و لسه يحبه كمت نزلت بهدوء وكعدت يمهم
اكرهم كلهم اكرهم كلهم يردون يستغلوني اني وقمر
اول ما طلعنا من يمهم رجعت وجوهنا الحقيقية ال متروسة الم
جانت وتر كامشة ايدي و قمر كامشة ايد حسين و امي واكفه تريد تأجر تكسي
ضليت صافنة من شباك على حظنا اني واختي و اباوع
ياريت اكو حل ماكو اذا شردنا و لزمونا بنفس لحظة يكتلونا مستقبل مجهول خطوات مجهولة كلشي مجهول
اول ما رجعنا ابوية كمش قمر يكتلها لان ما كوت ملابسه تحملت وما بجت وهو يتخبل من هل شي
و يقسي اكثر
رعب صياح صار من قمر فجأه اجتها حالة تشبه الصرع و طبكت سنوانها قوي و ترعش بالكاع رعش ابوية فصل كام يبجي و يتوسل تهدء اني تخبلت و ضليت اكله لو يصير بيها شي ما ابريكككك ذمة فجاة كعدت و كامت بهدوء ولا كأنو جان اكو شي راحت غسلت وجهه صعدت ليفوك عفتها وحدها لفترة وصعدت لكيتها مفرفحة من البجي ما اعرف شسوي صغار احنا على هل معاناة شبكتها وضلت تضرب بظهري و اني احاول اهدئها لحد ما نامت
بعد مرور اسبوع
هلأسبوع ابوية شوي تعدل من وراى حالة قمر
بس اجت المصيبة
يوم السبت ٢٠١٤ ساعة ٢:١٥ ظهراً
جنت كاعده اقرى ومندمجة ب كلشي وكاعده عل درج وياه امي فجأه اندكت الباب حيل بقوة مو طبيعية ورجع طب ابن عمي جبير الي تقدم الها
و هم اجه وياه علي باوعتله بخيبة اكبر ونزل راسه
وهو يصيح وينها قمر خل تنزل تفتح جهازززززز وينهاااااا يصيح نزلت قمر و طلع تلفون من جيبة يصيح فتحييي هسه تفتحين المهجوم كلتله ما اعرف منين جبته وما اعرف مال منو
طبت وراهم مرت عمي جبير و بنتهم الصغيرة الي هيه صديقة قمر عساس
وابوية جان نايم و ابوية اذا كعد و هوسة و صياح يبتلي بينه اختصر الكم الحدث
انو بنت عمي عندها تلفون تخابر بي حبيبها و ضامته لان ميقبلون و لكفه ابن عمي و كللها مال منو كلتله مال قمر ما اعرف شنو بي تضمه يمي
ف اجوا يصيحون و يهدون و ابوية كعد و شافهم عيونه وحدهن صارن حمر فجأه مرت عمي شمرت الشطه على بنتها و نكسرت بالحايط لا يا بت الحلو منو راح ينظف الحايط انتي الوصخة
نرجع
ف صار كله البيت عبارة عن صياح و عياط و كوم ابوية شيل الدولكه الكزاز من ذني الثكال مال خطار اكيد تعرفوها و اركعها براس قمر ما نشوف اله قمر بده نزيف عندها قريب عن عينها همه فجأه انسحبوا و طلعوا عبالك هذا الي رادوا اباوع على اختي فقدت و ابوية ولا يمه ولا كذبهم ولا وكف وياه قمر ولا حجه مجرد عاط صوت بيها و ضربها
هيج انته عربانة كبل دفعوك
امي راحت شدت راس قمر و خلتها تنام و ما حجت قمر و هنا بدت الاوضاع تسوء
يومية مشكلة
يومية قمر واني ننبسط
يومية احد يطب يهد ويحجي و احنا معلينا يذبوها براسنا
وننكتل لان ابوية بحجاية يندفع
انتهى
صوتوا واتمنى محد يعلق تعليق مسيء✨
