فالليل تحديدا الساعه 11:24 رجعت لين بيتها و لارا رجعت مع امها عند لين دقت على عبد المجيد و رد عليها بعد ثاني اتصال لين : مجودي عبد المجيد : هلا يا عيوني لين : تعال بيتي و جيب اغراضك ابغاك تقعد عندي لين يرجع نواف عبد المجيد: تم ساعه و اكون عندك يا خوافه لين : ماني خايفه بس ما تحب اقعد لوحدي و كمان اشتقت لك عبد المجيد : احبك حتى انتي وحشتيني بعد ساعه وصل عبد المجيد و سلم عليها اخذت اغراضه و حطتها بغرفه الضيوف بعدها شغلو فيلم و قعدو يتفرجون سوا و بعد الفيلم كل واحد راح غرفته و نامو __________ عند لارا دخلت سلمت على أهلها و طلعت غرفتها ادركت جديه الموضوع قبل شوي و قعدت تفكر بالعواقب قبل تستخير! هل هي مستعده للزواج و المسؤوليه ؟ خافت و ما قدرت تجاوب ، ناظرت ساعتها و لقت الساعه صارت 3:00 لارا لنفسها: اووف ثلاث ساعات افكر بالموضوع ولا حسيت ! بقوم استخير افضل فعلا قامت توضت و صلت الوتر بعدها صلت صلاه الاستخاره و قعدت على سجادتها تدعي ربها لين سمعت اذان الفجر صلت الفجر و نامت قامت على الساعه 2:45 الظهر نزلت تحت لقت أهلها يتغدون لارا : يا خاينيييين تاكلون بدوني! مازن بضحكه : قلنا نخليك براحتك توك جايه من سفر و امك الله يصلحها صدمتك بالخبر لارا نزلت راسها بخجل و قالت : استخرت و احس اني موافقه مازن : اجل مبروك يا بنيتي الله يتمم لكم على خير انا بكرا اكلم أهله نوره زغرطت و قالت : اخيرا بفرح ب وحيدتي! كلهم ضحكو و كملو غداهم جالسين بالصاله و جا اشعار على جوال مازن فتح الجوال و توسعت عيونه بصدمه ! لقى صوره لصالح و بنت ! في المعسكر يعني الحين !
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
《اعتبرو الولد صالح و اعطاها التيشيرت حقه و قعدت تسولف معه + البنت اجنبيه 》 مازن بغضب : هذا و احنا باقي ما وافقنا عليه ! لو وافقنا وش بيسوي ؟ نوره بعدم فهم :استهدي بالله و علمنا وش صار ؟ مازن : شوفو وراهم الصوره لارا حست بالخيانه و قلبها انكسر تذكرت لما كان يبغاها ترجع الرياض بسرعه على اساس عشان تتم خطبتها بسرعه قالت لنفسها بخيبه : اجل عشان ننخطب بسرعه ؟ طلعت تبغاني افضي لك الجو عشان تقعد مع البنات يا ملعون فتحت تويتر و كتبت : غلطتي كنت حريصه جدا من الكل الا انت ! عطيتك كل الثقه و خذلت قلبي ! و حطت اغنيه ما بين بعينك ما بين بعينك . على كثر ما جاك لا واحسافه . ليتني ما عطيتك تخطي واعذرك . واتحمل خطاياك هويت غلطاتك . كثر ما هويتك
