اروى قلب سليم

part 18💗

اروى قلب سليم ♥️
♥️🌩Part 18🌩♥️
_____________
سليم جاب برفيوم واروى بدائت تفوق
اروى فتحت عنيها ببطئ : سليم🥺
سليم : اا..انا اسف
اروى : كريم عاوزه امشى
سليم حس ببعض الغيره منه ولكن سكت عشان متتعبش تانى
سليم لنفسه : دا اى الشلل دا كريم ودينى كريم جبنى ويحضنها هى ناقصاه ع المسا
تانى يوم اروى خدت علاج الضغط ولبست ومشت راحت القاعه الل كان فيها فرح ريم وعمر 
تالين وهى بتعيط : انا عاوزه ماما اروى تيجى تانى
تلا بعند : انا مش هلبس ولا هروح المدرسه غير اما ترجع بس هه.
سليم من وراهم : بلاش دلع ويلا كل واحده تلبس عشان متتأخروش واروى مش هترجع تانى انتو فاهمين
البنات قعدو يعيطو لتهانى وسليم راح الشغل وهو متعصب
___________
عند مروان وجايدا
مروان لبس وحضر الفطار وحطه جمب السرير وباس راس جايدا وكتبلها ورقه بأنها لو حست بملل تخلى السواق يوديها الشركه
___________
مروان وصل الشركه ودخل مكتب سليم
سليم : اممم خير
مروان : صحيح الل سمعته ده
سليم ببرود : خير
مروان : انت بارد كده ليه انت طردت مازن من الشغل
سليم اتضايق جدا : وعاوزنى اسيبه دا رحمه ليه انى طردته من غير مأذيه
مروان : واروى
سليم : اروى بلنسبالى دلوقت ولا حاجه بلنسبالى واحده باعت نفسها لمازن ورجعتها عشان ابنى مش اكتر دا لو طلع ابنى يعنى
اروى بصوت واهن ومتعب : س..سلي..يم
سليم اتصدم اول ماشاف اروى وكمان مروان لانه عارف ان سليم مش واعى للكلام الل بيقوله وانه كلام وقت غضب
مدت ايديها بفلاشه لمروان وقالت بصوت مكسور وحزين : حقيقى مكنتش اتوقع انى اكون كده ف نظركو ولو سمحتو الكلام الشرعى معايا ممنوع والا هتشوفو منى تصرف مش هيعجبكو وبصت لسليم بحزن وسابته ومشت
__________
سليم شغل الفلاشه ع الاب توب بسرعه عشان يفهم فيه اى
واتصدم الفيديو كان تصوير كاميرا يوم الفرح
Flash Back🪐
اروى كانت ماشيه رايحه الواليت تظبط الطرحه
مازن جه من وراه : اروى اروى ممكن تسمعينى
اروى بعصبيه: انت مجنون ولا معندكش دم وازاى اصلا تبعتلى ماسج زى الل بعتها ع الواتس دى انت عارف سليم لو شافها هيعمل فيك اى ابعد عنى احسنلك يامازن عشان حقيقى هتندم وهتصرف تصرف مش هيعجبك
مازن : اروى ممكن تسيبيلى فرصه اتكلم معاكى ليه عملتليى بلوك كنتى ردى عليا حتى طمنينى عنك
اروى : اطمنك عنى اى انت مجنون بأى صفه تكلمنى كده اوعى تنسى نفسك يابتاع انت ومره تانيه هتقرب منى هقول لسليم جوزى وهو هيتصرف
مازن مسك ايديها ولسه هيتكلم جه سليم
وكلنا عارفين الل حصل بعد كده 🤷
Back🖤🎥
سليم اتصدم هو ظلمها لو كان بس سمع منها دلوقت هو عرف ليه وقتها كانت واقفه ساكته وبتعيط بس عرف انها كانت مصدومه من رده فعله
سليم قام بسرعه وراح ليها المكتب
ملقهاش سأل بنت من التيم بتاعها
سليم : لو سمحتى يامريم فين اروى
مريم : مستر سليم بشمهندسه اروى وباقى التيم راحو الموقع بتاع المشروع الل هى لسه مخلصاه بتشرحهولهم بصراحه ابدعت فيه
سليم هم بلمغادره : تمام تمام
سليم وصل الموقع لقى اروى واقفه بين التيم وباين انها متعصبه عليهم
اروى : مالكو مبلمين كده ليه ماتردو عليا يابشوات هتنامو من دلوقت نامو ف بيتكو احسن
واحد من التيم : احنا اسفين يابشمهندس اروى
اروى صوتها عالى ومتضايقه : اسفين ليه عشان دفعه خايبه ومتدلعه منتوش ناشفين
روحو الشركه يلا مش عاوزاكو يابلاوى معايا وقدامكو مهله لبكره الصبح المشاريع تكون جاهزه هشرف عليها تورونى كده واصلين لفين
بدا الخوف ف اعين كل افراد التيم
اروى : يلا واقفين تتفرجو ع اى
سليم : اروى
اروى : نعم
سليم بهدوء حزين : انا اسف م..ممكن تسامحينى
اروى : لو سمحت متفتحش الموضوع دا تانى لان حقيقى ردى مش هيعجبك ياسليم
سليم : زعقيلى واعملى الل انتى عوزاه سرخى وكسرى اى حاجه تيجى قدامك لكن ارجوكى سامحينى
اروى : ملعيش يستا حمدى انا همشى عشان عندى شغل ف الشركه
حمدى : مع السلامه يابنتى
اروى : هبقا ابعتلك حد من التيم يشرف ع الشغل مش عاوزه غلطات
حمدى : انشاء الله مفيش حاجه يابنتى
سليم : اروى هو مش انا بكلمك
اروى : زى مانت شايف مشغوله
وسابته ومشت
_________
ف  سويسرا  تحديدا ف شقه عمر وريم
ريم : انت نازل ياحبيبى
عمر : ايوا ياروحى خلاص الافتتاح بكرا
ريم : انا خايفه
عمر : من اى بس
ريم : احنا مش قده
عمر : مش قد اى ياهبله انتى داهو مكتب صغير وبعدين سليم بيساعدنى هو وعمر ومش مخلينى عاوز حاجه
ريم : ومصر واهلنا هناك
عمر : هنستقر هنا فتره الاول نريح اعصابنا
ريم : الل انت شايفه ياحبيبى المهم اننا مع بعض
عمر : وانا ميهمنيش غير اننا مع بعض
ريم سمعت رن الجرس
عمر بأستغراب : غريبه انتى طلبتى حاجه من برا
ريم : اطلب اى الشقه الل جمبنا عارفها
عمر وخلاص فهم لانه عارف ان ريم بطبيعتها اجتماعيه : امم ايوه
ريم : من سوريا وجايين مقمين هنا بقالهم ٥ سنين هى اكبر منى بسنتين بس اتصاحبنا واكيد هى
عمر : ياسلام من اولها كده
ريم فتحت الباب
نوف ( الجاره السوريه ) : Hey
ريم : ازيك يانوف
نوف وهى بتمد اديها ب طبق : دى حلويات عملتها ولازم تدوقى منها معايا
ريم : ohhhhh, so cute
نوف : حبيبتى ماعملت شئ
ريم : يلا خلصى ترتيب ف البيت وانا كمان وهسيبه عشان نقعد مع بعض
نوف : اوكى حبيبى
عمر يقبل رائسها : يلا ياروحى انا همشى
ريم : خلى بالك من نفسك
عمر : حاضر ياحبيبى
___________
مرت الايام سليم بيحاول يتكلم مع اروى ومش عارف .. اروى بتروح عند جدها وبتشوف تلا وتالين وبيصعبو عليها جدا وبتقرر انها هترجع تانى تعيش معاهم
اروى ف الشهر ال 8 دلوقت هى وجايدا
عمر وريم بيكلمو العيله دايما فديو كول وبيعرفوهم انهم استقرو هنا خلاص وعمر فتح مكتب هناك وشغال كويس وقريب هيفتتح الشركه الخاصه بيه
الجاره نوف عرفت بحملها والل اثر ع نفسيه ريم ولكنها تعايشت وبتحاول تنسى وكمان عمر واقف جمبها
___________
ف بيت العيله انهارده عيد ميلاد تلا وتالين
اروى وهى حاطه ايدها ف ضهرها ومتعصبه : حقيقى ياجدو انت مش عارف انهارده ايه بجد يعنى مش عارف
لطيف وهو بيمثل : ايه يا اروى يابنتى مالك بس متتعصبيش
اروى : حقيقى انتو صدمتونى فيكو
سليم من وراها : صباح الخير ع احلى عيون
اروى بصتله بقرف
سليم بخبث: ياجدو
لطيف ضحك
خديجه : صحيح يا سليم يابنى مراتك بقالها ساعه قاعده تقولنا انهارده مبيفكركوش بحاجه هو فيه حاجه ولا اى
سليم : معرفش فيه حاجه يا اروى
اروى اتعصبت جدا ووشها احمر : انت بجد يا حيوان انت متعرفش اااااه الضغط
سليم بقلق حقيقى : اروى اهدى ومتتعصبيش مفيش حاجه تستدعى النرفزه دى
اروى : ابعد عنى هتشلنى
وسابتهم ومشت
لطيف : جايدا فين خلوها تشغلها بسرعه
امال خرجت من الاوضه بتاعت المكتب هى وعزت
امال : والله انا مش عارفه ليه مخبين عليها حرام عليكو تتعصب كده صوتها كان مخنوق اوى
عزت : احنا عملنها مفاجئه للبنات وبنت الهبله هتروح تقولهم
امال : بنتى مش هبله انا بقولك اهوه
لطيف : مش هبله هو مش قصده بس هى حنينه بزياده وهتقولهم
امال : شايف ابوك يارب تتعلم
وسابته ومشت
عزت: عاجبك كده ولعتها عليا ياحج
مروان داخل البيت : هى اروى بتعيط  برا ليه
لطيف : هى مقلتلكش
مروان: لا قاعده تعيط لوحدها واما بسألها مالك شتمتنى وقالتلى غور من وشى وقاعده تصوت ف وش اى حد
سليم : لا انا هطلع اقولها مينفعش كده وسابهم ومشى
لطيف : اهو هو دا الاهبل بقا
الكل ضحك
سليم خرج لقى اروى واقفه وتسرخ وتعيط
سليم حضنها : اااهدى اعصابك ونبى هتتعبى
اروى وهى بتعيط : انتو كلكو ناسيين ليه حرام عليكو وانت بنات ناسى عيد ميلادهم انا بكرهك
سليم :ممكن تهدى بقا والله ماحد نساه وكلنا فاكرينه وعاوزين نعمل للبنات بارتى مش اكتر فهمانى
اروى : ومحدش قالى ليه بقا ياخويا
سليم : اخويا😒 ع العموم عشان خايفينك تقوليلهم
اروى : لا صدقنى مش هقولهم 
وبعدين بعدت بسرعه من حضنه : انت قليل الادب
سليم بخبث: ليه بس دنا كنت مرتاح
تلا وتالين : مامى
اروى : حبايبى يلا عشان نحضر الفساتين للبارتى بتاعه عيد ميلادكو
تلا : بجد فيه بارتى
اروى : ايوا طبعا فيه بارتى دا انهارده احسن يوم ف حياتى اتولد فيه اغلى بنتين ف حياتى واحلى بنتين ف الدنيا كل سنه وانتو طيبين ياقمرات
سليم : دانتى كلامك مستناش الشمس تطلع عليه تسيحه هى دى صدقنى مش هقلهم
اروى ضحكت : مقدرش مقولهمش يرضك ازعلهم مقدرش
سليم بحزن : وحشتنى ضحكتك اوى يا اروى
اروى اتكسفت : البنات واقفين يا سليم اى الاحراج ده
سليم ضحك ع كسوفها
تالين : ممكن اطلب منك طلب يامامى
اروى : اامرى ياحبيبتى
تالين : ممكن ترجعيلنا بقا ممكن تفضلى معانا زى الاول وتنامى معانا
سليم كان منتظر اجابتها بفارغ الصبر واروى فضلت كتير ع مردت
سليم بقلق وحزن: اروى ردى عليه هترجعى
اروى حضنتها والدموع ف عنيها : ايوا ياحبيبتى موافقه هجيب لبسى انهارده بليل وهرجع معاكو انا اسفه انى بعدت عنكو 🥺
سليم شدها حضنها ولف بيها : شكرا اوى يا اروى انا اسف صدقينى والله عمرى ما هزعلك تانى وهتخلى عن تسرعى دا انا اسف والله اسف وبحبك اوى 🥺
اروى مسحت دموعه وحضنته : انت زعلتنى اوى يا سليم معقوله كل الل عملته عشانك دا كله وحتى مفكرتش تسألنى يومها اى الل حصل قدرت .. قدرت تطلقنى
سليم : حقك عليا يا اروى انا غلطان ف حقك وعارف انا اسف والله وعرفت قيمتك ف حياتى اما بعدتى انا اسف
اروى : خلاص بقا انسى
سليم : انا بحبك اوى يا اروى 🥺♥️
____________
" كنتُ أُقاوم وحدي ، فلا تخبرني أننا أصدقاء . " 🖤🪐
____________
Biba♥️🐥