احفاد العامري❤️

ياريت الجي يبقي معاك♥️

سلسله العامري
للعشق قواعد اخري
"البارت السابع عشر"
*وصل محمد البيت هو وملك*
ملك بضحك:هموت بجد اول مره اتكسف كدا
محمد:هههههه شوفتي لما جرينا
ملك بتعب:اسكندريه كلها اتفرجت علينا بقولك اي انا هخش انام شويه وانت هتعمل اي
محمد بضيق:هخش اقعد م امي شويه
ملك بحنيه:هون عليها وخدها ف حضنك كدا واقويها انت سندها انت واحمد
محمد بغمزه:يعني انتي سندي بقي علي كدا حضن وتهوين وحجات عنب بقولك اي م تجيبي حضن تاني كلاكيت تاني مره ونبي
ملك بنفاذ صبر:ولله انا قولت انك تافهه محدش صدقني مش لايق عليك دراما خالص انا كدا اتأكدت انك فوقت ميه ف ميه واطمنت علي فوفا خلاص
محمد بضحك:ههههههه روحي ي مصيبه نامي
ملك بمياعه:تيك كير ي بيبي
*مات محمد من ضحك علي جنونها وعفويتها ف كلام اتنهد بتعب ودخل لمامته ..
شافها قاعده علي سرير و ماسكه مصحف اول م شافته صدقت وشاورتله يقرب ..
قرب منها محمد وخدها ف حضنه وغصب عنه دمعه نزلت من عينه ..الاسف هو ضعيف جدا وهو شايف حاله مامته بالمنظر دا بقي بيسأل نفسه الف سؤال لحد م فاق علي صوتها*
وفاء بغمزه:اكيد ملك هونت عليك علي الاخر
محمد بصدمه:انتي مرقباني بقي
وفاء بضحك:هههه ولله ابدا ..بعد يعني الي حصل تحت بسأل عليك راحت المفعوصه مليكه قالتلي متقلقيش ي طنط ملوكه معاه
محمد بتوعد:اه ي مليكه الكلب ولله لوريها
وفاء بحزن:سيبك من كل دا بقيت احسن
*حضنها محمد بحب شديد وهي حطت اديها تلعب ف شعره زي زمان وهو طفل ...محمد قال بصوت مبحوح من الخنقه*
محمد:انتي اعظم ام ف دنيا صدقيني ي امي انا من غيرك ولا حاجه انا عايش عشانك انتي وبس ربنا يخليكي ليا انا واحمد مش هقدر اعوض لو جزء صغير من حبك لينا
وفاء بدموع:ي حبيب قلبي انا عايشه عشانكم وبس مليش غيركم ابدا انتو ضهري وسندي بكره لما اكبر وشعري يبيض واعجز مش هلاقي حد اسند عليه غيركو بس ليا طلب عندك ي حبيبي
محمد بلهفه:عنيا ليكي ي امي
وفاء بحب:بلاش تكرهه ابوكو ..تعرف ابوك من زمان اوي وهو ديما بيغلط وبعدين يتعلم من غلطه كنت الاول بتخنق منه واقول انه مستهتر وكل قراراته غلط ف غلط بس مع الوقت لقيت ان ابوك بيتعلم بجد هو لازم يجرب ويغلط بس بيتعلم وزي م انا ي حبيب ماما مش ليا غيركو هو كمان مش ليه غيركو انتو سند لينا
*مقدرش محمد يتكلم من كتر م جايله ذهول من حب امه ل ابوه واتمني يلاقي حد يحبه زيها حضنها جامد وقاال بصوت ضعيف*
محمد:بحبك اوي ي امي انا عايز انام ف حضنك
وفاء بحب وحنيه:مفيش غير حضن ماما الي يقدر يسيعك حاليا تعاالي ي حبيبي
*لسه محمد بيتعدل عشان ينام ف حضنها شاف احمد داخل وهو لابس لبس بيتي وبيلعب ف شعره وبيقول بأحراج*
احمد:ممكن انا كمان انام معاكو ولا اي
وفاء بدموع:احمد ي بني
احمد ببتسامه:انا سمعت كل حاجه هتنيميني ولا اشوف حضن تاني
وفاء بقمصه:هقوم اضربك بأبو ورده عالفكره
محمد بضحك:هههههه تعالي نام احسنلك وبعدين هو في احلي من حضن فوفا
وفاء بضحك و خبث :هههه في ي عين امك  في
*جري احمد ليهم وحضنهم بحب
ساعتها حست وفاء ان عوض ربنا ليها ف احن اتنين عيالها ولو فضلت سنين مش هتقدر توصف حبها ليهم ..وفعلا بعد وقت نام احمد ومحمد ف حضنها
**********
كانت مليكه قاعده بتاكل سناكس وبتذاكر ..
سمعت خبط علي باب اوضتها ...فتحت شافت فارس لابس بدله سودا حلو جدا وريحه برفيوم بتاعته تجنن وبيقول
فارس بحب:بقولك اي عندي كتب كتاب م تيجي معايا
مليكه بفرحه:ياا بقالي كتير مش روحت افراح
فارس بغمزه:اي خدمه مش حرمك من حاجه اهو
مليكه بصدمه:لحظههه ي فارس انا مش محضره دريس ولا مجهزه ميكب ولا حتي لوك لا لا روح انت
فارس بأمر:عظيم تلاته ل تيجي معايا ربع ساعه تكوني خلصتي
مليكه بستهزاء:اكيد بتهزر صح
فارس بغضب وامر:ربع ساعه ي مليكه
*دخلت مليكه بسرعه وفتحت دولاب وفضلت تقريبا ربع ساعه بتقرر لحد م استقرت علي دريس لونه بني سيمبل ستان فردت شعرها وحطت روچ افتح درجه من لون دريس ولبست هيلز وكانت فعلا جميله جدا ومش لايق عليها سنها نهائي ...
خرجت ل فارس اول م شافها تنح وكلام مكنش عارف يخرج منه
اتكسفت مليكه بشكل كبير جت تدخل بسرعه الاوضه لكن لحقها فارس وشدها ليه وقال بعشق وحب
فارس:انا لو لفيت  دنيا كلها مش هشوف ف جمالك ي طفلتي
مليكه بتوتر:بتكسف الوقت هيفوت
*فعلا راحو الفرح واديهم ف ادين بعض وقد اي الحب تالتهم ..بعد بمده وصله قرب فارس من العريس بفرحه وحضنه وسلم علي العروسه*
خالد بضحك:شوفت تدبيسه الرائد خالد عملها واتجنن
ايه بقمصه:قصدك اي ي عم خالد يعني
خالد بحب باس اديها وقال:قصدي ان لو لفيت دنيا مش هلاقي احلي من ايه روح قلبي
ايه بضحك:ايوا كدا اعدل
خالد بغمزه:طب اي مش ناوي تدبس زي
فارس بحب وهو بيبص لمليكه:قريب
ايه ببتسامه:مين القمر دي ي فارس
فارس بعشق:دي مليكه بنت عمي وحببتي
ايه بضحك:مش بضيع وقت بس هي قمر اوي م شاء الله ولله وعرفت تنقي
خالد بضحك:عندك حق زي القمر
بصله فارس بشر راح بلع ريقه بسرعه
*فجاء سمعه صوت راجل بيقول كل كابلز تتجمع عشان الرقصه دي وكانت علي اغنيه رومانسيه (خليني ف حضنك)
فارس انتهز الفرصه وخد مليكه علي الاستيدج مسك اديها وبي الايد تانيه علي وسطها وبص ف عنيها ونسي دنيا كلها قدام عنيها ...كانت مليكه مبسوطه ومكسوفه حاسه بمشاعر كتيره جديده عليها وفعلا محستهاش غير مع فارس*
مليكه بكسوف وهمس:ازاي تقول ل صاحبك اني حببتك
فارس بعشق مجنون:عارف انك لحد الان مش قولتيها وممكن تكوني مش بتحبيني بس انا بعشقكك ي مليكه وانتي بنتي والبنت مينفعش يكون عندها كزا اب هو واحد بس انا وصلت لمرحله اني بتنفسك بتمني اخبيكي جوا حضني عن عيون ناس دي كلها نفسي بس تعترفي ساعتها لازم تكوني اسمك علي اسمي
مليكه ببتسامه ودقات قلب:وبتحلي دنيا ف عيني وانا جمبك ف متبعدنيش  حضنك فعلا بيخليني اتمسك ف دنيا و اعيش
*حضنها فارس بعشق ليها وبس*
************
(عند نبيله كانت قاعده متعصبه وريم قاعده قدامها بعصبيه)
ريم:اهدي ي ماما مش كدا في اي
نبيله:يبنتي شكل دنيا هتخرب علي دماغنا ومش هنطول ولا جنيه
(قامت ريم راحت ناحيه الشباك وهي بتقول بخبث و توعد)
ريم:ليه ي ماما بتقولي كدا انتي متعرفيش مهارات بنتك ولا اي
نبيله بستهزاء:عارفه ومستغربه انها مظهرتش لحد الان قوليلي ناويه علي اي
ريم بخبث:اكسب محمد ل صفي اخليه يتعلق بيه ويحبني وساعتها نتجوز ويوم م دا يحصل ساعتها كل حاجه ليه و ل ابوه هتبقي لينا
نبيله بشر وطمع:يارب يبت ي ريم
ريم بتوعد:متقلقيش ي ماما ..يلا انا هخرج وانتي لما جوزك يرجع دلعيه كدا فاهمه وخليكي ديما ست الوافيه المسالمه يلا هروح نايت باي
***********
(كانت يارا عماله تلف ف الاوضه بتوتر ومره واحده وقفت وهي بتلعب ف شعرها بتصميم)
يارا لنفسها:مهما كان رد الفعل ف انا مش ينفع اكتم مشاعري ابدا دا كان اوفي قانون ف لندن ...لازم اعمل الي هيريحني لازم
*ابتسمت بتصميم وبعدين طلعت تقعد مع ملك*

ياتري يارا ناويه علي اي؟
واي الي ممكن يحصل تاني ف بيت العامري؟
كل دا هنعرفه البارتات الي جايه

گ:ملك الشيمي