السين والقوة

𝟖

لَستُ ذليلاً
كَي أعزُ بِقربهم
‏أنا عزيزٌ .. لا يُذلُ جِواري
.
.
.
مرت الايام واني كل يوم يزيد حماسي اكثر واكثر صرت طالبه جامعية بالتخصص الي اريده الحمدلله لكن بنفس الوقت كنت قلقه من البدا بهذا الشي وهذا الشي طبيعي يعني حياة جديده وناس جدد والجامعة في رايي تختلف جدا عن المدرسة...

﴿وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ﴾
__________________
:-يابه عندي موضوع وياك

:-يا ستار انت متصير ادمي الا اذا مسويلك مكسورة احجي شكو

:-يابه تعرف اني صار عمري ثلاثين وبعد هاي هي لذلك قررت اتزوج

صارت ملامحه جامده من ذكر موضوع الزواج يعرف ابنه شنو يريد وليش متزوج لحد هذه اللحظه بس الي يريدها مستحيل تصير اله زوجه...!
قطع صمته صوت ابنه وهو يكوله ها يابه وين صفنت!؟

:-نور متدخل بيتي وتصير جنتي

حجه هذا الكلام وتصوبت انظاره لابنه الي كاعد كدامه ...

:-انت شنو تحجي يابه يعني انت تعرفها!؟ ومنين اصلا تعرفهاا وشلون

:-معليك بالباقي المهم ان نور متصيرلك زوجه وهذا كلامي مااعيده مره ثانيه سعد

:-هو شنو متصيرلي زوجهه شنو السالفه يابه اني احبهاا تدري لو لااااا

:-لتعلي صوتك عليه انت ناسي اني ابوك!! بعدهي مداخله بيتي وصرت تعلي صوتك بعدين من تدخل شنو تسوي اغسل ايدي اذا مصرت طلي تحت ايدهاا

:-يابهه تعرفني كلش زينن اني مو المره الي توديني وتجيبني اني رجال من ظهو رجال وثانيا نور اصلا مو هيجيي انت متعرفها اكثر منيييي

:-نور محد يعرفها بكديي خوش محد يعرفها بكديي...تقرب منه وخله اصبع السبابه على صدره مكان قلبه...تطلعها من هذا وتنساها واذا مسويت الي كلته قسم بالله يا سعد لا انت ابني ولا اعرفك

:-يابه فدوه كلي شنو السبب؟ ليش مبين كارهه هالكد

:-انت معليك بالسبب المهم تنفذ الي كلته وهذا اخر كلام عنديي تنهد شوي وكمل كلامه...لتخليني اغضب عليك

كانت هذه المحادثه التي دارت بين سعد والده محمد من صارحه بموضوع زواجه من حبيبته الي الصدمه ان والده طلع يعرفها! لكن فكره رفضه لزواجه منها اكيد الها سبب ومبين سبب كبير لكن شنو هو!؟
___________________

-اول يوم بالجامعـه،الشعور كبش حلو ومينوصف مينوصف،شعور انك محقق امنيه كنت تتمناها من زمان،بكل دعاء وكل صلاة وكل مناسبه،وصلني اخويه الاخ سعودي الي مدري شبيه هالايام مو على بعضه بس يله اكيد متعارك ويا المسعده مالتهه...قبل لا ادخل رفعت راسي واني اشوف اسم جامعتي...

-طبعا افتر واشوف الطلاب كاعدين هذا الي لازم ملزمه وهذا الي لازم تلفون وهذا الي يسولف وهذا الي كاعد وحده وبيهم هماتين يفترون،ديم شعور حلو حسيت بالنضج مدري ليش،قررت اسال شخص عن مكان قاعتي لان مااندل ومااعرف احد...