..عشق الليل ..

البارت السابع والثلاثوون ❤

وخرجت ساره وفي ايديها صنيه القهوه وغرام وعشق مستخبين ورا الستاره 😂
عشق وغرام انصدموا من ال شافوا وساره الصنيه وقعت منها
ساره بصدمه : مازن
مامت ساره بإستغراب : في اي يا بنتي انتوا تعرفوا بعض
مازن : احم ايوه كنت شوفتها كذا مره في قصر الاسيوطي لما كانت بتروح لمدام عشق
مامت ساره ببتسامه : طيب يابني وقالت لساره يشيلوا القهوه ال وقعت ويعملوا وحده جديده  كل دا وساره لسه مصدومه 😂
( في المطبخ )
ساره بصدمه : هو انا ال مجنونه وبتخيلوا في كل مكان علشان بحبه ولا انتوا شايفين كمان ولا اي
عشق بكتم ضحكتها: لا كلنا شايفين
ساره : يعني مازن بره
غرام بضحك : ايوه
ساره : وجاي يخطبني
عشق : يسس
ساره : ومعاه جوزك وخطيبك.
غرام : مخلاص يا حجه هو بشحمه ولحمه قاعد بره
ساره افتكرت حاجه :  نعم ازاي جاي يخطبي وهو مخطوب هو مفكرني اي حاسيي يابت من وشي
وخرجت
ساره بعصبية لمازن : مش انت قولتلي انك مخطوب صح ازاي بقي هتخطبني  انا مستحيل أوافق
الكل ضحك عليها
ساره بغباء : انتوا بتضحكوا لي دا مخطوب وكان قاعد بيغظني بخطيبته انها قمر وجميله ومفيش احسن منها روحلها بقي
عشق وغرام يضربوها في كتفها انها تسكت ولا هي هنا
مازن قام وقف وقرب منها: طب ما انا عندها اهو
ساره بغباء اكتر : عندها فين يابني انت عندي انا انا مستحيل اخطب واحد مخطوب ها 
مازن : هي فين البلكونة يا جماعه
مامت ساره شاورتله عليها 
مازن بمرح : بعد ازنكوا هاخد خطيبتي أعرفها انا مخطوبه ازاي
الكل ضحك علي كلمته
وشدها وخدها البلكونة  وهي مش فاهمه حاجه
مامت ساره : انت مالك الألفي صح خطيب غرام
مالك ببتسامه : ايوه
مامت ساره بمرح : ربنا يكون في عونك يابني علي ما ابتلاك 😂
غرام بعبوس : لي بقي دا انا نسمه نسمه صح يا عمر
عمر بغيظ : قال نسمه قال ماتشوفش كانوا بيعملوا فيا اي وهما صغيرين كانوا بيعملوا فيا مقالب وانا نايم
ليل : حصل والله يابني دي مره حاطت في صوابع رجلي صواريخ علشان كنت واعدها اني أخرجها ومخرجتهاش
غرام ببرائه متصنعه : ظالمني و الله متصدقهومش دا انا ملاك مجنح
مالك: طبعا طبعا مصدقك
عمر : هي اهدي واحده فيهم عشق بس مش اووي
ليل بغيره : هي عشق كانت بتيجي هنا كمان وبتصحيك
عمر بضحك : بطل غيره دا انا أخوها الكبير وكانت صغنونه لسه وبعدين لا هي كانت بتحضر المقلب وهما يدخلوا ينفذوا 😂
عشق بضحك : علشان كنت مابتاخدناش معاك وانت خارج
عمر : اشهدو يا جماعه ببقي خارج مع صحابي
عايزين يجوا معايا فا كنت بغفلهم وبخرج واسيبهم يناحوا هنا 
عشق : طب واي يعني بتبقي زهقانين
مامت ساره : يلهوي دول كانوا بيقعدو يعيطوا لغايه اما يناموا
عشق بمكر : طب فاكر أما كنت رايح السينما انت و
عمر : اي اي بسس ياحبيبتي خلاص
وفضلوا يتكلموا ويضحكوا عن زكرياتهم وليل هيطق من ضحك عشق مع عمر

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤
(عند مجانينا )

ساره بنرفزه : ينفع اعرف جايبين هنا لي انا مستحيل أوافق عليك وانت مخطوب
مازن : انتي غبيه يابت وبعدين اسمها خاطب مش مخطوبه
ساره بعبوس : مش انت قولتيلي انك يعتبر خلاص خطبت وخطيبتي جميله وحلوه ومحدش يجي في حلاوتها وانك بتحبها جاي هنا لي بقي روحلها
مازن بصبر : ياربي هتجوز غبيه ما انا قصدي عليكي
ساره بغباء: عليا انا
مازن : لا انا
ساره بكسوف : يعني انا البنت ال كنت بتقعد تقول عنها  
مازن بغمزه : ايوه
ساره بنرفزه: بس سوري معلش انت غلطت في حاجه انا لو شوفتك قاعد مع بنت مش هبقي متفهمه خالص دا انا هجيبك انت وهي من شعركوا
مازن : اعوذ بالله انتي بتتحولي
ساره بصتلوا بنص عين : طب وانثي الببغاء ال كانت قاعده معاك في المطعم
مازن بخبث : أليس دي صديقتي عادي  وبعدين عادي يكون ليا صحاب بنات
ساره بمكر: اه اه ومالوا انا برده عندي أحمد صديقي من الكليه هبقي اعرفك عليه لذيذ جدا جدا
مازن بغضب : وحيات امك بت متعصبنيش مفيش زفت صحاب شباب
ساره بعصبية: وانت مالك الله وبعدين ما انت بتصاحب مش معني
مازن : مفيش زفت صحاب ومتخلنيش اتعصب عليكي
ساره بعناد: لا مفيش فيه مش معني انت
مازن : مش زفت صحبتي ولا حاجه اصلا سافرت
ساره : احسن شبه انثي الببغاء بصحيح
مازن : طب يلا ندخل يا اخرت صبري 
ودخلوا
غرام بمرح : ها نقرء الفتحه
  ساره بصتلها بغيظ
مازن : كله تمام
عمر : ببقي علي بركه الله 
غرام : يبقي نقررء الفتحه الله
وفعلا قرئوا الفتحه
ومازن طلع من جيبه علبه فيها دبلتين عليها حرفهم