قلب الجبابرة

الفصل العاشر ( قلب الجبابرة ) بقلم #احمدحسن
ضرب باب المكتب برجله ودخل لقي سعد قاعد مع واحدة ست جوة وشكله كده سعد ده بتاع نسوان

سعد .. ايه الهمجية دي! انت مين ياجدع أنت 😳

جلال .. أنا جلال إبن الحاج كامل أكيد تعرف الحاج كامل !؟

سعد .. اهلا اهلا اهلا باإبن الغالي إتفضل قولي تشرب إيه

جلال .. مش عايز انا عايز أعرض عليك عرض بيتهيقلي ميترفضش

سعد .. قول وسمعني ياأبو الحاج

السكرتيرة .. لو سمحت ياسعد بيه نادر بيه منتظرك بره

جلال .. نادر !

سعد .. أنت لحقت تعرفه !😅

جلال .. مش عايزه يشوفني عندك إتصرف ومشيه

سعد .. مش فاهم حاجة بس ماشي ! أدخل الحمام

___ روايات أحمد حسن

نادر .. سعد باشا أخبارك إيه

سعد .. اهلاااا نادر ابن الغالي بابا اخباره ايه

نادر .. بخير الحمدلله

سعد .. خير في حاجة ولا إيه مش بعادة يعني

نادر .. في خير كتير وخير هيعم عالكل

سعد .. حبيبي أدخل عليا بالمصالح دايما حافظ بيه مش بيجي غير بالتقيل 😍

نادر .. لا الشغل ده بره حافظ بيه الشغل ده معايا انا

سعد .. وحافظ بيه ناوي يعتزل ويسلملك الرايا ولا إيه 😅

نادر .. ياسعد بيه ابويا تركيزه على الأثار وبس اما انا شغلى على واسع وزي ما أنت عارف ابويا بقا بيشتغل مع الناس الكسر ال مش بييجي من وراهم غير وجع القلب

سعد .. ناس كسر ! انا يابني ال اعرفهم بيشتغلوا مع ابوك كلهم ناس تقيلة سواء من الوزير او الجماعة السودانية او حتى الحاج كامل الله يرحمه

نادر .. اهو الحاج كامل ده اساس كل البلاوي ولينا معاهم مشاكل وكده

سعد .. بلاش الحاج كامل واولاده يانادر دول ناس تعز علينا وتاني هام مش بيسامحه في حقهم

نادر .. هههه ياعم دي ناس هبلة خاطف اخوهم ومخليهم بياكله في بعض وقريب هيخلصوا على بعض بلا تقيلة بلا بتاع المهم خلينا في التقيل واسمعني كويس

سعد .. خش ياابن حافظ خلينا نشوف الصيدة بتاعتك ثمينة ولا اي كلام هههه

نادر  .. أكبر صفقة سلاح في الشرق الأوسط

سعد .. أفتكر إن جلال جوة ( طب ماتيجي نكمل الكلام في حتة تانية يانادر

نادر .. لا مفيش مكان أأمن من هنا الكلام ده مينفعش يتقال في مكان عام