احفاد العامري❤️

للعشق قواعد اخري

*سلسله احفاد العامري*
"تعريف الابطال"
سليم العامري:هو الجد كبير عيله العامري عنده 77 سنه راجل ليه هيبه وكله بيعمله الف حساب واكتر حاجه بيخاف عليها عياله
نغم الاسيوطي:وهي الجده الحنونه عندها 63 سنه بتحب عيالها جدا واحلي حاجه فيها طيبه قلبها الزياده
*عيله وليد*
وليد:هو اكبر اولاد سليم اب حنون مع ولاد لكن في صح فقط ومعندوش حاجه اسمها غلط عنده56 سنه
صفاء:مراته طيبه القلب وبتحب عيالها جداا عندها 49
اسر:الولد الاكبر ل وليد عنده28 سنه شبه مامته جدا واخد العيون الاخضر منها وشعرها الاسود شديد جدا ف طباعه ومش بيحب يتهاون مع اي ست غير مامته وجدته نغم واخواته البنات
ملك:الاخت الاوسط عندها 21 سنه طيبه جدا ومتسامحه وديما بتحب الخير لكله ومفيش ف قلبها اي خبث واكتر حد مهم ف حياتها عيلتها  وبنت عمها ورد  شبه جدها سليم وابوها عنيها بني زي القهوه وشعرها بني طويل
مليكه:وهي الاصغر والاشقي عندها 17 سنه وهي شبه اسر جدا مليكه الفرق لون البشره الانها قمحاويه طبعها اناني شويه وهنعرف لي ف الروايه وشايفه ديما ان محدش بيحبها
*عيله عز*
عز:الابن الاوسط ل سليم العامري طبعه حاد شويه ف تعاامل بس رغم كدا بيحب عياله ومراته جدا عنده 49 سنه
ليلي: مراته زي صفاء بظبط وبتحبها جدا وبتحب عيالها اهم شئ عندها 43 سنه
فارس:الابن الاكبر ل عز هادي طباع جدا وملهوش اختلاط ب العيله لكن ف شغله بيقلب وحش وهو شابه ولده جدا عنيه زرقه وشعره بني عنده 27 سنه
ورد:الابنه الاصغر لعز مرحه جدا ومشاكسه وعنديه ومش بتحب تسيب حقها لحد نهائي وبتحب شغلها جدا عنيها زي فارس  وشعرها بني والي محليه القصه بتاعه الصنين وديما لبسه نضاره وعندها 22
*عيله جاسم*
جاسم :الابن الاصغر ل سليم هادي جدا ومسالم كمام واي حاجه ابوه يقولها تبقي صح عشان كدا هو اقرب واحد ليه وعنده 50 سنه
وفاء:مراته ست اصيله واستحملت كتير وبتحب جاسم جدا وعيالها اكتر حد ف دنيا عندها 45 سنه
محمد:الابن الاكبر ل جاسم طموح جداا وبيحب عيلته كلها وطيب جدا بس لو حد عصبه بيقلب وحش فعلا عنده 26 سنه عنيه بني وشعره بني فاتح وبيعمله ديما كيرلي عكس اخوه احمد وابيضاني
احمد :الابن الاصغر ل جاسم غامض  واكتر حاجه بيحبها هي عيلته وبالاخص ولدته شعره اسود وعنيه اسود زي ليل وقمحاوي وعنده 25 سنه
*عيله رحاب*
رحاب:اصغر اولاد سليم طيبه القلب وبتحب بنتها جدا عندها 39 سنه
يارا:بنت رحاب عندها 20 سنه بتحب مامتها جدا  متكبره شويه ومش واخده علي جو العيله الانها ديما لوحدها شعرها اسود وعنيها سودا لكن فيها جمال غريب ممزوج بين الشرقي والغربي

*كدا انا وضحت الابطال واحد واحد عشان محدش يتلغبط وكمان عشان هي سلسله ولسه في ابطال كتير جدا جايين واتمني السلسله تعجبكم وهستني تفاعل يزيد دمتم بخير ي حبايبي*
گ:ملك الشيمي✍️

"البارت الاول"

*في مستشفي خاصه بعيله العامري كانت قاعده ماسكه ورق دخلت ملك بنت عمتها وقالتلها*
ملك:تعالي في حاله حارجه بسرعه
*سابت ورد الورق وجريت بره لقت بنت مطعونه ف جمبها وبتنهج قربت منها ورد و قالت بغضب*
ورد بعصبيه:ينهار ابيض مين عمل فيكي كدا انتي لازم تخشي العمليات فورا دكتوره ملك خلي حد يجهز الغرفه حالا
*دخلت ورد بسرعه مع المريضه وبعد شويه نقلو المريضه اوضه عاديه طلعت ورد وهي بتنهج بتعب لقت مجموعه من ناس قدام غرفه المريضه وفي واحد ملامحه حاده واقف وبيطلب من ملك تقولو فين دكتوره الي كشفت علي المريضه قربت منه ورد وقالت*
ورد بهدوء:انا الي انقذت حياتها ي فندم خير في اي
الراجل بعصبيه:كيف يعني المفروض كنتي تهمليها تموت وتغور ف داهيه
ورد بعصبيه:ازاي يعني المريضه كانت بين الحيا والموت والمفروض تفرح وبعدين انت مين انت عشان تتكلم كدا
الراجل بعصبيه تهد المكان:انا عمها وانا الي أمرت ولد اخوي يخلصني منيها ومن عرها الي خلا البلد كلتها تتكلم علينا جوليلي هتفوق ميتا عشان نخدها
ورد بخوف حقيقي عليها:لسه يومين عايزين تستنو اهلا وسهلا مش عايزين ياريت تمشوه بدل الي انتو عملتو دا وفي مرضي غيرها
*الراجل بصلها بتوعد ومشي هو ورجلته ورد خدت نفسها اخيرا من الرعب الي عاشته من شويه ومكنتش عارفه هي ازاي كانت بالقوه دي قدامه قربت منها ملك وقالت بخوف*
ملك:يلاهوي بجد شفتي شكلهم كان عامل ازاي كنت خايفه الراجل يعمل فيكي حاجه بجد
ورد براحه:ي ساتر وانا بجد انا الفضول هياكلني تعالي نشوف البنت الغلبانه الي جوا دي
*********
*كان بيتابع المبني بكل دقه وهو ماسك القلم ومركز وكل م يبص يرجع يبص للورقه ويكتب حاجه قرب منه ابن عمه محمد وقال*
محمد بتعب:ابوس ايدك ي اسر م تفنن تاني انا تعبت وربنا وبعدين الفيلا ودزاين الي انت عملته بجد يهبله
اسر بجديه: لا متقلقش انا بحسب حاجه مش اكتر بس صح عايزه اسألك متعرفش جدو عايزنا في اي كلنا انا بقلق من تجمع دا
محمد بمرح:شكله هيتجوز علي تيته نغم انت عارف انه شقي من يومه
اسر بضحك:تصدق يمكن ربنا يستر

البارت خالص اتمني يعجبكم وعايزاكم تركزو في تفاصيل الانها مهمه واتمني سلسله احفاد العامري تعجبكم الان لسه في جزء تاني واحتمال تالت كمان*

گ:ملك الشيمي