اروى قلب سليم

part 22💗

اروى قلب سليم ♥️👑
Part 22👀💙
___________
سقطت زينه مغشياً عليها
انتفض حازم بخوف كبير عليها
حملها وضمها اليه ضرب وجنتيها بخفه : زينه زينه
اقترب روهان ولينا فهما يعلمان سبب اغشائها
روهان : اتصلو بدكتور بسرعه مش هتفوق دا انهيار عصبى
هاتف سليم طبيب واقترب مروان من ابنته وحملها وضعها ع اريكه
مروان بحنيه وبعض الدموع ف عينيه: زينه ياحبيبه بابى فوقى ونبى
اتى الطبيب وبداء بفحصها وسط قلق الجميع عليها
حازم بقلق وحب ظاهر ف عنيه ولهفته عليها : هى مالها يادكتور فيها اى
الدوك : ضعف عام هعلقلها محاليل تغذيه وهكتب ليها ع تحاليل دم هتعملها لان دى مؤكد اعراض  انميا حاده ولازم تتعالج
لينا : طيب يادكتور هى بقالها شهر عندها صداع ومش بيروح ابدا وديما بتدوخ
بداء الطبيب بفحصها مره اخرى وبدت ع ملامحه القلق
جايدا : ف اى يا دكتور طمنا
الدوك : هنضطر نعمل الاشعات دى والايكو ده بأسرع وقت
مروان بهدوء حزين عكس الل جواه : ل ليه يادكتور هى دى اعراض ايه
الدوك بعمليه : من الممكن متكونش انميا حاده لان معظم الاعراض اما ورم سرطانى ع المخ او ضعف ف عضله القلب لسه الاشاعات والتحاليل هى الل هتحدد
شهقت جايدا بفزع وانهارت من البكاء واحتضنها مروان بشده : اهدى ياروحى لسه متأكدناش بنتنا كويسه والله اهدى ارجوكى
ابتعد حازم عنهم جميعا لا يصدق ماورد ع مسامعه ولا يستوعب
علق لها المحاليل المغذيه واعطاها بعض المسكنات وغادر
تلا وتالين واولادهم كانو لسه جاين واتصدمو اما عرفو كلام الطبيب وزعلو جدا اما تلك الغائبه عن الوعى فكانت ف عالم موازى لهم تحلم بعشق طفولتها مع فتاه غيرها كانت تتألم وبشده وتبكى على خسارته له
حتى ظهرت دموعها ف الحقيقه ليمسحها روهان الجالس بجوارها ف الخفاء حتى لا يلاحظ احد انها تبكى بسبب اعلان حازم المفاجئ لخطبته
روهان ل ريان : هاا هتروحو ولا هتستنو
ريان : كنا بنقول نقعد نستناها اما تفوق لكن حياه و لينا هيروحو ازاى هنروحهم ونروح احنا
روهان : تمام ربنا معاكو
لينا : خليك جمبها ومتسيبهاش
روهان : متقلقيش هكون جمبها اما تفوق
ذهبو اصدقائها يعم عليهم الحزن
حملها روهان وصعد بها غرفه حازم حتى تفيق ف الصباح
سليم : حازم انا كلمت الخدم يجو هينضفو اوضه الضيوف عشان هتنامو فيها لان زينه نامت ف اوضتك دلوقت
حازم : حاضر يبابا
روهان : حاضر ياعمو
سليم: حازم انت كنت بتتكلمنى انك عاوز تخطب داليا صح
حازم : ايوا يابابا
سليم : تمام يابنى انا هكلم يحى واحدد معاد نيجى نقابلها فيه
حازم بعدم رضا وحزن : حاضر عن ازنكو ياجماعه هغير هدومى
نظر له روهان بغضب وحزين ع هذا القرار ف ماذا ستفعل تلك المسكينه عندما تعلم به
ف صباح اليوم التالى
استيقظت زينه من النوم وجدت نفسها ف غرفته ثوانى وانفجرت ف بكاء مرير تلعن قلبها الذى جعلها تعشقه حزينه للغايه
__________
عمر وهى يقطم الساندويتش : جهزو نفسكو بقا عشان هنمشى دلوقت البيت جهز
سليم : ماتقعد معانا شويه ياعمر لزمته اى
عمر : احنا هنروح نرص البس بس وجاى تانى قاعد ع قلبك
سليم : ربنا يخليك لينا
ديانا والده عمر : هاا ياحبيبى ماشى ولا هتقعد ونروح احنا
عمر قبل رئسها ثم يدها : لا جاى معاكو ياست الكل
روهان احتضنها : صباح الخير ياتيته
ديانا : صباح النور ياحبيبى
روهان لسليم : اما زينه تفوق عرفاها انى جايلها
سليم : حاضر
سليم لمؤمن الجالس بجوار والدته يأكل بصمت : مالك يامؤمن من امبارح ومبتتكلمش مع حد
مؤمن : عادى ياحج اكيد مجتش فرصه للكلام
سليم : هتخبى عليا ياولد ليه انا اهبل ولا حاجه دنا الل مربيك
مؤمن : صدقنى يبابا اول ماكون كويس هقولك
سليم : طيب بقولك انا كلمت رقيه هتيجى هتخلص معايا انهارده شويه شغل اعمل حسابك هتكفى يومك من غيرها
مؤمن : تمام ياحج
سليم بخبث : وكمان على قالى انك طلبت موظفه لمكتبك تانيه خير ليه
مؤمن اتوتر : عشان الشغل كتير ع رقيه وانت عارف لسه بدئه ومعندهاش الخبره الكافيه ف حبيت اجيب حد يساعدها
سليم : امم قولتلى طيب لو انت شايف رقيه مش قد الشغل يابنى اخليها معايا انا او حازم وانت خليك ف الموظفه الجديده وانت يامؤمن شغلك كتير يابنى والضغط كله عليك ع الاقل يكون معاك حد مريحك
مؤمن بأندفاع : لا رقيه مريحانى جدا
سليم : لا خلاص هى الموظفه الل جتيه انهارده شاطره جدا ع فكره وانا هاخد معايا رقيه هتبقا مساعدتى الشخصيه
اروى بغيره : نعم ياخويا عاوز مساعده شخصيه تعمل بيها اى
سليم برقلها : مش قدام الولاد يااروى
اروى : ولاد ف عينك دول شحوطه مفيش حاجه اسمها مساعده شخصيه عاوز حد يساعدك انا موجوده ولا انا كيس جوافه
سليم : ياحبيبتى انتى مفكيش حيل تشيلى نفسك
اروى : سليم
سليم : انتى لو شوفتى رقيه هتحبيها والله
اروى : مش هى جايه انهارده ابقا اشوفها
لتأتى خادمه : فيه واحده بره بتقول انها من الشركه اسمها رقيه ادخلها اوضه الضيوف ياسليم بيه
سليم : اهى جت اهيه كويس خليها تيجى ع هنا
لتطل عليهم رقيه ترتدى جيب بللون الابيض وبلوفر بللون الموف وطرحه بلون الجيبه
رقيه : السلام عليكم
اروى فور ما شافتها وحبتها وحست انها محترمه وقالت بترحاب : اهلا حبيبتى اتفضلى افطرى معانا وزقت مؤمن من جمبها: اوعى يلا وسع ليها
مؤمن بصدمه : افندم
اروى : اوعى عاوزه اقعد البنوته جمبى
رقيه بحرج وهى تتحاشى النظر لمؤمن  : لا ياطنط انا بس محتاجه سليم بيه عشان ابداء شغل
اروى قامت : لا سليم بيه اى اسمه عمو سليم انتى باسن عليكى صغيره ع الشغل اصلا انتى ف سنه كام
رقيه بهدؤ وصوت منخفض  : ف تانيه كليه تجاره عربى
اروى وهى تنظر لمؤمن : ومخطوبه بقا ياحبيبتى او مرتبطه
رقيه بخجل : لا ياطنط
سليم وهو يضحك ع تغير اروى المفاجئ : اسكتى يا رقيه يابنتى اروى لو فضلت تسألك من هنا للصبح وانتى تجاوبى مش هتخلصى  انتى خلاص دخلتى دماغها
اروى بتزمر وبتبرق لسليم  : سليم
ثم نظرت لمؤمن : هى دى سكرتيره المكتب بتاعتك يامؤمن
مؤمن وهو ينظر لرقيه وابتسامه بلهاء تزين وجهه : ايوا ياست الكل
رقيه : خلاص ياحبيبى خدها معاك بقا وانت ماشى وابعت لبباك السكرتيره الجديده ومش انت كنت محتاج مساعده شخصيه ليك يامؤمن
سليم : اى ده لا انا الل كنت عاوز
اروى : اسكت انت ثم نظرت لمؤمن : انا شايفه ان رقيه مناسبه لمؤمن وهيكونو لايقين ع بعض
صدم سليم ووقف الطعام ف حلق حازم وكاد ان يختنق
اروى بتصحيح : يعنى ف الشغل وكده
مؤمن بأرتياح : ايوا ياماما وكمان انسه رقيه فهمانى وفاهمه طباعى معتقدش انى هلاقى حد يريحنى ف الشغل زيها
خجلت رقيه بشده من كلماته : سليم بيه هو حضرتك هشتغل معاك دلوقت ولا اعمل اى
اروى : عمو سليم قولنا
رقيه ببتسامه هاديه : اه نسيت
سليم : استلمى شغلك الجديد بقا يا رقيه يابنتى واعرفى من مؤمن التعليمات الجديده وعدى ع الحسابات وانتى مروحه عشان مرتبك اعمل اى مابليد حيله خلاص دخلتى دماغ اروى ربنا يكون ف عونك
رقيه : ليه بس مدام اروى لطيفه جدا
اروى : بنت انتى بتنسى كتير اسمى اروى اى مدام اروى دى
رقيه :sorry
بتدخل عليهم تلا وماسكه ابنها ف اديها: صباح الخير قول لجدو صباح الخير
رافيل  ابن تلا ذو ال ٦ سنوات : ثباح الخير ياثمثم
سليم وهو يقبله ويحمله ع رجليه : صباح النور ياقلب جدو
حازم : ومفيش صباح الخير لخالو ولا شعرى منحكش انهارده مش قد الكلام
نظر رافيل لحازم بتزمر : تؤ ثم احتضن سليم بيديه الصغيره : هو ثمثم بث (سمسم بس )
نزلت زينه من ع الدرج بهدؤ : صباح الخير
الجميع : صباح النور
نظرت لحازم بحزن ثم قالت لسليم : عمو هما بابا وماما فين
سليم : روحو ياحبيبتى وجاين دلوقت عشان هتروحى تعملى تحايل واشعات الدكتور طلبها
زينه وهى تنظر لساعه يدها : لا مش وقته خالص انا لازم امشى عشان عندى درس تحاليل اى وهبل اى
وكانت ترقض تجاه الباب
سليم : رايحه فين بس
زينه : مروحه هجيب كتباتى عندى درس فزيا الساعه ١٠ وهتأخر كده
سليم : استنى عندك مينفعش انت هتمشى هتروحى تكشفى الاول
زينه : والله انا كويسه هو امبارح كنت حاسه بحبه ارهاق شويه بس
اروى : طيب استنى روح ياحازم وصلها البيت وانا هتصل بجايدا وهما هيعرفو يسيطرو عليها عشان دى عنيده
زينه : اووف ياجماعه افهمو انا اتبقالى شهر ع امتحناتى مينفعش خالص الل انتو بتقولو عليه ده دى فزيا
حازم قام وقال بحزم : بلا فزيا بلا هبل انتى هتروحى تكشفى الاول قدامى ع العربيه بتاعتى ع ماجيب المفاتيح
مشيت زينه بتزمر وهى تتفوه ببعض الكلمات بخفوت تلعن في حازم : يتك نيله وانت عامل زى موتسيكل الريس الخربان لهو نافع ف سباق ولا ف حياه عاديه
حازم : سمعتك ع فكره
زينه طلعت تجرى
اوصل حازم زينه والتى كانت صامته طول الطريق
حازم : وصلنا
زينه بحزن وهدؤ : تمام شكرا
ونزلت
حازم لنفسه : اعمل اى ياربى من العذاب ده
وغادر هو الاخر
مر اسبوع وظهرت نتيجه الفحوصات لزينه واظهرت انها انميا لا اكثر ولا داعى للقلق
اجرى روهان اتفاق معها بأنه سيجعل حازم يعترف بحبه لها اما هى ف استسلمت للامر الواقع واغلب الوقت حزينه
فى الصباح
اتت رقيه ل اروى حسب دعوتها فهى لا تعلم لما هذا الترحيب منها
اصطدمت بغرام
رقيه : اسفه مخدتش بالى
غرام : انتى مين
رقيه : انا رقيه المساعده الخاصه ل استاذ مؤمن
غرام بحماس : هو انتى الل
رقيه : سكتى ليه
غرام مسكت اديها بمرح  : ولا حاجه ولا حاجه بصى بقا ياستى انا غرام اخت مؤمن وحازم الصغير وانتى طبعا غنيه عن التعريف من كلام ماما ومؤمن عنك بس بصراحه مكنتش اعرف انك بلرقه والجمال ده فاتتنى دى المفروض كنت اشوف صورك بردو اعتبرينى من انهارده صاحبتك لالالا اختك اى حاجه عوزاها انا موجوده وف الخدمه ولو الواد مؤمن دا زعلك ف حاجه انا موجوده ممكن افرمه هو ممكن يكون عصبى شويتين تلاته بس حنين جدا
رقيه : حيلك حيلك دا كله كلام
حسن من وراهم : اتعودى ياستى واتعودى عليا انا كمان الا قوليلى بتعرفى تعملى اكل
رقيه ضحكت ع الثنائى المجنون : ومين دا كمان
حسن : انا حسن و
رقيه بمقاطعه : لو هتقدم نفسك بوصله كلام زيها ف انت غنى عن التعريف ياعم انا دماغى بتوجعنى بسرعه
حسن بدراما  : واضح ياغرام اننا ملناش حد ف البيت ده
غرام : ايوا ياحسن ااااهههع
مؤمن بحزم : رقيه غرام حسن بتعملو اى
غرام بخبث : مفيش يامؤمن دحنا كنت بنتعرف ع العروستك قصدى مساعدتك
مؤمن برقلها بمعنى تسكت : طيب يا غرام طيب ف كوزك اما نعوزك بقا
حسن وقد فهم ماترمى اليه غرام : ليه بس مش نتعرف ع الموزه
مؤمن بغضي : حسن الزم حدودك وغورو من وشى
حسن وغرام جريو من قدامه وخافو منه
رقيه : مؤمن بيه انا جبتلك الملفات بتاعه صفقه انهارده عشان تتابعها قبل مانروح الشركه وفيه بليل حفله الساعه 8 لازم تكون جاهز قبلها ع الاقل بساعه وفيه ميتنج كمان ساعه الا ربع مع عز السيوفى
مؤمن بأقتضاب : طيب وتركها وذهب لسيارته
رقيه تتمتم وتمشى خلفه بخطوات سريعه لتلحق به: هو شكله يوم باين من اوله

___________
‏لازال هُنالك أمل حتى في اللحظات الاخيرة كن مؤمن بالله ثم ثق به ثم ثق بهذا الأمل وتمسك به♥️.
____________
Biba Madkoor🖤🦋