ناري

Part"1"

#ناري
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#البصرة
# 6:30 مساءاً
. كاعده ؏ السجادة اسبح وادعي ربي يرجعة بسلامة نمت ؏ السجادة وغمضت عيوني ارتاح كُلش من انام عليها احس بــ الأمان ودفو عليها نزلت مني دمعة حارة شفتها وكعت ؏ السجادة عدلت نفسي وكعدت لميت السجادة وطلعت من الغرفة نزلت جوة شفتهم يصلون

. كعدت بصالة انتظرهم يخلصون راح نضري لباب المطبخ دخل عمي كريم شعره مبهذل ويطوطح خفت منه كُلش رحت ختلت وره بيبي راح لغرفته وسد الباب سمعت بيبي تحجي
- حميده :- الله يغضب عليك دنيا وآخره كومي بيبي روحي جيبي العشة

. هزيت راسي، ورحت للمطبخ صبيت العشه وأخذته لصالة كعدنه اني وبيبي وجدو نتعشه
- حميده :- شوكت يجون
- هادي :- كالو وره العشة
- حميده :- شعجب مايباتون
- هادي :- مادري

. كمل جدو وراح للحمام يغسل تقربت مني بيبي وهمست
- حميده :- قفلي باب غرفتج بليل من تنامين
- جوليا :- ليش بيبي
- حميده :- احسن يمه هذا الوكت مايتأمن

. بقيت اباوع بوجهه ماعرف شنو احجي شلت الصينية وأخذتها للمطبخ غسلت الماعين وسويت چاي الهم وأخذته كعدنه شوي واجوي بيت عمو محمد وعائلته جانو مسيرين يم اهلها لمرت عمو بقينه ڷــ 11 سهرانين نعست اني صعدت لغرفتي وقفلت الباب ونمت

. بــ 1 كعدت ؏ دكات باب غرفتي كعدت مفزوعه منو هذا صحت
- جوليا :- منو
- كريم :- اني كومي سويلي عشه

. كمت بسرعه فتحت الباب وطلعت
- جوليا :- ها عمو
- كريم :- ها ست جوليا
- جوليا :- شنو
- كريم :- سويلنه عشه بسرعه

. عفته ونزلت نضراته كُلش مو حلوة ابدا مارتاح إله سويت العشه بسرعه وخليته كدامه
- كريم :- مشكورة
- جوليا :- تدلل عمو
- كريم :- شوكت يجي ذياب
- جوليا :- ماعرف
- كريم :- انتي ماتعرفين
- جوليا :- حجيت وياه العصر مگلي
- كريم :- اي خوش روحي صرعتي راسي كلشي متعرفين

. طلعت من المطبخ ورحت لغرفتي ركض قفلت الباب
- جوليا :- يمه الله يأخذك

.

تمددت ؏ الجرباية ونمت لصبح كعدت طلعت ملابس المدرسة بدلت وكفت گبال المراية امشط شعري

. اني جوليا عمري 17 طالبة صف رابع اعدادي اهلي متوفين من جان عمري 3 سنوات بسبب نزاع عشائري جانو رايحين لدكتورة لان ماما جانت حامل وراحت تفحص وبطريق قتلوهم ولي رباني ابن عمي الجبير ذياب جان إليه اب وام وكُل شي احتاجة بدنيا وابدا منقص علية شي صح ظالم ومتملك بس وياي يختلف صح مرات تطلع حركات منه بس بدون قصد