مبدئيا وقبل كل حاجة أنا مش هتجوز البت ال أسمها صفاء
اعرفكم بنفسي أنا ياسين ابن الحاج كامل كبير البلد وتقدر
تقول إنه الحاكم بأمره ، كلمته مسموعة في البلد كلها من
الكبير قبل الصغير إحنا 4 إخوات 3 شباب وبنت أنا ألأخ
الأوسط اخويا الكبير اسمه فايز وده تقدر تقول عليه دراع
أبويا اليمين مفيش صغيرة ولا كبيرة بتتم الا من خلاله
بالبلدي كده أبويا شايف فيه الحاج كامل التاني
اخويا بقا الأصغر مني أسمه جلال بيدرس في كلية أداب وده
بقا كمية ضحك وهزار وسخافة أتجمعوا في كوكتيل واحد
وبقا جلال وتقدر تقول إن أبويا أستعوض ربنا فيا انا وهو من
سنين ،ماعلينا أخر حاجة بقا هي أختي سكينة أيوة والله
أسمها سكينة وتقريبا كده أسمها مسبب ليها عقدة وجايز كده
كرهت جدتها بعد ما الحاج كامل قرر يسميها على أسمها
أما انا بقا أسمي ياسين معايا دبلون قد الدنيا بحب السهر
والفسح والسفر خصوصا لما أبويا يبعتني أجيب بضاعة من
بحري
في يوم بعد ما رجعت من السفر لقيت أختي بتقولي ألحاج عايزك في موضوع ضروري
ياسين .. أستر يارب أبويا مش بيبعتلي غير في المصايب
...
الحاج كامل .. عامل إيه ياواد يالعبي
ياسين .. بخير طول ما أنت بخير يابا الحاج
الحاج كامل .. أنا دايما بخير طول ما أنتم بتسمعوا كلامي وشايفين مصالحكم
ياسين .. طبعا ياحاج مينفعش حد يعصالك أمر وبعدين إذا
كان الغريب بيسمع كلامك وبيمشي وراك وهو مغمض مستني
ولادك يبقوا أيه
الحاج كامل .. عفارم عليك ياولدي أنت كده قصرت الموضوع
وريحت قلبي من قبل ما أتكلم في الموضوع
ياسين .. أؤومرني ياحاج كل ال تقول عليه أعتبرني وافقت عليه
الحاج كامل .. يعني هتسمع كلامي مش هتتعبني؟
ياسين .. ماعاش ولا كان ال يقولك لأ ياحاج
الحاج كامل .. حيث كدا أنا عايزك تتجوز صفاء بنت عمك بهلول
ياسين .. لأ ياحاج 😳
الحاج كامل .. إيه !
ياسين .. قصدي صفاء صغيرة ياحاج وبعدين أنا لسه بدري عليا شوية
الحاج كامل .. صفاء مش صغيرة وأنت ال زيك خلفوا من زمان
ياسين .. بس أنا لسه ...
أنت تقرأ
قلب الجبابرة
Mystery / Thrillerرواية تجمع مابين الأثارة والتشويق والغموض أحداثها إجتماعية سنعرف ماذا يفعل الحب عندما يتغلغل بداخل قلوب الجبابرة كل هذا وأكثر في قلب الجبابرة تابعونا فضلا
