اختفاء يورين!!
صعدت لغرفتها وقفلت الباب ورها عفتها ورحت لغرفتي وگلت بعد ذا راحت اله الحگهاا واشوفها وين
تمشي و وين اتروح صبح الصبح وجان اگعد على صوت غريب بالمطبخ نزلت
ولگيت اختي بالمطبخ تحضر الريوگ مسويتلنا سفرة اتجنن و بلگاع شفت حاطه جنطتها الجبيرة اجت امي وگالت هاي المن گالت مالكم علاقه اتريگو
انتو واني رايحه گالت امي ما تمشين وين تردين ترحين وشبيج هل الايام گالت مالكم علاقه واخذت
جنطتها ومشت امي فقدت الوعي من گد ما تعبت وهيه درات وجهاا ولا عبالك امي بيها شي وراحت گلت لخوي اخذ امي للغرفه وابقى يمهاا اني راح الحگها
لهاي الحقير واعرف سالفتها گال تمام رحت ورها اخذت التكسي و لحگتها وره ربع ساعه وگفت سيارة الي المأجرتها واني هم طلبت من السايق يوگف
نزلت و فجأة شفت اختي جايتني طگتني راجدي (كف) و گالت منو كالج اتلحگين واني انفجرت عليها وگتلهاا اريد اعرف
شنو السبب الي يخليج ترحين دون ما تلتفتين لامج واگعه وفاقده الوعي وانتي فلا عبالك شنو الشي هذا اهم من امي وصحتهاا گالت اني مشاكلي احلها وحدي گتلها يا مشكله بالعالم
اهم من امج امج ولج هاي امج كافي عليها صدمة ابويه وهسه انتي شنو تردين بالضبط اتموتيهاا بهذا الوقت اجت سيارة غريبه طبگت بس شافتهم اختي اتغيرت
ملامحها وطگتها ركض لسيارة ركبت وياهم ومشت اني ما شفت وجه السايق بس چان اكو رجال الي هو
السايق ومرأة وياه صورت رقم السيارة وراحو خابرت اخويه گتله شلونها امي گال زينه صحت وشربتها منوم وهسه هيه نايمه گتله تعال اخذني
و اقفل الباب وراك خوش گالي جا و يورين گتله مشت تعال انت و خل اگلك الي صار و لا تنسه تقفل الباب گال تمام وره اشويه اجه اخويه گتله بالي صار
وصورت رقم السيارة لهيج اقترحت عليه انروح لمركز الشرطة ونقدم بلاغ گال ماشي مشينه و المشكله انو الشرطة گالو انو ما نگدر انساعدكم
لان اولا هيه عمرها اكبر من ال18 مو قاصر وثانينا ركبت السيارة ابأرادتها لهيج اذا اتشكون انو اكو شي قدمو رقم السيارة واذا مر 24 ساعة على اختفائها بلغونا و انشوف گنالهم تمام ورجعنا وصلتنا للبيت
بال3 الظهر تقريبا ولگينه الباب مفتوح گلت لخوي اني مو گلتلك اقفله گال والله العظيم قفلته گلته لعد منو اجتني لحضه ادراك انخمش گلبي وطگيتها
ركض لامي وبديت ما اشوف الگاع بس الحمد الله بعتي نايمه و ما بيها شي رحت اخذت نفس
واتذكرت مذكرتهاا رحت لغرفتها بس لگيت غرفتها منفوشه و ا اغراضها بالگاع مع انو البيت ما بيه شي
بس غرفتها مدمريهاا صرخت بأعلى صوتي لاخوي اجه ركض كال شكو گلته احس اختي راح يصير بيهاا شي خابرهااا ابسرعة....
.
.
يتبع..... انطوني رائيكم
أنت تقرأ
مذكرة يورين /Yurin note
Mystery / Thrillerتتكلم الرويه حول مذكرة فقدت وقد تكون دليل لكشف عن هوية القاتل الذي قتل اخت ميرين التؤم . . اول روية الي لا تنسو تكتبو رأيكم يفدني♥🫂 لا اسمح بأخذ افكاري و فكرتي غير مقتبسه من اي رواية♥ باللهجة العراقيه ♥🫂
