قصة تحت عنوان : خارج عن السيطرة 《 psycho 》
من كتابة و تأليف: #Macilia_ch
❌️❌️ ممنوع النقل ❌️❌️
《قيد الكتابة》
تصنيف القصة: غموض ، تشويق ، إثارة ، جريمة .
سلسلة عشق محرم قصة تحت عنوان : #خارج_عن_السيطرة 《 psycho 》
من كتابة و تأليف: #Macilia_ch ممنوع النقل منعا باتا ❌️❌️❌️
مقتطف:
شافت من و من و تسرسبت تمشي بشوية الجو كان بارد و ضوء القمر يسطع فالسماء ضوالها الطريق المظلمة الهدوء لي سايد فبلاصة معمرة مجانين أشكال و أنواع يخوف تسمع غير صوت الريح القاوية و أغصان الشجر لي تتخبط فبعضها ..الليلة مناوبتها الأولى و حبت تستغلها حتى تشبع فضولها متجاهلة خطورة الوضع لي تم ...لفت روحها أكثر بالشال لي لابساتو حاضنة روحها بيديها ...خذات نفس و نفخت هواء بارد من فمها مكملة طريقها وقفت مقابل الباب تبحلق فيه للحظات ...عدات عينها على المدخل ما لقاتش الحارس لي يحرسو ترسمت بسمة على شفافها و جات تخطي برجلها للداخل وقت سمعت صوت خرخشة من وراها تلفتت مفجوعة دايرة فبالها انو الحارس رجع و كمشها بالجرم المشهود ...نشف الدم فعروقها لمجرد الفكرة اذا شكاها للمدير راح تنطرد ...القوانين هنا صارمة غير دارت تنهدت براحة حاطة يدها على قلبها ....زفرت نفس بارد و شافت فيه تحكي تمارا : خوفتني حسبتلي الحارس ...ستنات دقايق مليحة حتى يجاوبها أما صار العكس بقى واقف مقابلها يخزر فيها بلا ما يرمش بوجه جامد و عيون فارغة للحظة جاء لبالها انو يمكن يكون واحد من المرضى أما كي دققت فيه مليح لقاتو لابس مئزر أبيض كي لي لابساتو عرفت وقتها انو طبيب تنفست براحة مقطبة حواجبها مستغربة من سكوتو تمارا : علاه ساكت !! نفخت بفدة كي ما لقاتش رد منو ....قلبت عيونها و عطاتو بظهرها شافت جهة المدخل بعدها رجعت دارت تخزر فيه بنص عين تمارا: انت طبيب هنا فالجناح هذا! كيفاه عامل من الداخل ! و المهابل لي فيه كيفاه دايرين و كيفاه تسيطرو عليهم و تتعاملو معاهم !!! سكتت شوية بعدها نطقت تحكي تمارا : قصدي لي فالجناح هذا مهابل سبيسيال يعني خطر على الباقي ...هزت يدها مكمشة ملامحها تخمم بعدها فرقعت صباعتيها وقت تفكرت الجملة لي كانت حابة تقولها قصدي المجرمين قتالين الأرواح المرضى نفسيا ترسمت بسمة عريضة على شفافو و نطق يحكي أيدن : فضولية بالزايد دكتورة طلعت حاجبها تحكي باستهزاء تمارا : اوو و اخيرا نطقت للحظة قلت أنك أبكم ما تحكيش و لا ما تقوليش أوامر المدير الصارمة منعتكم أنو تحكو مع أي حد هنا بما أنكم مسؤولين على جناح خطير كيف هذا ! أما قبل ما جاوبتنيش أنت طبيب فالجناح هذا؟؟ شاف فيها مضيق عيونو يتفحص فيها بنظراتو ...مرر صبعو على شفتو التحتانية و تبسيمتو زادت عراضت أكثر و هو يخمم فالفكرة لي جات لبالو من شوية.
يتبع .....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
