..عشق الليل ..

البارت الثالث والثلاثون ♥️

الباب خبط
عشق راحت تفتح لقيت ليل
ليل : خلصتوا ولا لسه الناس علي وصول
غرام ببتسامه : لا خلصنا يا أبيه اي رايك حلوه
ليل بابتسامه وهو بيقرب منها : قمرر يا غرامي قمر
وحضنها وباس راسها قالها بمشاكسه : اخيرا هنخلص منك
غرام بشهقه : والله ممكن ارفض الوقتي اهو ها
ليل بضحك : اه يلا علشان مالك يطلع يموتني انا وانتي 😂
كلهم ضحكوا 😂
ليل : طيب انا هنزل بقي لأن الاستاذ مالك بعتلي رساله أنهم وصلوا وانتي انزلي بقي لما اندهلك ماشي
غرام : حاضر يا أبيه .
ليل خرج من الغرفه

♥️♥️♥️♥️♥️♥️♥️♥️♥️♥️♥️♥️♥️♥️
تحت في غرفه الصالون
والد ليل ( احمد ) : ازيك يا يامالك يابني عامل اي
مالك : الحمدلله والله ياعمي بخير انت عامل
والد ليل :  كويس يابني والله كويس
بعد قليل من السكوت التام
مازن بمرح : اي السكوت دا يا جماعه
مالك بهمس لمازن بغيظ : انا أعرف مش عارف ساكتين لي
والد مالك : احم طبعا انتوا عارفين احنا النهارده جاايين علشان نطلب ايد الانسه غرام لمالك
مالك : اخيرا
والد ليل ( احمد ) : والله دا يشرفنا يا حاج ولا اي يا ليل
ليل ببرود  : وانا مش موافق
مالك بغيظ : لي انشاء الله هي موافقه
ليل : لا مش موافقه دا انا كنت بقولك كدا بس علشان متعيطش
مالك بغيظ منه : طب حاتها اسألها كدا ونشوف
ليل بستفزاز : لا
مازن بضحك : احسن يااااا اخيرا شوفتك مزلول كدا مالك : اخرس يلا
والد مالك  بضحك : خلاص يا ليل معلش نسألها لو مش موافقه خلاص
ليل : علشان خاطرك انت بس ياحاج وبص لمالك بقرف ومالك بصلوا بغيظ ( ياعيني يا مالك دا انت هتشوف ايام سوده 😂)
ونده علي الخدامه تنده لغرام
بعد شويه
دخلت غرام وهي ماسكه في ايديها صنيه القهوه وجنبها عشق
ومالك انبهر من جمال غرام  وعنيه منزلتش من عليها
ليل وهو يتكلم من بين أسنانه : عينك في الأرض يا حيوان
مالك بصلوا بغيظ
غرام برقه : السلام عليكم
رد الجميع بالسلام وقدمت القهوه 
وراحت سلمت علي أبوا مالك وراحت قدام مالك وسلمت عليه وهو فضل ماسك ايديها
مازن بمرح : متخفش مش هتهرب والله
وليل بيبصلوا بغضب
وعشق واقفه جنبوا هتموت وتضحك
مالك ساب ايديها
وراحت قعدت جمب ليل
والد غرام  : مالك طالب ايدك مني يا غرام اي رايك
غرام بكسوف وعنيها في الأرض : ال ابيه يشوفوا يا بابا
ليل لمالك : شوفت قالت اي يعني هي مش موافقه بدال انا مش موافقه
مالك بنفاذ صبر : استني انت كدا طب يعني موافقه ولالا
غرام بصيت لليل ال ابتسم لها
غرام بكسوف : م.موافقه
مالك بفرحه وهو بينط : الله اكبر اخيرا يا شيخه
وبص لليل بأنتصار
والد ليل : طب يلا كلنا نقرء الفتحه
وفعلا الكل قرئوها
ليل باسها  من راسها وقالها : مبروك يا حبيبتي
غرام بحب : الله يبارك فيك يا أبيه
ووالدها  جه باركلها  هو ووالده مالك
عشق وهي بتحضنها : الف الف مبروك يا غرامي
غرام وهي بتحضنها : الله يبارك فيكي امال في ساره
عشق بضحك :يعني هتكون فين يعني جاعت راحت تاكل
ليل راح بارك لمالك :  الف مبروك يا حيوان
مالك بضحك : الله يبارك فيك يا نسيبي الغالي
ليل : امال فين الحيوان التاني
مالك : انا اعرف كان هنا هتلاقيه غار في اي حته أو راح يطفح
مالك : احم ليل هو مش المفرود اقعد شويه مع عروستي
ليل ببرود : دا في المشمش عارفه هناك بقي
مالك بغيظ منه : متقولوا حاجه ياجماعه هو كل حاجه لا
والد ليل : خلاص ياليل  هما عشر دقائق بس علشان يتكلموا سوا
ليل بنفاذ صبر : عشر دقائق وفي البلكونه قدامي ولو زودت عن العشر دقايق مفيش جواز من أصله
مالك : لالا وعلي اي عشر دقائق خلاص يلا يابنتي دا بيعد
غرام وعشق كاتمين ضحكتهم
وغرام هي ومالك اتجهوا للبلكونه