ပင်လယ်ကမ်းစပ်နားအမှတ်တမဲ့ရှာတွေ့ခဲ့တဲ့ ပန်းရောင်ကွင်းထိုးဖိနပ်လေးတစ်စုံ။
"အိုက်အီဂူး...သနားစရာကောင်မလေး သေတာတောင် ဒီလိုအေးစက်စက်ပင်လယ်ထဲ သေရတယ်လို့"
"အဲ့ဒါပြောတာပေါ့အမရယ် စိတ်ရောဂါသည်လားတောင်မသိပါဘူး"
"ဟုတ်တယ် ကျွန်မလည်းအဲ့လိုကြားတယ်!မဟုတ်ရင် ဘယ်သူကဒီလိုမျိုး ရူးမိုက်တဲ့အလုပ်ကို..."
"Aee...ကြက်သီးတောင်ထတယ်"
အင်း...တကယ်ဖြစ်ပျက်ခဲ့တဲ့အမှန်တရားကိုအသာထား! သတင်းတွေမျိုးစုံက လူတိုင်းရဲ့ပါးစပ်ဖျားမှာ ပလူပျံနေတာ ဓမ္မတာပဲလေ။
ဘဝတစ်လျှောက်လုံး အထီးကျန်ခြောက်လန့်မှုတွေထဲကနေ မလွတ်မြောက်နိုင်ခဲ့တဲ့ ကောင်မလေး...
စိတ်ရဲ့အနက်ရှိုင်းဆုံးတစ်နေရာထိ နာကျင်မှုဒဏ်ဗလဗွနဲ့ ရှင်သန်ခဲ့ရတဲ့ အဲ့ဒီကောင်မလေးက ဝေဒနာတွေရဲ့အကြောင်းခံကိုတောင် မသိခဲ့ရရှာဘူး။FATE~
ပန် ရဲ့အမေကကိုးရီးယားလူမျိုးပေမယ့် အဖေကအမေရိကန်သား။ပန်လေးကိုမွေးပြီး 5နှစ်အကြာမှာ အဖေဖြစ်သူက တခြားမိန်းမနဲ့ဖောက်ပြန်ပြီးတော့ သားအမိနှစ်ယောက်ကိုပစ်ပြီး အမေရိကန်ကိုပြန်သွားခဲ့တယ်။
အနေအေးတဲ့ ကပြားမလေးပန်က ကိုယ်ပိုင်အချိန်တွေအားလုံးကို စိတ်ကူးယဉ်အတွေးတွေထဲမှာနစ်မြှုပ်ထားပြီး သူငယ်ချင်းဆိုတာလည်း ကြီးပြင်းလာတဲ့ထိမရှိခဲ့ဘူး။
"သူ့အမေကရူးနေတာလေ သူတို့အဖေကလည်းနိုင်ငံခြားသားတဲ့ ကြောက်စရာကြီးမလား"
"မျိုးမစစ်မ!"
"HA HA HA..."
လူမျိုးရေးခွဲခြားမှုတွေ၊ကျောင်းတွင်းအကြမ်းဖက်ခံရမှုတွေ...
ကြောက်စရာအမှောင်ထုကြီးထဲ အလူးအလိမ့်ခံစားခဲ့ရတဲ့ကောင်မလေးက လူတိုင်းရဲ့ကစားစရာနယ်ရုပ်လေးအဖြစ်နဲ့။အချိန်တွေကြာလာတယ်...မသိချင်ယောင်ဆောင်လျစ်လျူရှုသူတွေများလာတာနဲ့အမျှ စိတ်ထဲပုန်းလျှိုးနေခဲ့ရတဲ့ ဒဏ်ရာအမာရွတ်တွေကို လူမမြင်အောင်တစ်ယောက်ထဲ ဝှက်ထားလိုက်တော့တယ်။
YOU ARE READING
FATE [One Short]
Short Storyကိုယ်တိုင်နစ်မြှောနေခဲ့တဲ့ အဖြူရောင်ကံကြမ္မာလှလှလေး...အခုဘာကိုမှဂရုမစိုက်တော့ဘဲ နူးညံ့တောက်ပနေတဲ့အရာလေးတစ်ခုထဲကိုကြည့်ပြီး တည့်တည့်မတ်မတ်လျှောက်လာခဲ့တော့မလို့...