ريتك بحضني و كل ما غفى رمشي ابوسك

البارت الثالث عشر

ورد:اوريك فيها روحي اجلسي هناك و اسحبي جوالها اعرف الباسورد مستحيل تكون غيرته
ساره رحت و سحبت الجوال و جلست جنب ورد
ورد:بحذف الفيد من الجوال كامل حتى من المحذوفات
ساره:كفو
ورد فتحت الجوال و حذفت المقاطع و الصور من كل الجوال و ما يمدي يرجعونها
ساره اخذت الجوال و حطته بمكانه و رجعت تركض للبنات
ساره رفعت حاجبها:تحشون بي صح
ريماس ضحكت:ركضتك تجنن
ساره كشرت:يلا عطيني جوالي
ورد:جمالك جممماااللل تجننين ليتني مصعب والله احسده
رجعو الكل للبيت و ساره الي مسحت الميكب و طلعت ل ورد و البنات و العيال
ساره عطتها نظره:اعترفي تحشين فيني
الكل ناظر ساره
حسام اشر لها تجلس جنبه و همس:اعرف الي صار بالحمام
ساره ضحكت و بهمس:اعرف الي بينك و بين نجوى
حسام:شرايك بكره طلعة اخوان دايم ساحبه علينا
تالين:انا و رهف اول الي بيروحون ترضون ولا تزعلون هاذا الي عندنا
حسام ضحك و همس ل ساره:يليل النشبه
ساره همست:حرام خلينا ناخذهم خالو نيار ساحب عليهم و ابوي برضو مالهم الا انتي و سامر
سامر ناظرها بطرف عين:وشو سامر
ساره كتمت ضحكتها:سلامتك حبيبي
رهف:سامر تراهم يحشون بك
سامر:والله اعرفها سارونه ما ترتاح اذا ما حشت فينا جالس احس اني مهم عندها
ساره كشرت:كله من رهف خربت ولدنا والله كان سامر هادي و ما يتكلم
بندر ضحك:هاذا هادي و ما يتكلم لو تجلسين معه بالمجلس تنصرعين من كثر سوالفه
ورد ساره تعالي هنا
ساره ناظر حسام الي نفى:لا سارونتي ذي مافي يكفي خالي نيار سارقها مننا و الحين انتي
ساره ضحكت و همست ل حسام:اقول حسام لقيت زوج عمتنا
حسام بهمس:خالي نيار صح و دامه يفكر بالزواج انتي قولي له عندنا بنت الحلال و جمال و اخلاق بس انها نشبه و لو ما ترد على مسجاتها و مكالماتها يويلك
ساره ضحكت:ورد ما تفكرين بالزواج؟
ورد:الا والله يعني جاهزه نفسيا و اجتماعياً
مصعب:واضح انها تبي الفكه
ساره عطته نظره:اصلا ورد بتصيح أنها بتتركني ماعادها تتأملني و تمدحني
نجوى:سجل يا تاريخ و اخيرا ساره اعترفت أنها تحب المديح
ساره بجديه:صدق عميمه حنا لقينا لك زوج و نبي رايك
ورد:منهو عشان اعرف اذا حلو او لا
ساره:خالي نيار
ورد بخجل:مافي مشكله
مصعب بحده:هيه وش ماعاد فيه حياء
ورد:مصعب قاتل المتعه
نوره ضحكت:يغار عليك
ساره:عاد ورد و لقتها و الحين بتذلنا
ورد:ازعل؟
ساره:عدي الجدران و اختاري الي يعجبك و ترا بكلم خالي يخطب رسمي و بقوله تراها زعوله
ورد:ما تعجبني هالسوالف يا ملكه على طول يا مافي
ساره:تتغلى عميمه و بعدين انا عطيتكم وجه بروح انام 
اليوم الثاني و ساره تجهز قهوتها و تكلم نيار:ايه نسيت اقولك لقيت لك زوجه
نيار:دامها من ذوقك اكيد بتعجبني
ساره:عمتي ورد يا خالو و ترا هي مره جميله ماشاءالله ناقصها الزوج الصالح بقولك المواصفات لو بغيت
نيار:قولي
ساره:زعوله جمال و اخلاق بس لو ما رديت على مكالماتها يويلك و ترا ما تحب الي يتحكم ب مظهرها يعني مثلا ملابسها و و شعرها و كذا
نيار:ساره انتي داخله بمخي؟
ساره بخوف:ليه؟
نيار:اساسا هاذي مواصفات زوجة احلامي
ساره ضحكت:الله خالو و برضو نسيت اقولك هي ماعندها سوالف الخطوبه و كذا تبي على طول ملكه و ماتبي عرس
و اذا بتسفرها من قناعتها بتقولك ماتبي خارج الخليج
نيار:خلاص بكلم ابوي و امي
ساره:ايه خالو تجي تتغدا اليوم معي امي عند جدتي