ملاك صحيت من النوم لاقيت الكل صاحي بصيت على الساعه لاقيتها الساعه واحده استغربت انها نامت كل ده وسألت نجمه "ليه يا نجمه مصحتنيش ينفع كده هتأخر على الشغل" نجمه قالتلها "هو أنتي ناسية أن أوضتك الوحيدة اللي معمولة ببصمة صوت وأيد وعين وكمان الباب معمول برمز سري ومصفح" وكملت نجمعه وقالت "ده انا لو معيشة معايا رئيس الجمهورية مش هيبقى كده" ضحكت ملاك وقالتلها بتفاخر مصطنع "ده كفاية أن انتي مخلفة قمر زيي" ولسه نجمه هترد رد يونس وهو نازل من فوق "موت يا حمار" بصتيلوا ملاك ونجمة ضحكت جامد أوي وكأنها بقالها كتير ماضحكتش فقالتلوا ملاك وهي طالعه تلبس عشان تروح الشركة "أنا هسكت المره دي عشان حسيتها بقالها كتير مضحكتش" ضحك يونس ونزل وطلب من الدادا فتحية تحضرله الفطار أما ملاك طلعت اخدت شارو ولبست ونزلت وقالت لنجمه وهي ماشية "أنا هجيب ضرخام معايا وأنا راجعه" قالتلها نجمة برفض قاطع "لا أنا مش موافأة أنتي عايزه تموتينا يا ملاك" ملاك قالتلها وهي بتحضنها "والله عشان هو بس تعبان من القعدة لوحده معلش بقى" ودخل عمار وفي إيده كيس كبير وحضن ملاك وقالها وهو حاضنها وحاطط إيده على كتفها "أي خدمة محدش هيعمل معاكي كده على فكره غيري"في الوقت نفسه اللي نزل فيه رعد وعلي وعمر ومصطفى وقال عمار للداد" نضفي اللحمه دي كويس وأشويها وحطيها في طبق "وفعلا الدادا سمعت كلامه وهو قال لملاك" أنا من رأيي تسيبي العائلة الكئيبة دي وتيجي معايا أمريكا هناك بقى هترتاحي معايا أكتر وننام سوا زي ما كنا بنام مع بعض "ضحكت ملاك ضحكة جامده اوي وقالتلوا
"أنت بتهزر أنت لسه فاكر الكلام ده يا ابني انا نسيت الكلام ده كله" علي بغضب شديد "ملاك هتفضل معانا هنا وياريت تسافر بقى وتخلصنا" رد العقرب بهدوء شديد "أنا بكلم ملاك مش بتكلم معاك أنت" وقالت ملاك بأبتسامة "مش هقدر دلوقتي يا عمورة لما أفضى والله هاجي معاك" وسكتوا كلهم على صوت نجمة وهي داخله "أنت يا واد أنت أنت يا اللي اسمك عمار" وقالت ملاك بمقاطعه لعمار "ألبس يا معلم ده انت هتأكل ضرب يا مجدي" عمار استخبى ورا ملاك وقال "أنتي أختي حبيبتي اللي هدفعي عني صح" قالت ملاك "أكيد طبعا" وتابعت ملاك بصوت عالي أوي "يا نجمه عمار هنا اهو" قال عمار وهو بيجري "يا ندلة يا حيوانة" بس ملاك قالتله بمقاطعه وهي بتمسكه قبل ما يجري "ليه بس الغلط" جات نجمه وقالتلوا "ليه هتمشي هو أنت لحقت تقعد اصلا يا واد أنت" قال عمار وهو بيبوس رأس نجمه "اهدي بس انا كده كده لازم أسافر أولا عشان شركاتي اللي متعطلة وثانيا عشان لميرا متزعلش" سكتوا الكل وملاك بدأ تتناقش في الشغل وطلع عمار ونزل تاني في إيده تابلت وقال لملاك "ملاك بصي كده على التاب" قالت ملاك وهي بتمضي أوراق "مش وقته دلوقتي ونبي يا عمار عشان ورايا حاجات كتير أوي" عمار قال "لا دي حاجه مهمه أوي والله" بصيت ملاك على التاب ولقيت فيديو شغال تبع صحفيه بتقول فيها أن العقرب والجحيم على علاقه غير شرعيه مع بعض ضحكت ملاك جامد وبعد ما خلصت ضحك بصيت لأوركيدا وقالتلها "بقولك يا أوركيدا إعملي بيان صحفي خلال يومين وقولي فيه أن الجحيم هيطلع يتكلم بنفسه" وفعلا أوركيدا بدأت تجهز للبيان الصحفي وعمار بدأ يجهز نفسه عشان يرجع لأمريكا وبعد يومين طلعت الجحيم في بيان صحفي وقالت "أنا هنا لأرد على أن العقرب على علاقة غير شرعية بالجحيم" وتابعت وقالت ملاك "عمار علي الكلاني يبقى أخو ملاك علي الكلاني" وهنا إتصدمت عائلة الكلاني والكل كان مصدوم وواحدة من الصحافه قالت'ومن هي لميرا' قالت ملاك " العقرب سيكمل معكم وشكرا لكم "ومشيت ملاك واتجهت نحو شركة الجحيم وفي نفس الوقت في قصر الكلاني كان يونس هيلقب على قناة تانيه من على التليفزيون بس الكلاني زعق جامد جدا وقال" يونس " يونس بصيله وقاله بخوف "في ايه يا جدو" الجد ركز على التيلفزيون فيونس لاحظ تركيز جده على التليفزيون فبص على التليفزيون لاقى العقرب بيقول "لميرا هي زوجتي الأمريكية أما ملاك تبقى أختي" وأنهى الموضوع ويونس استغرب وانتظر عودة الجحيم ليسأله وسكتوا كلهم ولما رجعت ملاك قالت للدادا "جهزي الغداء عشان انا واقعه من كتر الجوع" وطلعت ملاك أخدت شاور ولبست ونزلت تتغدا وهي قاعده بتتغدا لاقت الكلاني مركز معاها فضحكت ملاك وقالت "قول يا جدو اللي عندك بدل ما أنت بصيصلي البصة الغريبة دي" الكلاني هنا خلص أكل وقام قعد في الصالة وملاك خلصت أكل هي كمان وقعدت معاه في الصالة وأخيرا العائلة كلها خلصت أكل وقعدت معاهم في الصاله وهنا سأل الكلاني ملاك وقالها "إزاي بقى عمار يبقى أخوكي" قالت ملاك "يوم لما أنتوا طردتوا نجمة من القصر كانت نجمة حامل في الشهر الخامس وكانت هتقول لعلي إنها حامل بس كانت عاملها مفأجأة بس أستاذ علي مديهلهاش فرصة وطردها" وهنا علي كان مصدوم يعني عمار يبقى ابنه وهنا علي إتكلم بعدم ثقه وقال لملاك "وأنتي فاكره أن الهبل ده كله هيخيل عليا" وتابع وهو بيبص لنجمه وقال "روحي شوفي ده ابن مين" وقبل ما يكلم جملته لاقى قلم بيضرب على وشه من الكلاني و قاله "احترم نفسك يا علي أنت الوحيد اللي بين إخواتك اللي فارد نفسك إوعى تكون فاكر أن هسكتلك بعد كده ولو سمعتك بتتكلم تاني عن أي حد هنا إعتبر نفسك مش إبني" وفعلا سكت علي ومتكلمش تاني أما ملاك بعد ما الكل مشي طلعت كالعادة أخدت رواية ألبتروس وخرجت تقرأ فيها وبدأت تقرأ وقعطت قرائتها لما نزل علي وقالها "ملاك حبيبتي أنا أسف أوي ممكن تسامحيني" ملاك قامت وقالت "حتى وقت الهدوء بتيجي فيه ايه القرف ده" وتابعت وقالت لعلي "هو أنت للدرجة دي فاكر ان اللي أنت عملته هيعدي بسهولة ده أنت حتى مش عايز تعتذر قدامهم جاي بتعتذر بيني وبينك عشان غرورك عميك بس أنا أهو بقولك أنا مش متقبلة إعتذارك ومش هتقبله" كان لسه علي هيرد رس قاطعه صوت رعد وهو نازل "متجمعين تند النبي" بصيت ملاك ليه ولسه هترد بس طلع علي وسابهم ومشي وقال رعد لملاك "بس إيه ده غريبة أوي" ملاك سألته بأستغراب "في إيه" رد رعد "عمري ما شوفت قمرين موجودين على الكوكب" بصيت ملاك للسماء ولاقت قمر واحد في السماء وقالتله "ده واحد بس فين التاني" رد رعد "ما اهو التاني قدامي" وملاك قالتله بعدم فهم وغباء "فين ده" بس ما كملتش خمس دقايق فهمت وقالتله "اه شكرا" قال رعد "بس كده ده أخرك في الرومانسية " قالت ملاك لرعد وهي بتزقه "تصباح على خير يا رعد يلا يا حبيبي روح شوف نفسك"
أنا أسفه أوي على التأخير بس والله غصب عني أنا كنت تعبانة جدا ومش قادرة أكتب عشان كده أنا أسفه أوي على التأخير
Hanen Yasser
أنت تقرأ
ملاك الرعد
Misterio / Suspensoلست من محبي الأنتقام ولكن سيأتي علي يوم وسأبدع في تصفية الحسابات ولكن....... لماذا أقابله الأن لماذا لقد قفلت قلبي والأن يريد الخروج كانت تلك كلماتها فهل ستتغير أم ستظل كما هي؟
