CHAPTER - 9
LOVE OF INFINITY 🔞🏳️🌈
.
Tun atang chuan Chhungkaw pa ber nihna ka chelh a ngai tawh a .
Ka chhungte dinhmun hi ka kutah a in nghat tawh , eng pawh lo thleng sela an tan chuan in nghahna ka ni tawh .
Rilru puitling tak ka put a ngai tawh a , ho mai mai a nung thei din hmunah pawh ka ding tawh lo .
Traffic Police ka nihna mai hi chuan ka chhung te ka chawm thei dawn lo , ka nu chuan hna la nei ve mahse kum alo ral anga ka nu pawh a kum te alo upa a nga , a pension thuai dawn tih ka hria , chuvangin hei aia hna sang zawk hi thawh ka ngai tih lah chiang takin ka hria .
Ka nu hian kan inkar hi min lo pawmpui lo ta sela khawi zawk nge ka thlan ang .
Lehlamah Thomas Lalrinsanga , lehlamah ka chhungkua ka venghim ve ve thei a ngem .
Kum alo pung zel a , hman a naupang kan nih laia engthawl tak a kan awm thin lai ang khan awm alo rem tawh lo a .
Tunah chuan engkim hi ka kut ah a tla vek tawh , rilru hahna tur hlir engkim hi .
Khumah thu in hmahun tam tak ka suangtuah a , ka phone vibrate thut avang chuan ka phu chiang kher mai thomasa alo ni a , ka pick-up rualin , " I reh leh vang vang sia " alo ti nghal a .
" Nia , ka buai deuh a lawm mawle " tiin phone chu ka hum nget zual sauh a , khumah chuan ka mu zal nghal duai a .
" Ilo leng dawn em ?" aw pangai leh fiah fel tak chuan a rawn ti a , a ngaihno bei lutuk hi amak zawk a takah pawh a pa riau zel hepa hi chu .
" Ka hrelo le " tiin ka chhang mai a , ka chhan na pawh hrelo ang maiin " Tukverh ah dak mah teh van kha a nalh lutuk " a rawn ti daih a , chhum leh arsi a lawm fal em bik avangin atan chuan movie pakhat a tling thin , en tur a min tur et et takah chuan khum atanga tho in tukverh lam pan chuan ka phei a .
Ni e , a mawi tak zet zan lalnu chu a eng mawi em em a , a bul velah chhum nalh tak tak in a hual bawk a , kuah vawng vawng ka chak leh tawh lalrinsanga hi .
" A mawi tiraw , ihh Denis ihmaw mipa in tiang hi mawi an tih hian apa lo viau em " alo tih chuan cute ka tih reuh em avangin ka nuih aza tak zet , keima sawi niawm zawk tak a ni .
" Tu pawhin mawi an ti thei a lawm , huam bik a nei hleinem ka naute " ka tih chuan a nui hak a , a lai leh tawh a nih hmel kan lalrinsanga hi .
" Mawh leng kual mai mai ang ka lung a leng riau a " tiin a awki chu a rawn in thlak daih a
" Zan boruak a nawm em avangin tei kual mai mai chu kei pawhin ka chak , theih phei se chuan inkai rial a len dun te chakawm ve thin mangramah chauh kan thei si , aw rem loh na khawvel ah kan piang hi zawng van a duai chuang ngei e .
A boruak a nawm tawk em vangin Tshirt chauh ka ha a , inhnuailamah chhukin ka nau math lo chawk mawlh mawlh ka hmuh chuan " noi ka chhuak lawk dawn aw " ka ti a , en pawh min en lem chuang lo in " Awle " alo ti ve mai , tleirawl ngaihzawng hrechho tan tir rilru kawih hma lai an ni a , enkawl thiam chhoh har lai tak an ni lehnghal a , an thian kawm ten an zir loh phei chuan an rilru suk thlek a kawi hma em em mai bawk a , kei tlangval kum 25 em pawh la tling lo hi chuan a enkawl seng mawlh silo .
Eng pawh tiila rilru hahna hi hmun tinah a awm emaw chu aw ka ti leh hial zel hawina lam apiang hi ngaihtuah tham a tling zel mai chu nia .
Lirthei pawh keng lem ta lo chuan ka chhuak a , zan ala reilo a mihring vak vel pawh hmuh tur an la awm zut mai .
YOU ARE READING
LOVE OF INFINITY ( MIZO BL 🔞👬)
Non-Fiction🏳️🌈COMPLETE 🖤🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🖤🏳️🌈
