" තමුන් කිම් නම්ජූන් අද ඉඳන් මගෙ අලුත් සෙකට්‍රි. ඕකේ. දැන් ලෑස්ති වෙලා ඉක්මනට මෙතන තියන ෆයිල්ස් ටිකත් අරන් පහළට එනවා කාර් පාක් එක තියන තැනට. විනාඩි දහයක් ඇතුළත එනවා. "
මන් එහෙම කියලා ලිෆ්ට් එකෙන් පහළට ආවා. ලිෆ්ට් එකට ආව ගමන්ම මන් පපුවටත් අත තියා ගත්තෙ අර කොල්ලා ඒක කිව්ව වෙලේ ඉඳන් මගේ පපුව අශ්ව රේස් දුවන්න ගත්ත නිසා. ඔව් එයා කිව්වා මන් සුවඳ වැඩියි කියලා.. දෙයියනේ.. මන් ඇත්තටම සුවඳ වැඩියිද.. මන් එහෙම හිතන ගමන් ෂර්ට් එක ගානට පොඩ්ඩක් නාහෙට තියලා ඉව කරලා බැලුවා. ඔච්චර නාහෙ හකුළුවන් දුවන්න තරම් මගේ ළඟ මහලොකු සුවඳක් නෑ නේ. මේ සුදු රෙදි හොරාට පිස්සුද මන්දා.
මන් ඒක ගැන අමතක කරලා කාර් පාක් එකට යද්දි මෙන්න යකෝ මූ ඉන්නවා මගේ කාර් එක ළඟ. විනාඩි දහයක් ඇතුළත එන්න කියපු මනුස්සයා මෙච්චර ඉක්මනට මෙතනට ආවෙ කොහොමද. මේකා පියාඹගෙනවත් ආවද. ඒකත් ඇවිත් ඉන්න හැටි. එයාගෙ අප්පගෙ බූදලේ වගේ මගෙ කාර් එකට තව හේත්තුත් වෙලා.
" නම්ජූන් ඩ්‍රයිව් කරන්න ඔයා. ඔයා අද මගෙ ඩ්‍රයිවර්. "
මන් එක අතක් සාක්කුවට දාගෙන අනිත් අතේ තිබුණු වොච් එකෙන් වෙලාව බලන ගමන් කියද්දි මට කටට උණපු කෙළ ටික ආපහු ගිල ගන්න සිහි නැති වුණේ මිස්ටර් බ්ලොන්ඩ් හෙයර් මන් දිහාට දාපු ඒ බැල්ම නිසා. එයා හිටියෙ එයාගෙ එක කම්මුලක් දිවෙන් තද කරන ගමන්. ඒක හරිම නපුරු පෙනුමක්.
" මන් මෙතන ඔයාගෙ ඩ්‍රයිවර් කම් කරන්න ආවෙ නෑ. තමුන්ට ඕන නම් ඒකට වෙන කෙනෙක් හොයා ගන්න එකයි ඇත්තෙ. "
ආයෙ ඉතින් පොඩි එකා කියලා බලන්නැතුව මට මුගෙ කට ගලක තියලා උලන්න හිතයි. ඇයි යකෝ මමනෙ මෙතන බොස්. ඒ වුණාට කතාව ඌ මෙතන මගේ බොස් වගේ. මේ සුදු රෙදි හොරා අපේ යුන්ගිටත් වඩා අන්තයිනේ යකෝ.
මටත් ගස්සන් යන්න හදපු කොල්ලගෙ අත මන් අල්ලා ගනිද්දි තත්පරයක් පරක්කු නොවුණු මිස්ටර් බ්ලොන්ඩ් හෙයර් මාව කාර් එකටත් එයාටත් අතරමැද්දෙ හිර වෙන විදියට තද කරලා යන්න නොදී තියා ගත්තා.
" යා කිම් නම්ජූන් මොකක්ද තමුන්ට වෙලාම්ම්මආහ්.. "
දෙයියනේ... එයා මගේ බෙල්ල කිස් කරනවා නේද. මාව ඒ වුණු දෙයින් කරන්ට් එක වැදුණා වගේ ගැස්සිලා ගියා. එයාගෙ තොල් සීතලයි. මගෙ බෙල්ල පුරා එහෙ මෙහෙ තොල යද්දි මට දැනුණෙ හරිම අමුතු හැඟීමක්. මන් ඒ හැඟීමට ගොඩක් ආස කරා. ඒක හරියට මන් පාට වලාකුළක පාවෙනවා වගේ හැඟීමක්. ඒත් ඇයි.. ඇයි එයා එහෙම කරේ.. ඒකට හේතුවක් නොදන්න නිසා මන් එයාව අත් දෙකින්ම තල්ලු කරලා.
මට වැරදිලාද නැත්තන් එයා මගේ බෙල්ල කිස් කර නිසා මට පිස්සු හැදිල නිසාද මන්දා මට නිකමට එයාගෙ ඇස් පෙනුණෙ රතු පාට.
" අයිම්.. රියලි සොරි. "
ඒ වචන තුන කියපු එයා එතනින් ඉක්මනට ගියේ හරියට මට මූණ දෙන්න බැරුව වගේ. ඒ කියන්නෙ ඒක වැරදීමක්. ඒකයි එයා මට සොරි කියලා කිව්වෙ.
