اللهم لاتَجعل مُؤلفتي تُلهي عِبادكَ عَنْ طاعتِكَ"♥️
"بِـسم الله الرَحمـن الرَحـيم"
واگفـه اتصنـت عَ صوت الصـياح
تنـهدت بضيق ورجعت لغُـرفتي
اكيد بابا وماما غورقت عيوني
بالدموع صار شهر وهمه عالگه
مشـاكلهم
بـكر:تعـاي يبعد اخوچ!
–لـيش هـيچ؟؟؟مشـاكلهم كثـرانه
–عادي حَـبيبي كل المتـزوجين تصير بينهم مشـاكل
–بس بابا وماما عُـمرهم متكاونو هيج تعرف بيهم شگد يحبون بعض
–اكـلتي؟؟
–لتغير الموضوع الله يخليك اكيد تعرف ليش دا يصير هيچ
–اشش بابا انـه يمج، ارتـميت بحضنو
وبچـيت مگدر اشوفهم وهمه دا يتكاونون
–يواشچ ول يابه دحگيلي بابا
رفعت راسـي وبرطمت
–مـشاكل وتصـير بين كل ثنين
وهذا شي حيل طبيعي خوش؟
هزيت راسـي بـ اي
–يله حضـريلي الدشداشه تا ننزل للديوان
–واني؟
–يولي تريد تجين للديوان؟
–ههههههههه عزاا لا
–فوتي لغرفتج ولاطلعين خوش
–صار
كويـتله الدشداشه ونزل للديوان طبيت
لغُـرفتي وخـابرت ع البنات كامره
رند:اگلج شبيج وجه البومه مبوزه
ابتـسمتلها ورديت واني مبـرطمه:
–لا ماكو شي بس ضايجه وصدك وين ليان
وحوراء وملاك
نجد: اكيد مطمورات،
امم زين شلون نوخـر الضوجه منك ياحلو
ساره:نوديج للبستان
ضحـكت بصوت عالي
-هوه احنا اطگ طلعه عدنا البسـتان
ع الاقل انتِ بـرب*وك خوالج بـ بغداد
واربيل ويوميه دايحه
رديتـلها واني اعدل گعدتي
–زين وين نطلع ترا منطقتنه كُلش
حلوه ومن ارقه المناطق بالانبار
وبـعدين تعرفون الانبار محافضه
عشـائريه وتدرون اهلنا شگد يخافون علينه
رند:تـرا صحيح وتدرون ابو ذيب
ميـقبل نطلع ....
قـبل لتكمل گبل رديت وكشرت وجهي
–ايعع لتجيبين اسمه
رند:نچبي لج اخوي
–ايع الج والى هيج تردين
