ناري

Part"21"

#ناري
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#جوليا
. نزلنه ڷــ جوة اني وخالة رحاب لگيت خالاتي صابات العشة
- بتول :- تعالن اگلن
- جوليا :- مسويات دولمة
- بتول :- من الصبح سوينها
- رحاب :- خالاتج نادرات
- حنان :- مشوفين جوليا طلعت عليجن
- بتول :- اي والله فلفلة بفاتحة عمها
- سارة :- اريد الحك عليها ماكدر شايفتها من تغسل الماعين شعرها كله يتحرك
- جوليا :- هههههههه

. صارت تقلد علية من اغسل الماعين اني من اغسل عندي عاده ألزم الماعون وابقة اتحرك وياه وتصير الحركه كالها بشعري ويبقى يهتز
- بتول :- ولج كافي راح تموتين من ضحك
- جوليا :- ماتحمل بعد

. رجعت تعيد الحركه واني ميته ضحك لحد ما تعبت وكعدت اتعشه كملنه ورحنه نغسل الماعين اني وياهن
- سارة :- تعالي جوليا اغسلي
- جوليا :- لا اني بس اشطف
- سارة :- لا عليج الله تعالي
- جوليا :- ما
- بتول :- هههههه يلا ولج روحي خلي نشوفج

. رحت اغسل بيهن وهنه يضحكن عليه ذبيت الچلافة وخليت خالة سارة تچلف بقيت بس اشطف لحد ما خلصنه ڷــ 9 ندكت الباب ماعرفنه منو شوي ودخل ابن خالي صغير عمره 8 سنوات
- باقر :- بابا يكول اجة شيخ ذياب خلي جوليا تجي
- بتول :- شنو راح ياخذج
- جوليا :- لا وصيت وياه غراض يجيبهن
- بتول :- دكومي يمه شوفي ولبسي عباتج

. لبست عباتي وطلعت بره شفته واكف باب البيت ويمه خالي راح خالي للأستقبال رحت يمه اخذني بحضنه وبأس راسي
- ذياب :- شلونج بابا
- جوليا :- زينه حبيبي
- ذياب :- هاي غراضج وهذا تلفونج سويته الج ردي عليه من اتصل عليج
- جوليا :- يعني كامل
- ذياب :- اي سويتلج واتساب اتصل عليج ردي فهمتي
- جوليا :- اي
- ذياب :- چا شنو باقية لسه بــ العباية
- جوليا :- لا اخذت من خالة رحاب بس من اجيت لبست عباية واصلا كُلش طويلة دشداشه عليه
- ذياب :- مبين طالعة من العباية جبتلج ملابس تحتاجيهن والشال ماريده يوكع من راسج
- جوليا :- اي
- ذياب :- ماغيرتي رأيج
- جوليا :- لا
- ذياب :- دتعالي نروح سويه وعلي البيت ماكدر ادخله وانتي ماكو
- جوليا :- بس هل ليله اتحمل
- ذياب :- ماشي يلا بوية بــ امان الله وحفظه عفتج
- جوليا :- من توصل راسلني
- ذياب :- بعد صار عندج تلفون
- جوليا :- صور ذياب نقلتهن
- ذياب :- لا بوية ماشفت صور
- جوليا :- ماشي اني من اجي باجر انقلهن
- ذياب :- ماشي

. تقرب بأس راسي وطلع اخذت الجنطة ودخلت للبيت صعدت فوگ غيرت ملابسي ونزلت جوة يم خالاتي بقن يمنه اخوات وأم خالة حنان كُلش حبابات ڷــ 10 صعدنه اني وخالاتي فوگ بغرفة خالة رحاب فرشت ألنه وكعدنه نسولف
- جوليا :- خالة ما حجيتي إليه قصه بابا وماما