គូស្នេហ៍ គូនិស្ស័យ

ភាគទី ១

ថ្ងៃនេះវាជាថ្ងៃពិសេសមួយសម្រាប់កញ្ញាជីស៊ូ ពីព្រោះនាងនឹងមានការប្រជុំជាមួយអ្នកថតរូបលំដាប់ថ្នាក់ពិភពលោក ហើយនាងក៏ជាម្ចាស់ក្រុមហ៊ុន JK Entertainment ដ៏ល្បីឈ្មោះទូទាំងអាស៊ីនេះដែរ។ វាគឺជាកន្លែងដែលមានតារាម៉ូដែលសិល្ប:ករ អ្នកចម្រៀងល្បីៗឈ្មោះជាច្រើនកំពុងជ្រកកោននៅទីនេះ មួយនៅក្នុងចំណោមពួកគេគឺជាមិត្តភក្តិរបស់ជីស៊ូម្នាក់ដែលមានឈ្មោះថា គីម ជេននី។

"តើថ្ងៃនេះខ្ញុំស្អាតដែរទេ?" ជីស៊ូសួរទៅមិត្តសម្លាញ់របស់នាង។ពេលនេះពួកគេទាំងពីរកំពុងនៅក្នុងការិយាល័យរបស់ជីស៊ូរៀបចំខ្លួនសម្រាប់កិច្ចប្រជុំធំមួយក្នុងពេលបន្តិចទៀតនេះ។

"អេ...ជីស៊ូ! ហេតុអ្វីបានជាឯងភ័យ? វាគ្រាន់តែជាការប្រជុំមួយតែប៉ុណ្ណោះ" ជេននីនិយាយហើយធ្វើឲ្យជីស៊ូកាន់តែភ័យឡើងថែមទៀត។ ជេននីមានការរំខានដោយសារតែមិត្តព្រោះនាងបានដើរពីមុខខ្លួនចុះឡើងៗមិនឈប់។

"ជីស៊ូឈប់ដើរចុះដើរឡើងទៅ ឯងធ្វើឱ្យយើងវល់មុខណាស់"

"ឯងមិនអាចបន្ទោសខ្ញុំទេ អ្នកមកប្រជុំលើនេះគឺជាអ្នកថតរូបលំដាប់ពិភពលោកណា៎ ខ្ញុំចង់ឱ្យគេមកនៅក្នុងក្រុមហ៊ុនរបស់យើង! ខ្ញុំស្បថខ្ញុំនឹងធ្វើឱ្យនាងក្លាយជារបស់យើង" ជីស៊ូនិយាយយ៉ាងមុតមាំ បន្ទាប់មកក៏ដកដង្ហើមធំ។ នាងបានដើរចេញពីបន្ទប់ដោយទុកមិត្តជាទីស្រលាញ់របស់នាងអង្គុយឆ្ងល់ម្នាក់ឯង។

"មើលទៅគេមានជំនឿចិត្តណាស់" ជេននីនិយាយម្នាក់ឯងទាំងញញឹមរួចក៏ដើរចាកចេញទៅតាមមិត្តពីក្រោយ។

ប្រហែលប្រាំនាទីក្រោយមកនៅក្នុងរថយន្តរបស់ជីស៊ូនៅពេលភ្លាមៗនោះជេននីក៏បានសុំឱ្យជីស៊ូឈប់ឡាន។

"ហេតុអ្វីត្រូវឈប់?"

"ខ្ញុំត្រូវជួបអាយវិន នាងកំពុងរង់ចាំនៅហាងកាហ្វេរបស់នាង"

"ចាំយើងជូនឯងទៅ!"

"ខ្ញុំអាចទៅទីនោះដោយខ្លួនឯងបាន" និយាយហើយជេននីក៏ចាកចេញពីឡាន។

"អ៊ាស...!! ក្មេងស្រីម្នាក់នេះពិតជា..." ជីស៊ូគ្មានជម្រើសផ្សេងទៀតទេ នាងមានតែទៅប្រជុំនៅទីនោះតែម្នាក់ឯងហើយ។