هلاوووو اني ليان علي عمري 16 الوحيده لامي وابويه لااا اخ ولااا اخت وحيدتهم وممدللتهم اني اول وحده بعشيرتنه نداوم معروف البنيه لازم مداوم مواصفاتي بيضه خشمي صغير وحلكي هم صغير جسمي متوسط حلو يعني اني لا طويله ولا قزمه بابا كسر هذا القانون وخلاني اكمل دراستي اني مجتهده بدراستي يعني كلهه تسعينات ثمانينات اني صف رابع علمي وعندي بس صديقتين الوحيدات على قلبي سيلا واستيلاا خوات توأم يخبلوننن المهم انعرفكم على اهلي
بابا اسمه علي عمره 35 ويشتغل عقيد بل الاستخبارات
ماما اسمهه روان تشتغل دكتوره
———————————
يابه السلام عليكم
اني اسمي علي اكون بطل هاي القصه اعرفكم على نفسي اني علي عمري 17سنه اداوم رابع علمي ليش لان اني عايد سنه بثالث متوسط (العله مال طلاب )😂المهم اني عندي خوات ثنين رهف وليلى وامي وابويه عايشين الله يطول بعمرهم مواصفاتي طويل طولي ١٨٨تخيلو بس الطول واهاي الشغله كلش اعاني منه لان طويل اكون اسمر سماري خفيف عيوني جوزيات.اني عندي ثنين عمام وعمه وحدهه
عمي الجبير حسن عنده ثنين بنات (هاله ،خوله )
عمي الوسطاني بنيه وحده ولد (عمر ،سالي)
ابويه الصغير ثنين بنات ولد (اني،ليلى،رهف)
عمتي سوسن ثلاث بنات (فاطمه ونور ورقيه)
ابويه اسمه طالب عمره 45سنه ضابط
امي اسمهه بنار عمره 43 ربه بيت
خواتي ليلى عمره ٢٦مزوجه وماعدهه جهال
رهف عمره ١٤تدرس ثاني متوسط
——————————-
ليان
كعدت الصبح على صوت المنبه يدك فوك راسي :اهوووو هسه اني بيه حيل اكوم
امي :ليان كومي امي راح تتاخرين على دوامج
ليان :ماما بس خمس دقايق
امي :يوميه لخمس دقايق كومي
ليان :يبوووووووو على عمري كايمه عمي كايمه
كعدت طبيت سبحت طلعت من الحمام رحت اتمشى او اتمخطر امشي على كيفي طلعت من الكنتور قميص ابيض وصدرية نيلي حلوهه لبست ومشطت ملاحظه (اني ممحجبهه وشعري سرح ) ولبست حذائي تكرمون وخلصت خليت اخر لمساتي من العطررررر الي ريحتهه فواحه
نزلتتت بكيت بابا كاعد على ميز الطعام ومبدل ديشرب كهوه وياكل وماما ماده على ايده اليسرى هم تاكل كليتهم كاعدين يسولفون
صبااااح الخير ياحلى عائله بدنيا
بابا:هههه صباح النور جميلتي
ماما : صباح النور بنيتي يله تعالي اكلي ليجنچ البنات
ليان :لااا مجوعانه عود اذا جعت اشتري من الحانوت
ماما بعتاب:شلون احنهه يوميه متاكلين ترحين وترجعين انتي مماكله
بابا :روان عرفيه براحتهه تمام بابا هاچ هاي فلوس واشتري مناك
ليان :تمام
اندكت الباب لكيت البنات سيلا واستيلا
ليان :هلااااااااووووووووووووو شونچن
سيلا :وجععععع من الصبح جوعرين
ستيلا:ياهلا سهل النشاط من الصبح
ليان :مادري احس اليوم حلوو
سيلااا :طبعا اليوم حلو لان شفتيني
ليان كلبت عيونها وكالت :يلههه امشو نروح
———————————
علي
كعدت الصبح على صوت امي
ام علي :يله يمهه وراك دوام يله حبيبي
علي :يي يمه هسه شويه
ام علي :لاشويه ولا بعدين كوم
علي :يي كعدت صباح الخير
ام علي:صباح النور
طبيت سبحت وطلعت لبست ملابس المدرسه وطلعت من الغرفه لكيت ابويه وامي ورهف كاعدين يتريكون
علي :صباح الخير
الكل :صباح النور
اكلت شويه وطلعت لكيت جماعتي بل باب كلت :صباح الخير
الشباب :صباح النور
رائد :عليوي شبي وجهك اليوم مورد
عباس :يي اليوم يضحك
سالم :يابه يمكن شافله حاته جديده ههه
علي :لا يابه يا حاته مادري من كعدت حسيت كأنو نشاط اجاني
حسين :هااا حلووو
علي :يي
مشينه وبأثناء مدنمشي لكينه ثلث بنات احنه مدرستنه صير كيال مدرسه البنات ف شفت بنيه سبحان الخالق العيون خضره والشعر الاشقر تخبل صحيت على صوت تصفير
رائد :بويهههه حزام ناسف شون عيون خضره
علي :خزرت رائد
مشينه هسه شون صايره بجهتي يعني من نمشي هيه بصفي وتعبرني هيج شي اتمنى تفهمون من طبت من يمي العطرررررر يسطرررررر سطرني
—————————————
ليان
مشينه اني والبنات وصلنه للمدرسه من دنمشي التقينا بولد ف عيوني لااراديه اجت على واحد اسمر حلوووو بارعا علي هوه باوع عليه فات من يمي سمعتهه يكول اووف شون عطررر يسطر
ضحكت ومشينه اني والبنات طبيت للمدرسه شفت المديره بوجهي
سيلااا :يبووووو هم تفتيش
ستيلا :انجبي وامشي
المديره اجت فتشت البنات وكفت بوجهي
المديره :هاي شنو ها حمره ست ليان
ليان :ست مخاله
المديره :ليش جذبين وهاي الحمره هاج هاي الكلينس المرطب امسحي خلقتج
ليان :انطيني
مسحت وجهي ونطتهيا كتلهه شفتي ستتت ماكو مكياااج
المديره:يله ولي من وجهي
ليان :هزيت ايدي ومشيت
خلصت مدرسه طلعت من المدرسه اني والبنات رحت للاسواق الكدامنه طبيت شفت الولد الصبح الي شفتهم شفت الولد الاسمر باوعلي
ضحكت ومشيت أشتريت تايگر ثنين وببسي ثنين وچباسه واندومي رحت للولد حتى ادفع شفت الولد الاسمر واكف وكفت بصفه
علي :كملي اني وراج
ليان :لا عادي ماعندي شي كمل انته
علي:انتي اول احسن
ليان :تمام
دفعت وطلعت وصلت للبيت وبدلت وخلصت خليت فوني عشحن ونزلت اجري اهلي تغدينه
————————-
علي
طبيت للمدرسه خلصن الدروس واني ممنتبه بالي يم العيون الخضر وووووففف موتتني عيون الخضره طلعت رحت للاسواق اشتري شفتههه عيوني لااراديه لحكتهه شفتهه ضحكت وطلعت الضيممم غمازتهه بويهه متت وربي اشتريت شفتهه اشترت تايكر ضحكت الضاهر ماعده طاقه اني انطيهه طاقتي وربي
رحت وصلت للبيت بدلت ونمت واني احلمم بيهه
