LOVE OF INFINITY ( MIZO BL 🔞👬)

🏳️‍🌈<3 16 🏳️‍🌈

CHAPTER -  16
ツLOVE OF INFINITY ツ

♡♡♡

Motor chuan tirh atang Thomasa chu ala tawng mang meuh lo , thil tam tak a ngaihtuah te pawh ani mahna , a ngaihzawng pakhat vangin a chhungkua a tuithlar ringawt chu nia .

Min lo Hmangaih zia ka hriat hian phulo ka inti a , hlimna ka thlen loh palh mai te ka hlau hnuhnawh a , a kiang a ka awm reng theiloh mai te ka hlau bawk .

Zinkawng hlimawm tak ani reng dawn lo a , mangang ni leh lungngaih chang , in tih thiam loh chang lah ala tam dawn , chutiang hunah chuan hmangaihna nen ka kuangkuah reng thei a ngem , tunah ka thinlung zawng zawng in hmangaih in duh mah ila mihring in kan hmahun kan hrelo a , a kut ka vawnna hi thlah hun ka la nei mai ang tih ka hlau a , hlauhthawnna hlirin ka khat , tinge ka in rin zawh tak loh em em mai le !!

Seat hnunglam kan chang a , tu lem mahin min ngaihsak lo bawk nen ka malchungah ka muthilh tir a , a rilru hahna zawng zawng te leh rilru natna zawng zawng te'n an kian san hrih ani mahna tui takin a muhil a , mangram ah leh zel chuan a pangti na tu tawng lo hram sela .

A hmahun ka nitawh a , engkim hi ka kutah a in nghat tawh , beidawn san mai mai thei ka nilo , hmangaihna zinkawng chu ka lo tan pui ta der a a tawp pawh ka thlen pui ngei tur ani .

Zinkawng thui tak zawh in darkar tam fe kan hmang ral ta , ka naute erawh ka malchungah tui ti takin ala muhil anih hmel a la thaw sek sek zui lehnghal , kaihthawh ka hreh viau na chu Aizawl kan thleng tawh miau si a , chhuk a hun tawh bawk nen ka kaitho lo thei lo .

Zawi te chuan sâwi in " Thomas tho tawh rawh le " ka ti  zawi sap a , harh vang tih takah alo harh nghal a , a sam tuai tha thuak thuak in , chhuk a rual nghal a , kan bungrua vel chu la thla in taxi kan ko a , inlam pan chuan kan tlan haw ta vang vang a , ka nu phone in Aizawl kan thlen tawh thu ka hrilh a , min lo hmuah dawn thu a sawi a a in ring hman meuh lo ania nge bathroom tap in herh haw ri ka hrethei a insu ani ngei ang .

Kan inkawt kan thlen chuan gate pawnah ka nu alo awm vang tawh a , remsiami erawh school an la bang lo ani mahna , bungrua chu la lutin inchhung kan lut chiah zawng boruak a dang zar mai eng nghelh tur reng a awm lo engkim chu a thlamuan thlak vek mai niin ka hria thomasa te in  ngaihtuah chuan an inah erawh zawng midang vengthawng reng reng a awm a ngai a mahse tunah chuan engkim hi a fuh leh vek tawh .

Motor chuan chauh vang nge Thomasa chu a nguai hle a thil dang vang pawh ani mahna , a pa nen hun tam zawk hmang dun lo mahse apa kha ani miau si a , an inzawmna a chhu chat ringawt kha nia dawn tisei tham chu a van tling si em , apa em chu ka ni thei dawn ka tilo mahse apa hmunruak hi ruah reng tir ka phallo , apa hmunruak ka va luah e ka tihna nilo in heng a hlim lohna a rilru nat zawng zawng te hi ti reh sak ka duh a , ka pek theih zawng zawng hlimna hi pek vek ka duh ani , ka dam ve tek tek chhung chuan lungngaihna thlensak ka duh lo .

Engkim kalsanin ka kiangah alo kal a .

Duat takin ka ang chhungah ka luh tir ta a .

Kumkhua in ka tangah ka beitir anga

Thaleng dang te thik hman lo tur lekin ka siam bawk ang .

Hlimna mittui chauh lo chu a biangah mittui dang reng luan a rem dawn lo .

Vanglai ni chenin damten indi zel ila .